ഹെൽത്ത് ഇൻഷുറൻസ് ക്ലെയിം നിരസിക്കൽ എങ്ങനെ ഒഴിവാക്കാം?

നിരസിക്കപ്പെട്ട ഹെൽത്ത് ഇൻഷുറൻസ് ക്ലെയിമുകളെക്കുറിച്ചുള്ള പേടിപ്പെടുത്തുന്ന കഥകൾ നാമെല്ലാവരും കേട്ടിട്ടുണ്ട്. ഈ കഥകൾ നമ്മുടെ മനസ്സിൽ ഭയം ജനിപ്പിക്കുന്നു. നമുക്ക് ഒരു സർജറി വേണ്ടി വരികയും ഹെൽത്ത് ഇൻഷുറൻസ് കമ്പനി നമ്മളുടെ ക്ലെയിം നിരസിക്കുകയും ചെയ്താലോ? അല്ലെങ്കിൽ നമ്മുടെ കുടുംബാംഗങ്ങൾക്ക് മെഡിക്കൽ കെയർ ആവശ്യമുള്ളപ്പോൾ, നമ്മുടെ ക്ലെയിം നിരസിക്കുകയാണെങ്കിൽ എന്ത് സംഭവിക്കും?

ഈ ബുദ്ധിമുട്ടുകൾ ഒഴിവാക്കുന്നതിന്, ഹെൽത്ത് ഇൻഷുറൻസ് ക്ലെയിമുകളുടെ നിരസിക്കൽ ഒഴിവാക്കുന്നതിന് 5 ലളിതമായ മാർഗ്ഗങ്ങൾ ഇതാ.

1.നിങ്ങളുടെ പോളിസി അറിയുക

മിക്ക സാഹചര്യങ്ങളിലും, ഉപഭോക്താക്കൾക്ക് പോളിസിയിലെ ഉൾപ്പെടുത്തലുകളെയും ഒഴിവാക്കലുകളെയും കുറിച്ച് അറിവുണ്ടായിരിക്കില്ല, അതിനാൽ കവറേജ് മനസ്സിലാക്കുന്നതിൽ അവർ പരാജയപ്പെടുന്നു. പോളിസികളിൽ വെയിറ്റിംഗ് പിരീഡ്, കോഇൻഷുറൻസ്, ഹെൽത്ത് ഇൻഷുറൻസുമായി ബന്ധപ്പെട്ട മറ്റ് നിർവചനങ്ങൾ തുടങ്ങിയ പദപ്രയോഗങ്ങൾ ഉള്ളതിനാൽ, നിങ്ങൾ സമയമെടുത്ത് പോളിസിയുടെ നിബന്ധനകളും വ്യവസ്ഥകളും സമഗ്രമായി പരിശോധിക്കുന്നത് എല്ലായ്‌പ്പോഴും ഉചിതമാണ്. ഉപഭോക്താവ് ഇത് ലുക്ക്-ഇൻ കാലയളവിൽ ചെയ്യുകയും പോളിസി പ്രതീക്ഷിക്കുന്നത് പോലെ ആവശ്യങ്ങൾ നിറവേറ്റുമെന്ന് ഉറപ്പുവരുത്തുകയും വേണം. ഇൻഷുറൻസ് കമ്പനിയുടെ കസ്റ്റമർ കെയറിൽ നിന്ന് നിങ്ങളുടെ സംശയങ്ങൾക്ക് വ്യക്തത വരുത്താൻ എല്ലായ്‌പ്പോഴും മടിക്കേണ്ടതില്ല.

2.നിങ്ങളുടെ സ്വന്തം പ്രൊപ്പോസൽ ഫോം പൂരിപ്പിക്കുക

ചിലപ്പോൾ ആളുകൾ അവരുടെ വിശദാംശങ്ങൾ പൂരിപ്പിക്കാൻ പ്രൊപ്പോസൽ ഫോം മറ്റൊരാൾക്ക് നൽകും. ഇത് ഫോമിൽ പൊരുത്തക്കേടുകൾ സൃഷ്ടിക്കാനും ക്ലെയിം നിരസിക്കാനുമുള്ള കാരണമാകാം. ഇൻഷുറൻസ് കമ്പനിക്ക് സമർപ്പിക്കുന്നതിന് മുമ്പ് ഫോമിൽ പരാമർശിച്ചിരിക്കുന്ന വിശദാംശങ്ങളും നിങ്ങൾ വെരിഫൈ ചെയ്യണം.

