कार इन्श्युरन्स तुलना योग्य पद्धतीने केली जावी. इन्श्युरन्सची तुलना करताना भरण्याच्या प्रीमियमची अंतिम रक्कम सर्वप्रथम तपासावी. परंतु, सर्वांत स्वस्त कार इन्श्युरन्स तुम्हाला एखाद्या अपघाताच्या प्रसंगी सर्वांत कमी रकमेचे कव्हरेजही देऊ शकतो. त्याचमुळे तुम्ही सर्वांत स्वस्त पॉलिसीचा विचार न करता तुम्ही अशी पॉलिसी शोधली पाहिजे जी तुम्हाला सहजपणे परवडेल आणि तुम्हाला आवश्यक असलेले कव्हरेजही देऊ शकेल.

कार इन्श्युरन्स तुलना करत असताना कव्हरेज पर्यायांचा विचार करा. कार इन्श्युरन्स कारचे आग, वादळ, पूर इत्यादी नैसर्गिक दुर्घटनांपासून संरक्षण करणारा असावा. तो कारचे रक्षण चोरी, दंगल किंवा प्रवासातील नुकसान अशा प्रकारच्या मनुष्यनिर्मित दुर्घटनांपासून रक्षण करतो. कार इन्श्युरन्स तृतीय पक्ष उत्तरदायित्वापासूनही रक्षण करतो. याशिवाय, पर्यायी कव्हरेजही उपलब्ध आहेत का ते पाहा जसे, रोडसाइड असिस्टंस, एनसीबी सवलती आणि प्रवासी तसेच चालकांसाठी पीए कव्हर. पॉलिसी निवडण्यापूर्वी, तुमची आर्थिक धक्का सहनशक्ती, तुमचे बजेट आणि गाडी चालवण्याच्या सवयींचा विचार करा. याद्वारे तुम्ही एक पॉलिसी आणि तुमच्या गरजांनुरूप एड-ऑन कव्हरही निवडू शकाल.

कार इन्श्युरन्स तुलना म्हणजे प्रीमियम आणि वजा होणाऱ्या रकमांची योग्य तुलनाही होय. कार इन्श्युरन्स प्रीमियम खरेदी करण्यापूर्वी, तुम्ही वजावट होणाऱ्या रकमांबाबतही निर्णय घेणे गरजेचे आहे. कार इन्श्युरन्स वजावट रक्कम म्हणजे तुमचा इन्श्युरन्स कव्हर लागू होण्यापूर्वी दुरूस्तीसाठी करावा लागणारा खर्च होय. समजा तुम्हाला अपघातानंतर दुरूस्तीसाठी 20000 रूपये खर्च करावे लागणार असतील आणि तुम्ही वजावटीची रक्कम 5000 रूपये निवडलेली असल्यास, विम्यातून दुरूस्तीसाठी 15000 रूपये खर्च केले जातील. वजावटीची रक्कम वाढवल्यास तुमचा प्रीमियम कमी होतो.

एकदा तुमचे कव्हरेज आणि वजावट जुळल्यानंतर, कार इन्श्युरन्स खरेदी करताना सवलती पाहा. उदाहरणार्थ, नो क्लेम बोनस सर्वोत्कृष्ट ड्रायव्हरला रिवॉर्ड मिळतो आणि इन्श्युरन्स प्रीमियम मध्ये कपात होते.

तुम्ही विश्वासार्ह कंपन्यांमध्ये तुलना करता तेव्हा कार इन्श्युरन्स तुलना यशस्वी होते. किमान किमतीत संपूर्ण कव्हरेज देणारी पॉलिसीही तुम्हाला मिळू शकते. हे खरे वाटत नाही ना? धोकादायक, अविश्वासू कंपन्यांपासून सावध राहा. चांगला क्लेम सेटलमेंट रेशो असलेल्या उत्तम, प्रतिष्ठित इन्श्युरन्स कंपनीची निवड करा. तसेच कंपनीच्या ग्राहक सेवांचा अभ्यास करा आणि कंपनीचे ग्राहक अभिप्राय तपासा.