એમ-કેર હેલ્થ ઇન્શ્યોરન્સ પૉલિસી

એમ-કેર પ્લાન હેઠળ ક્લેઇમ દાખલ કરવા સરળ અને સહેલા છે. ટર્નઅરાઉન્ડ સમયની દ્રષ્ટિએ નવા બેંચમાર્ક સેટ કરવા, તે જ તો તમારા પ્રત્યેની અમારી પ્રતિબદ્ધતાનો મુખ્ય ભાગ છે!

ક્લેઇમ કૅશલેસ અથવા વળતર પદ્ધતિ દ્વારા કરી શકાય છે. તે કેવી રીતે કામ કરે છે તે અહીં જણાવેલ છે

સૌ પ્રથમ, કૅશલેસ ક્લેઇમ સેટલમેન્ટ તમારી એમ-કેર પૉલિસીના નિયમો અને શરતો, જેમ કે કૅશલેસ અધિકૃતતા અને લાભોની મર્યાદાને આધિન, નેટવર્ક હૉસ્પિટલોમાં જ ઉપલબ્ધ છે.

બરાબર! ચાલો તમને કૅશલેસ ક્લેઇમ દાખલ કરવાની પ્રક્રિયા સમજાવીએ. તમારે આટલું કરવાનું રહેશે:

• અમારી નેટવર્ક હૉસ્પિટલોમાં સારવાર/સલાહ માટે જાવ તે પહેલાં અમને કૉલ કરીને પ્રી-ઑથોરાઇઝેશન ફોર્મ મેળવો.
• જો તમારે ઇમરજન્સીમાં હૉસ્પિટલમાં દાખલ થવું પડે તો અમને 24 કલાકની અંદર જાણ કરવાની રહેશે.
• તમારી પાસેથી યોગ્ય રીતે ભરેલા અને હસ્તાક્ષરિત ફોર્મ મેળવવાના 2 કલાકની અંદર અમે તમારો સંપર્ક કરીશું. પરિણામ - મંજૂરી, અસ્વીકાર અથવા વધુ માહિતી માટે વિનંતી - એના આધારે અમે શક્ય એવી શ્રેષ્ઠ સારવાર તમને મળે અથવા અન્ય વિકલ્પો શોધવામાં ઝડપથી મદદ કરીશું.
• અમે અસલ બિલ અને સારવારના પુરાવા અનુસાર નેટવર્ક હૉસ્પિટલ સાથે સીધા ક્લેઇમ સેટલ કરીશું. કૃપા કરીને નોંધ કરો કે પ્રી-ઑથોરાઇઝેશન મળ્યા બાદ પણ કવરેજ પૉલિસીના નિયમો અને શરતો જેમ કે લાભોની મર્યાદાને આધિન રહેશે.. આ નિયમો અને શરતો સમીક્ષાને આધિન છે અને કંપનીને યોગ્ય જણાય તે અનુસાર ફેરફાર થઈ શકે છે.
• નોંધ કરો કે ચૂકવવાપાત્ર લાભ અને અંતિમ હૉસ્પિટલ બિલ વચ્ચેનો કોઈપણ તફાવત સીધો તમને ચૂકવવામાં આવશે. જો બિલની રકમ વધુ હોય, તો તે વધારાની રકમ તમારે ચૂકવવાની રહેશે.
• દાખલ થતા પહેલાં બજાજ આલિયાન્ઝ દ્વારા તમને જારી કરેલી કોઈપણ અન્ય માહિતી, જેવી કે અધિકૃતતા પત્ર, ID કાર્ડ, એમ-કેર પૉલિસી દસ્તાવેજ અને નેટવર્ક હૉસ્પિટલમાં રજૂ કરો.

તમે વળતર પસંદ કરી શકો છો, જો:

• અમારા દ્વારા પ્રી-ઑથોરાઇઝેશન નકારવામાં આવ્યું હોય
• તમે એવી હૉસ્પિટલ પસંદ કરી હોય જે અમારા નેટવર્કનો ભાગ નથી
•  તમે કૅશ દ્વારા ચુકવણી કરવા માંગો છો

અમારી વળતર ક્લેઇમની પ્રક્રિયા આ રીતે કાર્ય કરે છે:

• સૂચિમાં જણાવેલ રોગવાહક દ્વારા થતા કોઈપણ રોગનું નિદાન થવાના 48 કલાકની અંદર અમને લેખિત જાણ કરો.
• તરત જ તમારા ડૉક્ટરની સલાહ લો અને તેમની સૂચિત સારવારને અનુસરો.
• જો જરૂરી હશે, તો જેટલી વખત જરૂર હશે તેટલી વખત અમે તમને અમારા પેનલમાં શામેલ ડૉક્ટરો પાસે ટેસ્ટ કરાવવાનું કહી શકીએ છીએ. તેના ખર્ચની જવાબદારી અમારી રહેશે.
• રોગવાહક દ્વારા થતા રોગના નિદાન થવા પર/રજા મળવા પર તમારે 30 દિવસમાં નીચે જણાવેલ ડૉક્યૂમેન્ટ જમા કરાવવાના રહેશે.

ક્લેઇમ કરવા માટે જમા કરાવવાના ડૉક્યૂમેન્ટ:

i) દાવેદાર દ્વારા સહી કરેલા NEFT ફોર્મ સાથે વીમાધારક દ્વારા યોગ્ય રીતે સહી ક્લેઇમ ફોર્મ.

ii)                    ડિસ્ચાર્જ સમરી / ડિસ્ચાર્જ સર્ટિફિકેટની કૉપી

iii) ઇન્ડોર કેસ પેપરની પ્રમાણિત કૉપી

iv) હૉસ્પિટલના અંતિમ બિલની કૉપી

v) બધા જરૂરી તપાસ અહેવાલો

vi)                  સ્પેશ્યાલિસ્ટ તરફથી મેડિકલ સર્ટિફિકેશન

vii)                છેતરપિંડીની આશંકા હોય તેવા કિસ્સાઓમાં, અમે ઉપરોક્ત સૂચિબદ્ધ ડૉક્યૂમેન્ટ ઉપરાંત કોઈપણ અતિરિક્ત ડૉક્યૂમેન્ટ માટે કૉલ કરી શકીએ છીએ

viii)              આધાર કાર્ડ અને પાન કાર્ડની કૉપી IRDAI ની માર્ગદર્શિકા મુજબ છે.