నాక్-ఫర్-నాక్ ఒప్పందం గురించి మీరు తెలుసుకోవాల్సిన పూర్తి వివరాలు ఏవి?

మనం తరచుగా కారు ఇన్సూరెన్స్ పాలసీ గురించి మాట్లాడుకున్నప్పుడు, సాధారణంగా రెండు విషయాలను చర్చిస్తాము, అవి - థర్డ్-పార్టీ కవర్ మరియు స్వంత నష్టాలకు కవర్. మోటారు వాహనాల చట్టం ప్రకారం, థర్డ్-పార్టీ ఇన్సూరెన్స్ భారతదేశంలోని అన్ని మోటారు వాహనాలకు తప్పనిసరి. స్వంత నష్టం విషయానికి వస్తే, మీ మోటార్ వాహనం ప్రమాదం, మానవ నిర్మిత విపత్తు లేదా ప్రకృతి వైపరీత్యాలు, దొంగతనం లేదా పూర్తి నష్టం లాంటి ఏదైనా నష్టానికి గురైనప్పుడు ఈ కవర్ మీకు సహాయపడుతుంది. మీ కారు మీ ప్రమేయం లేకుండా డ్యామేజీకి గురైనప్పుడు థర్డ్ పార్టీ ఇన్సూరెన్స్ మీకు సహాయపడుతుంది. అనగా, ప్రమాదానికి కారణమైన డ్రైవర్ రిపేర్ ఖర్చును భరిస్తారు. మీరు ఒక కారు ఇన్సూరెన్స్‌ను క్లెయిమ్ చేయ‌డానికి, సమీపంలోని పోలీస్ స్టేషన్‌లో ఎఫ్ఐఆర్‌ను ఫైల్ చేయండి. అలాగే, అవతలి పార్టీ తప్పు చేసిందని మీరు నిరూపించాలి. ఈ ప్రాసెస్ సుదీర్ఘమైనది కావచ్చు మరియు దీనికి కొంత సమయం పట్టవచ్చు. అందువల్ల, చాలామంది ప్రజలు థర్డ్-పార్టీ ఇన్సూరెన్స్ ప్లాన్ కింద క్లెయిమ్ చేయరు. ఆశ్చర్యపోతున్నారా, అయితే తరువాత పరిస్థితి ఏమిటి? అయితే, ఇక్కడే నాక్ ఫర్ నాక్ ఒప్పందం వెలుగులోకి వస్తుంది. మీరు దీని గురించి విన్నారా? మరింత తెలుసుకోవడానికి చదవండి

మోటార్ ఇన్సూరెన్స్‌లో నాక్ ఫర్ నాక్ ఒప్పందం గురించిన పూర్తి వివరాలు

ఈ జనరల్ ఇన్సూరెన్స్ భారతదేశంలోని కంపెనీలు ఒకదానితో ఒకటి వార్షిక ప్రాతిపదికన ఒక ఒప్పందంపై సంతకం చేయాలి. నిబంధనల ప్రకారం, ఇరు పార్టీల వారు వారి స్వంత నష్టపరిహారాన్ని కలిగి ఉన్నట్లయితే, ఇన్సూరెన్స్ కంపెనీలు నష్టపరిహారం చెల్లించడాన్ని ఎంచుకుంటాయి. అంటే డ్రైవర్ తప్పు చేసినప్పుడు థర్డ్-పార్టీ కవర్‌ను ఉపయోగించకూడదని దీని అర్థం. దీనినే మనం నాక్ ఫర్ నాక్ ఒప్పందం అని పిలుస్తాము. నాక్ ఫర్ నాక్ ఒప్పందాన్ని జనరల్ ఇన్సూరెన్స్ కౌన్సిల్ రూపొందించింది. జిఐసి సంస్థ 2001 లో IRDAI ద్వారా స్థాపించబడింది మరియు ఇది భారతదేశంలోని అన్ని జనరల్ ఇన్సూరెన్స్ కంపెనీలకు ప్రాతినిధ్యం వహిస్తుంది. నిఘంటువు నిర్వచనం ప్రకారం, ఇది 'వెహికల్ ఇన్సూరెన్స్ సంస్థల మధ్య కుదిరిన ఒక ఒప్పందం, ప్రతి ఇన్సూరెన్స్ సంస్థ దాని ద్వారా ఇన్సూర్ చేయబడిన వాహనానికి జరిగిన నష్టాలకు పరిహారాన్ని చెల్లిస్తుంది. అదేసమయంలో ఎవరినీ తప్పుబట్టదు’.

