మల్టీ కార్ ఇన్సూరెన్స్

నేటి యుగంలో మన అవసరాలను తీర్చడానికి కారును మించిన మరో వాహనం లేదు. మీరు ఒక పట్టణ వాతావరణంలో నివసిస్తున్నా లేదా ఒక సెమీ-అర్బన్ ప్రాంతంలో నివసిస్తున్నా, కారు అందించే సౌలభ్యం ఎనలేనిది. సౌలభ్యం మాత్రమే కాకుండా వాతావరణంలో ఉండే కాలుష్యం మరియు హానికరమైన కలుషిత పదార్థాల నుండి కూడా కారు భద్రతను అందిస్తుంది. అందువల్ల, చాలా మంది ప్రజలు ఒకటి కంటే ఎక్కువ కార్లను కొనుగోలు చేస్తున్నారు, ఒక్కో దానిని ఒక్కో ప్రయోజనం కోసం వాడుతున్నారు. డ్రైవింగ్ అనేది ఒక లైఫ్ స్కిల్‌గా మారింది, అలాగే, చాలా మంది చిన్న వయస్సులోనే డ్రైవింగ్ నేర్చుకుంటున్నారు. ఒక కారు కొనుగోలు విషయానికి వస్తే, కారు యజమానిగా మీరు నెరవేర్చవలసిన కొన్ని బాధ్యతలు ఉన్నాయి. అవి - కారు ఇన్సూరెన్స్ మరియు పొల్యూషన్ అండర్ కంట్రోల్ (పియుసి) సర్టిఫికెట్. రిజిస్ట్రేషన్ సర్టిఫికెట్ అనేది మీ కారు కొనుగోలు చేసిన తేదీ నుండి 15 సంవత్సరాల వ్యవధి వరకు చెల్లుతుంది, కానీ ఈ ఇతర అనుసరణల కోసం పీరియాడిక్ రెన్యూవల్ అవసరం. కాబట్టి, ఇక్కడ ఒకటి కంటే ఎక్కువ వాహనాలను కలిగి ఉన్నవారికి ఇది ఇబ్బందిగా మారుతుంది. మీరు వాటి ప్రతీ గడువు తేదీలను గుర్తుంచుకోవాలి అలాగే, రెన్యూవల్ తేదీని మిస్ అవకుండా ఉండేలా నిర్ధారించుకోవాలి. అలా చేయక పోవడం వల్ల అనిశ్చితి మాత్రమే కాకుండా, భారీ జరిమానాలను కూడా చెల్లించాల్సి వస్తుంది. కానీ, మీరంతా ఒకటి కంటే ఎక్కువ కార్లు లేదా బైక్‌లను కలిగి ఉన్న యజమానులు అయితే, చింతించకండి! మేము మీ అన్ని కార్లను ఒకే పాలసీ కింద కవర్ చేసే మోటారు ఇన్సూరెన్స్ కవర్‌ను ప్రవేశపెట్టాము. ఒక మల్టీ-కారు ఇన్సూరెన్స్, మోటర్ ఫ్లోటర్ ప్లాన్‌గా పిలువబడుతుంది.

మోటార్ ఫ్లోటర్ పాలసీ అంటే ఏమిటి?

ఇది హెల్త్ ఇన్సూరెన్స్‌లోని ఫ్యామిలీ ఫ్లోటర్ పాలసీని పోలి ఉంటుంది మరియు దీనిలో అనేక మంది సభ్యులు ఒకే ఇన్సూరెన్స్ కవర్ కింద కవర్ చేయబడతారు. దీని మాదిరిగానే, ఒక మోటార్ ఫ్లోటర్ కార్ ఇన్సూరెన్స్ దాని పాలసీ కవర్‌లో ఒకటి కంటే ఎక్కువ కార్లను కవర్ చేస్తుంది. ఈ మోటార్ ఇన్సూరెన్స్ ప్లాన్ ఒక ఇన్సూరెన్స్ పాలసీ కింద గరిష్టంగా ఐదు కార్లకు కవరేజీని అందిస్తుంది. దీనిని ట్రాక్ చేయడానికి మరియు రెన్యూవల్స్ మిస్ అవ్వకుండా చూసుకోవడానికి, మీరు ఇకపై విభిన్న ఇన్సూరెన్స్ తేదీలను గుర్తుంచుకోవాల్సిన అవసరం లేదు. ఈ మల్టీ-కార్ ఇన్సూరెన్స్ పాలసీని కొనుగోలు చేసేటప్పుడు, మీకు ఓన్-డ్యామేజ్ కవరేజీని ఎంచుకోవడానికి లేదా అన్ని కార్ల కోసం ఒకేసారి సమగ్ర ప్లాన్ ఎంచుకోవడానికి అవకాశం ఉంది.

