మీ సెకండ్ హ్యాండ్ వాహనానికి కూడా ఇన్సూరెన్స్ ఎందుకు అవసరం

ఇన్సూరెన్స్ కంపెనీలకు తరచుగా సెకండ్ హ్యాండ్ కార్ ఇన్సూరెన్స్ క్లెయిమ్లు అందుతాయి, వాహనం యొక్క కొత్త యజమాని వాహనాన్ని కొనుగోలు చేసిన తరువాత ఇన్సూరెన్స్ పాలసీని తన పేరు మీదకు బదిలీ చేసుకోకుండానే జరిగిన నష్టాల కోసం క్లెయిమ్లు చేస్తారు. అయితే ఇన్సూరెన్స్ కంపెనీ మరియు వాహనం యొక్క కొత్త యజమాని మధ్య చెల్లుబాటు అయ్యే ఒప్పందం లేనప్పుడు క్లెయిమ్ అనుమతించబడదు. ఇటీవలి ఒక కేసులో, ఒక సెకండ్ హ్యాండ్ వాహన యజమాని ఇన్సూరెన్స్ పాలసీని తన పేరు మీదకు మార్చుకోనందున క్లెయిమ్ చెల్లింపును నిరాకరించిన ఇన్సూరెన్స్ కంపెనీ యొక్క నిర్ణయాన్ని సమర్థిస్తూ పూణే వినియోగదారు కోర్టు ఇన్సూరెన్స్ కంపెనీకి అనుకూలంగా తీర్పును వెలువరించింది. ఒక ఇన్సూరెన్స్ పాలసీ అనేది ఒక పాలసీదారు మరియు ఇన్సూరర్ మధ్య ఒక ఒప్పందం అని కోర్టు ప్రకటించింది. మోటార్ ఇన్సూరెన్స్ పాలసీలో కొత్త వాహన యజమాని పేరు లేకపోతే, అతనికి మరియు ఇన్సూరెన్స్ కంపెనీకి మధ్య చెల్లుబాటు అయ్యే ఒప్పందం ఏదీ ఉండదు. అందువల్ల కొత్త యజమానికి ఒక ప్రమాదం వలన కలిగిన నష్టం మునుపటి పాలసీ క్రింద అనుమతించబడదు. సాధారణ ప్రజానీకంలో ఇన్సూరెన్స్ గురించిన అవగాహన తక్కువగా ఉన్నందున భారతదేశంలో ఇటువంటి సందర్భాలలో నష్టం జరిగిన తరువాత చేసే ఇన్సూరెన్స్ ఫిర్యాదులు సర్వసాధారణంగా జరుగుతుంటాయి. అందువల్ల, ఒక సెకండ్ హ్యాండ్ వాహనాన్ని కొనుగోలు చేసిన లేదా కొనుగోలు చేయాలని అనుకుంటున్న వ్యక్తులకు కొనుగోలు ప్రక్రియలో ఇన్సూరెన్స్ బదిలీ కూడా చాలా ముఖ్యమైన అంశం అని మరియు దానిని విస్మరించడం లేదా వాయిదా వేయడం సరైన నిర్ణయం కాదు అని తెలుసుకోవడం ముఖ్యం. మీ పాలసీని బదిలీ చేయడం అనేది ఆన్‌లైన్ ఫోర్ వీలర్ ఇన్సూరెన్స్ కొనుగోలు చేయడం లాగా చాలా సులువుగా ఉంటుంది. అలాగే, భవిష్యత్తులో చట్టపరమైన సమస్యలను నివారించడానికి కొత్త యజమాని పేరుకి ఇన్సూరెన్స్‌ని బదిలీ చేసే బాధ్యత తమ వాహనాన్ని విక్రయించే వ్యక్తుల పై ఉంటుంది. ఇన్సూరెన్స్ బదిలీ చేయకపోవడం వలన మోటార్ వాహనం కొనుగోలుదారు మరియు విక్రేత ఇద్దరూ ఎలా ప్రభావితం అవుతారో మేము వివరిస్తాము. ఒక అవాంతరాలు లేని ఇన్సూరెన్స్ బదిలీని నిర్ధారించే విధానాన్ని కూడా మేము మీ కోసం తెలియజేస్తాము. ముందుగా మోటార్ ఇన్సూరెన్స్ పాలసీ నిర్మాణాన్ని అర్థం చేసుకోవడం ముఖ్యం. ఒక సమగ్ర మోటార్ ఇన్సూరెన్స్ పాలసీలో రెండు భాగాలు ఉంటాయి - ఓన్ డ్యామేజ్ (ఒసి) మరియు థర్డ్ పార్టీ (టిపి). లయబిలిటీ కవరేజ్ విభాగం ఉన్న పాలసీలు, అంటే థర్డ్ పార్టీ కారు ఇన్సూరెన్స్ , మీ వాహనం కారణంగా మూడవ వ్యక్తికి జరిగిన నష్టాలను కవర్ చేస్తుంది మరియు చట్టం ప్రకారం తప్పనిసరి, ఏదైనా ప్రమాదం కారణంగా మీ వాహనానికి జరిగిన నష్టాలను ఒడి విభాగం కవర్ చేస్తుంది. పాలసీలను సరిపోల్చడం వలన మీరు అతి తక్కువ కారు ఇన్సూరెన్స్ రేట్లు పొందవచ్చు మరియు ఇది మీకు ఆర్థికపరమైన రక్షణ అలాగే చట్టపరమైన బాధ్యతల నుండి రక్షణను అందిస్తుంది. ఒక యూజ్డ్ కారును కొనుగోలు చేసిన తర్వాత, మోటార్ వాహనం యొక్క సెక్షన్ 157 అనేది మొదటి 14 రోజుల్లోపు ఇన్సూరెన్స్ కంపెనీకి అప్లై చేయడం ద్వారా తన పేరుతో ఇన్సూరెన్స్ పాలసీని బదిలీ చేసుకోవడానికి కొత్త వాహన యజమానిపై ఒక బాధ్యతను నిర్దేశిస్తుంది. ఈ 14 రోజుల కోసం, ఇన్సూరెన్స్ పాలసీ యొక్క "థర్డ్ పార్టీ" విభాగం మాత్రమే ఆటోమేటిక్‌గా బదిలీ చేయబడుతుంది. అయితే, ఇది పాలసీ యొక్క ఓన్ డ్యామేజ్ విభాగానికి వర్తించదు. ఇన్సూరెన్స్ పాలసీ కొత్త యజమాని పేరు క్రింద రిజిస్టర్ చేయబడిన తర్వాత మాత్రమే "ఓన్ డ్యామేజ్" విభాగం బదిలీ చేయబడుతుంది. ఈ 14 రోజుల వ్యవధి తర్వాత, కొత్త యజమాని అతని/ఆమె పేరుతో ఇన్సూరెన్స్ పాలసీని బదిలీ చేయడంలో విఫలమైతే, టిపి/ఒడి విభాగాల్లో కొత్త యజమానికి జరిగే ఏవైనా నష్టాలను భరించడానికి ఇన్సూరెన్స్ కంపెనీ బాధ్యత వహించదు. ఇన్సూరెన్స్ బదిలీ చేయబడకపోతే మరియు పాలసీ ఇప్పటికీ మొదటి యజమాని పేరు మీద ఉంటే, ప్రమాదం జరిగిన సందర్భంలో వాహనం లేదా థర్డ్ పార్టీకి జరిగిన నష్టాల కోసం క్లెయిమ్ ఇన్సూరెన్స్ కంపెనీ ద్వారా చెల్లించబడదు. అంతేకాకుండా, కొత్త యజమాని కారణంగా జరిగిన ప్రమాదం వలన థర్డ్ పార్టీకి జరిగిన నష్టానికి పరిహారం చెల్లించమని కోర్టు మొదటి యజమానికి నోటీసు కూడా పంపవచ్చు. వాహనం విక్రయించినట్లు రుజువు, వాహన ఆర్‌సి యొక్క బదిలీ మొదలైన వాటిని ఏర్పాటు చేయడం మొదటి యజమానికి చాలా కష్టతరమైన పని అవుతుంది. ఒక సెకండ్ హ్యాండ్ వాహనం యొక్క విక్రేత మరియు కొనుగోలుదారు ఇద్దరిలో ఒకరు సేల్ డీడ్ పై తుది నిర్ణయం తీసుకున్న తరువాత వెంటనే కొత్త యజమాని పేరు పై ఇన్సూరెన్స్ పాలసీని బదిలీ చేయమని పట్టుబడితే ఈ సమస్యను సులభంగా నివారించవచ్చు. ఇన్సూరెన్స్ పాలసీ ట్రాన్స్‌ఫర్ విధానాన్ని అర్థం చేసుకోవడానికి మరియు ఇన్సూరెన్స్ కంపెనీతో అవాంతరాలు లేని ట్రాన్సాక్షన్‌ను నిర్ధారించడానికి మీకు సహాయపడే 5 పాయింట్లు ఇక్కడ ఇవ్వబడ్డాయి.