3.ഇൻഷുററോട് കൃത്യമായ വിവരങ്ങൾ വെളിപ്പെടുത്തുക

പോളിസി ഹോൾഡർ നൽകുന്ന വിവരങ്ങൾ അനുസരിച്ച് ഓരോ ഹെൽത്ത് ഇൻഷുറൻസ് പോളിസിയും വ്യക്തിഗതമായി രൂപപ്പെടുത്തിയിരിക്കുന്നതിനാൽ, നിങ്ങളുടെ പ്രായം, തൊഴിൽ, വരുമാനം, നിലവിൽ രോഗങ്ങൾ ഉണ്ടെങ്കിൽ മെഡിക്കൽ ചരിത്രം എന്നിവയെ കുറിച്ചുള്ള കൃത്യമായ വിവരങ്ങൾ നിങ്ങൾ എപ്പോഴും നൽകണം. പലപ്പോഴും, വിവരങ്ങൾ വെളിപ്പെടുത്താതിൻ്റെ പേരിൽ അല്ലെങ്കിൽ വിവരങ്ങളുടെ തെറ്റായ വിവരണം കാരണം ഹെൽത്ത് ഇൻഷുറൻസ് ക്ലെയിമുകൾ നിരസിക്കപ്പെടുന്നു. അതിനാൽ ക്ലെയിം സെറ്റിൽമെന്‍റിന് ഭാവിയിലെ തടസ്സങ്ങൾ ഒഴിവാക്കാൻ കൃത്യവും ശരിയായതുമായ വിവരങ്ങൾ നൽകേണ്ടത് അത്യാവശ്യമാണ്.

4.ആഡ് ഓൺ കവറുകൾ തിരഞ്ഞെടുക്കുക

അടിസ്ഥാന പരിരക്ഷ മാത്രം തിരഞ്ഞെടുത്ത് കുറച്ച് പണം ലാഭിക്കാമെന്ന് കരുതരുത്. ഒരു അടിസ്ഥാന ഹെൽത്ത് ഇൻഷുറൻസ് പോളിസിയുടെ പരിരക്ഷയ്ക്ക് പുറമെ ആഡ് ഓൺ പരിരക്ഷകൾ അധിക ആനുകൂല്യങ്ങൾ നിങ്ങൾക്ക് വാഗ്ദാനം ചെയ്യുന്നു. ഫിസിയോതെറാപ്പി ചെലവുകൾ, ഡേ കെയർ നടപടിക്രമങ്ങൾക്കുള്ള ചെലവുകൾ, എയർ ആംബുലൻസ് എന്നിവയാണ് ചില ആഡ് ഓൺ പരിരക്ഷകൾ.

5.നിങ്ങളുടെ ചികിത്സയ്ക്കായി നെറ്റ്‌വർക്ക് ആശുപത്രികൾ തിരഞ്ഞെടുക്കുക

സൗകര്യപ്രദമായ പേമെന്‍റ് ഓപ്ഷനുകൾ വാഗ്ദാനം ചെയ്യുന്നതിന് നിരവധി ആശുപത്രികളുമായി ഇൻഷുറൻസ് കമ്പനികൾ പങ്കാളികളായി ഇതുവഴി; ക്യാഷ്‌ലെസ് ഹെൽത്ത് ഇൻഷുറൻസ് പ്ലാനുകൾ. അത്യാവശ്യ സന്ദർഭങ്ങളിൽ ഒഴികെ, നിങ്ങളുടെ ഇൻഷുറൻസ് കമ്പനിയുമായി ബന്ധപ്പെട്ട ഒരു നെറ്റ്‌വർക്ക് ആശുപത്രിയുടെ സേവനം പ്രയോജനപ്പെടുത്താൻ നിങ്ങൾ എപ്പോഴും ശ്രമിക്കണം. ഇത് ക്ലെയിം പ്രോസസ് വേഗത്തിലാക്കാനും ക്ലെയിം നിരസിക്കാനുള്ള സാധ്യത ഗണ്യമായി കുറയ്ക്കാനും സഹായിക്കും.

 ഒരു ഹെൽത്ത് ഇൻഷുറൻസ് പോളിസി വാങ്ങുമ്പോൾ ഒരു വ്യക്തി തിരയുന്ന പ്രധാന കാര്യങ്ങളിൽ ഒന്നാണ് ക്ലെയിം സെറ്റിൽമെന്‍റ്, നിങ്ങളിൽ ഓരോരുത്തർക്കും തടസ്സരഹിതമായ ക്ലെയിം സെറ്റിൽമെന്‍റ് നൽകാൻ ഞങ്ങൾ ശ്രമിക്കുന്നു! കാണൂ ഹെൽത്ത് ഇൻഷുറൻസ് പ്ലാനുകൾ ലഭ്യമാണ്!