అలాంటి మల్టీ-కార్ ఇన్సూరెన్స్ ప్లాన్ కోసం ఇన్సూరెన్స్ మొత్తం ఎంత?

ఇన్సూర్ చేయబడవలసిన కార్లు ఒకటి కంటే ఎక్కువగా ఉన్నందున, అత్యధిక ఇన్సూర్డ్ డిక్లేర్డ్ వాల్యూ లేదా ఐడివి గల వాహనం ప్రాథమిక వాహనంగా ఎంచుకోబడుతుంది. మోటార్ ఫ్లోటర్ పాలసీలో ప్రాథమిక ఇన్సూర్ చేయబడిన వాహనం యొక్క ఐడివిని గరిష్ట కవరేజ్ మొత్తంగా సూచిస్తాము మరియు ఇతర అన్ని కార్లు రెండవ వాహనాలుగా పరిగణించబడతాయి.

మల్టీ-కార్ ఇన్సూరెన్స్ పాలసీని కొనుగోలు చేయడం వలన కలిగే ప్రయోజనాలు ఏమిటి?

మల్టీ-కార్ ఇన్సూరెన్స్ పాలసీలోని కొన్ని ఫీచర్లు ఇక్కడ ఇవ్వబడ్డాయి - అవాంతరాలు-లేని కొనుగోలు: మోటార్ ఫ్లోటర్ పాలసీని కలిగి ఉండటం వల్ల మీ విభిన్న కార్ల కోసం అనేక పాలసీలను నిర్వహించడంలోని ఇబ్బందులను నివారించవచ్చు. ఇంకా, ఇది సమయాన్ని ఆదా చేస్తుంది మరియు తక్కువ డాక్యుమెంటేషన్‌తో కొనుగోలు చేయవచ్చు కొత్త వెహికల్ ఇన్సూరెన్స్ కవర్లు. పాలసీ వివరాలలో మార్పు సౌలభ్యం: పాలసీ వివరాల పరంగా ఒకే ఇన్సూరెన్స్ పాలసీని నిర్వహించడం సులభం. పాలసీని కొనుగోలు చేసేటప్పుడు లేదా సవరణలు చేసేటప్పుడు మీరు మళ్లీ అదే వివరాలను అందించవలసిన అవసరం లేదు. కవర్ సౌలభ్యం: మోటార్ ఫ్లోటర్ పాలసీలలో కొత్త చేర్పులు లేదా వాహనాన్ని కవరేజ్ నుండి తీసివేయడం అనేది కేవలం కొన్ని క్లిక్‌లతో సులభంగా చేయవచ్చు. కొన్ని ఇన్సూరెన్స్ సంస్థలు సులభమైన మార్పులకు వీలు కల్పించే మొబైల్ అప్లికేషన్లను కూడా అందిస్తాయి. అంతేకాకుండా, కొన్ని పాలసీలు యూజర్ యొక్క నిర్దిష్ట కారుకు అవసరమైన రక్షణను అందించడం లేదా నిలిపివేయడానికి కూడా అనుమతిస్తాయి. అయితే, అగ్నిప్రమాదం మరియు దొంగతనం కారణంగా నష్టం కోసం కవరేజ్ యాక్టివ్‌గా ఉంచబడుతుంది. తగ్గించబడిన డాక్యుమెంటేషన్: మీ అన్ని కార్ల కోసం ఒకే పాలసీతో, పాలసీని చూసుకోవడం మరియు దానిని నిర్వహించడం సులభం. సాధారణంగా దీనికి తక్కువ పేపర్ వర్క్ అవసరం, అది కూడా పాలసీని కొనుగోలు చేసే సమయంలో పూర్తి చేయాలి. అంతేకాకుండా, పైన పేర్కొన్న విధంగా కవరేజీకి కొత్త కార్లను జోడించడానికి మొబైల్ యాప్‌ లేదా ఆన్‌లైన్‌లో సవరణలు కూడా సాధ్యమవుతాయి. చివరగా, మల్టీ-కార్ ఇన్సూరెన్స్ లేదా మోటార్ ఫ్లోటర్ పాలసీ అనేది ఇప్పుడిప్పుడే అభివృద్ధి చెందుతున్న భావన మరియు ఇవి పరిమిత సంఖ్యలో జనరల్ ఇన్సూరెన్స్ కంపెనీల ద్వారా అందించబడుతుంది. ఈ ప్రయోజనాలను పొందేందుకు మీరు మీ వంతు పరిశోధన చేయాల్సి ఉంటుంది మరియు అందించబడే ఆఫర్ల ఆధారంగా సరైన దానిని ఎంపిక చేసుకోవాలి.