1. మీరు ఒక యూజ్డ్ కార్ కొనుగోలు చేసిన వెంటనే, మొదటి 14 రోజుల్లోపు కొత్త యజమాని పేరుతో ఇన్సూరెన్స్ పాలసీ బదిలీ చేయబడిందని నిర్ధారించుకోవాలి.
2. పాలసీ బదిలీని సులభతరం చేయడానికి మీరు ఒక తాజా ప్రతిపాదన ఫారం నింపవలసి ఉంటుంది, మరియు అమ్మకం యొక్క సాక్ష్యాలను, అంటే ఆర్‌సి యొక్క బదిలీ, మునుపటి యజమాని సంతకం చేసిన ఫారం 29 మరియు 30 తో పాటు బదిలీ ఫీజు మరియు గత పాలసీ యొక్క కాపీని ఇన్సూరెన్స్ కంపెనీకి సమర్పించాలి. అప్పుడు ఇన్సూరెన్స్ కంపెనీ బదిలీ యొక్క ఎండార్స్‌మెంట్‌ను పాస్ చేస్తుంది.
3. ఆర్‌సి లో యాజమాన్యం మార్పుకు ఆర్‌టిఓ కార్యాలయం వద్ద కొంత సమయం పట్టవచ్చు. అయితే, పాలసీని మీ పేరుకు బదిలీ చేయడానికి, పైన జాబితా చేయబడిన డాక్యుమెంట్లు ఎండార్స్‌మెంట్‌ను ప్రారంభించడానికి తగినంతగా ఉంటాయి. కొత్త ఆర్‌సి ని ఆర్‌టిఒ జారీ చేసిన తరువాత దాని కాపీని సమర్పించడం వలన క్లెయిమ్ సమయంలో ఎదురయ్యే అవకాశం ఉన్న ఏవైనా సమస్యలను నివారించడంలో సహాయపడుతుంది.
4. మీ ఇన్సూరెన్స్ పాలసీ బదిలీ చేయబడి మీ ఆర్‌సి కాపీని బదిలీ చేయకపోతే/ దాని కాపీని ఇన్సూరెన్స్ కంపెనీకి సమర్పించకపోతే, ఒక క్లెయిమ్ చేయబడిన సందర్భంలో, మీరు క్లెయిమ్ మొత్తం పొందడానికి ఇన్సూరెన్స్ కంపెనీకి ఆర్‌సి బదిలీ యొక్క రుజువును సమర్పించవలసి ఉంటుంది.
5. బదిలీ ఇప్పటికీ ప్రాసెస్‌లో ఉంటే, క్లెయిమ్ తిరస్కరించబడదు, అయితే ఆర్‌సి బదిలీ రుజువును ఇన్సూరెన్స్ కంపెనీకి సమర్పించిన తర్వాత మాత్రమే అది చెల్లించబడుతుంది.

సెకండ్ హ్యాండ్ కారును కొనుగోలు చేయడానికి చాలా ఆలోచించినప్పటికీ, మోటార్ ఇన్సూరెన్స్ పాలసీని తమ పేరు మీదకి బదిలీ చేసుకోవడాన్ని అనేక మంది విస్మరిస్తారు. ఒక ప్రమాదం జరిగినప్పుడు వాహనానికి ఏదైనా నష్టం జరిగినా, లేదా థర్డ్ పార్టీకి నష్టం వాటిల్లినా తీవ్రమైన ఆర్థిక పర్యవసానాలను ఎదుర్కోవలసి ఉంటుంది. ఒక ఇన్సూరర్‌గా మేము నిర్ణీత కాలపరిమితిలో పాలసీని బదిలీ చేసుకోమని సలహా ఇస్తున్నాము, ఎందుకంటే ఇది ఎల్లప్పుడూ ఖచ్చితంగా తెలివైన నిర్ణయం! మీ పాలసీ గడువు ముగిసినట్లయితే, మీరు వెంటనే ఒక కొత్త కవర్‌ను కొనుగోలు చేయడం తప్పనిసరి లేకపోతే మీరు అనేక ఆర్థిక మరియు చట్టపరమైన ఇబ్బందులకు గురవుతారు.  కార్ ఇన్సూరెన్స్ కోట్‌లను సరిపోల్చండి మరియు పొందండి మీ వాహనం కోసం ఉత్తమ ప్లాన్లు.