భారతదేశంలో నాక్ ఫర్ నాక్ ఒప్పందం యొక్క ప్రయోజనం

నాక్ ఫర్ నాక్ ఒప్పందం ప్రయోజనాలను తెలుసుకోవడానికి దిగువ పట్టికను చూడండి:

పాలసీహోల్డర్ కోసం	ఇన్సూరర్ కోసం
డ్యామేజ్ అయిన వాటిని త్వరగా రిపేర్ చేయడానికి చేసిన ఖర్చులను రికవర్ చేస్తుంది	మోటార్ యాక్సిడెంట్స్ క్లెయిమ్ ట్రిబ్యునల్‌కు థర్డ్-పార్టీ క్లెయిమ్‌లను సమర్పించినప్పుడు తలెత్తే ఏదైనా అవాంఛిత ఆలస్యాన్ని నివారిస్తుంది
థర్డ్-పార్టీ క్లెయిమ్‌లు గందరగోళంగా, కొంచెం కఠినంగా ఉంటాయి కాబట్టి, ఇది సౌకర్యవంతమైనది	ఇది సమయాన్ని ఆదా చేస్తుంది మరియు తక్కువ ఖర్చుతో వస్తుంది

డిస్‌క్లెయిమర్: నాక్ ఫర్ నాక్ ఒప్పందం అనేది ఒక తప్పనిసరి ఆదేశం కాదు, అయినప్పటికీ ఇది ఇన్సూరెన్స్ కంపెనీల మధ్య కుదిరిన ఒక అవగాహన ఫలితం.

నాక్ ఫర్ నాక్ ఒప్పందం కింద ఏదైనా మినహాయింపు ఉంటుందా?

నాక్ ఫర్ నాక్ ఒప్పందం కింద జాబితా చేయబడిన మినహాయింపులు ఇలా ఉన్నాయి :

• ఇది రైల్వేలు లేదా ట్రామ్‌వేలకు వర్తించదు.
• పార్టీలలో దేని ద్వారానైనా జారీ చేయబడిన సమగ్ర కవర్ కంటే తక్కువగా ఉన్న ఏదైనా కవర్ కోసం పాలసీ ద్వారా కవర్ చేయబడిన నష్టం/ డ్యామేజీకి వర్తించదు.
• ఇది పాలసీలో పేర్కొనబడిన వర్తించే భౌగోళిక ప్రదేశాల్లో సంభవించే ప్రమాదాలు/ దుర్ఘటనలకు మాత్రమే వర్తిస్తుంది.

ముగింపు

నాక్ ఫర్ నాక్ ఒప్పందం స్వచ్చందంగా ఉంటుంది. థర్డ్-పార్టీ క్లెయిమ్‌లతో వెళ్లడానికి కస్టమర్లకు ప్రత్యామ్నాయం ఉంది. ఒక వేళ కస్టమర్ తమ స్వంత డ్యామేజ్ కవర్‌ను ఎంచుకుంటే, అప్పుడు 'నో క్లెయిమ్ బోనస్' స్థితిని కోల్పోతారు.‌ మోటార్ ఇన్సూరెన్స్ పాలసీ అనేది భారతీయ రోడ్లపై తిరిగేటప్పుడు ప్రధాన ప్రాముఖ్యతను కలిగి ఉంటుంది. ప్రతి నిర్ణయాన్ని జాగ్రత్తగా విశ్లేషించండి.