ഇന്ത്യ ഒരു ജനസാന്ദ്രതയേറിയ രാജ്യമാണ്, അത് ഡ്രൈവിംഗ് എല്ലാവർക്കും ബുദ്ധിമുട്ടാക്കും. ആളുകൾ ജാഗ്രത പാലിക്കാത്തത് കൊണ്ടല്ല, വാഹനങ്ങൾ കൂടുതലുള്ളതാണ് ഇതിന്‍റെ കാരണം. 2019-ലെ കണക്കുകൾ പ്രകാരം, ഇന്ത്യയിലെ മൊത്തം റോഡ് അപകടങ്ങളുടെ എണ്ണം 4,37,396 ആണ്, അതിൽ 1,54,732 ആളുകൾ മരണപ്പെടുകയും ചെയ്തിട്ടുണ്ട്. ഈ കണക്കുകൾ ഭയപ്പെടുത്തുന്നതും നമ്മുടെ വാഹനത്തിനായാലും ശരീരത്തിനായാലും എന്തെങ്കിലും കേടുപാടുകൾ സംഭവിച്ചാൽ നമുക്ക് ഏതെങ്കിലും തരത്തിലുള്ള ബാക്കപ്പ് ഉണ്ടായിരിക്കണം എന്നതിന്‍റെ സൂചനയുമാണ്. അതിനാൽ, നിങ്ങൾ ഒരു ബൈക്ക് വാങ്ങുമ്പോഴെല്ലാം, ബൈക്ക് ഇൻഷുറൻസ് വാങ്ങുന്നതും നല്ലതാണ്. ഇത് പ്രയോജനകരം മാത്രമല്ല, മോട്ടോർ വാഹന നിയമപ്രകാരം നിർബന്ധമായ ഒന്നാണ്
ടു വീലർ ഇൻഷുറൻസ് 3rd പാർട്ടി പോളിസി. ബൈക്ക് ഇൻഷുറൻസ് എങ്ങനെ പ്രവർത്തിക്കുന്നുവെന്നും ബൈക്ക് അപകടത്തിന് ഇൻഷുറൻസ് എങ്ങനെ ക്ലെയിം ചെയ്യാമെന്നും അറിയണമെങ്കിൽ, തുടർന്ന് വായിക്കുക!
ഇന്ത്യയിൽ ബൈക്ക് അപകടത്തിനുള്ള ഇൻഷുറൻസ് എങ്ങനെ ക്ലെയിം ചെയ്യാം?
നിർഭാഗ്യവശാൽ, നിങ്ങൾക്ക് റോഡിൽ ഒരു അപകടം സംഭവിച്ചാൽ, നിങ്ങൾ ഭയപ്പെടേണ്ടതില്ല. നിങ്ങളുടെ പോളിസി സാമ്പത്തികമായി നിങ്ങളെ പിന്തുണയ്ക്കാൻ ഉണ്ടെന്ന് ഓർക്കുക. നിങ്ങൾ ചെയ്യേണ്ട ഏക കാര്യം ശരിയായ ഘട്ടങ്ങളിലൂടെ നിങ്ങൾ ക്ലെയിം ചെയ്യുക എന്നത് മാത്രമാണ്. ബൈക്ക് അപകടത്തിന് ഇൻഷുറൻസ് എങ്ങനെ ക്ലെയിം ചെയ്യാം എന്നതിലേക്ക് നീങ്ങുന്നതിന് മുമ്പ്, ബൈക്ക് ഇൻഷുറൻസ് ക്ലെയിമുകളുടെ തരങ്ങൾ വിശദമായി ചർച്ച ചെയ്യാം.
ബൈക്ക് ഇൻഷുറൻസ് ക്ലെയിമുകളുടെ തരങ്ങൾ
അടിസ്ഥാനപരമായി, ബൈക്ക്
ഇൻഷുറൻസ് ക്ലെയിമുകൾ രണ്ട് തരത്തിലാണ് ഉള്ളത്:
- ക്യാഷ്‌ലെസ് ക്ലെയിം: അപകടത്തിൽ അനിൽ സഞ്ചരിച്ചിരുന്ന ബൈക്ക് തകർന്നു. അവൻ തന്‍റെ ബൈക്ക് നന്നാക്കാൻ ആഗ്രഹിക്കുന്നു, എന്നാൽ പ്രൊഫഷണൽ റിപ്പയർ ഷോപ്പിനെക്കുറിച്ച് അറിയില്ല. അതിനാൽ, വിവിധ ബൈക്ക് റിപ്പയർ ഷോപ്പുകളുമായി ബന്ധമുള്ള ഇൻഷുറൻസ് ദാതാവുമായി ബന്ധപ്പെടുന്നു. ഒരു ചെറിയ നിർബന്ധിത കിഴിവ് തുക നൽകി അനിൽ ബൈക്ക് നന്നാക്കുന്നു; ബാക്കിയുള്ളത് ദാതാവ് നേരിട്ട് റിപ്പയർ ഷോപ്പിലേക്ക് അടക്കുകയും ചെയ്യുന്നു.
ഇൻഷുർ ചെയ്തയാൾ മുഴുവൻ തുകയും റിപ്പയർ ഷോപ്പിൽ നൽകേണ്ടതില്ലാത്ത ഈ സാഹചര്യത്തെ ക്യാഷ്‌ലെസ് ക്ലെയിം എന്ന് വിളിക്കുന്നു.
- റീഇംബേഴ്സ്മെന്‍റ് ക്ലെയിം: അനിലിന്‍റെ സുഹൃത്ത് കപിലിന് ഒരു റിപ്പയർ ഷോപ്പ് അറിയാമായിരുന്നു, അതിനാൽ അവിടെ തന്‍റെ ബൈക്ക് നന്നാക്കാൻ അദ്ദേഹം നിർദ്ദേശിച്ചു. അനിൽ തന്‍റെ ബൈക്ക് റിപ്പയർ ചെയ്ത്, പോക്കറ്റിൽ നിന്ന് പണമടച്ച് ഷോപ്പിൽ നിന്ന് ബില്ലുകൾ ലഭ്യമാക്കി. അതിനുശേഷം, ആവശ്യമായ എല്ലാ ഡോക്യുമെന്‍റുകളും ഷോപ്പിൽ നിന്ന് ശേഖരിച്ച ബില്ലുകളും സഹിതം അയാൾ ഒരു ക്ലെയിം ഫയൽ ചെയ്യുന്നു. ഇൻഷുറൻസ് കമ്പനി അനിലിന് പണം റിഇംബേഴ്സ് ചെയ്തു.
നിങ്ങളുടെ സ്വന്തം പോക്കറ്റിൽ നിന്ന് പണമടച്ച ശേഷം റീഇംബേഴ്സ്മെന്‍റ് ക്ലെയിം ചെയ്യുന്നതിനുള്ള ഈ രീതി റീഇംബേഴ്സ്മെന്‍റ് ക്ലെയിം എന്ന് അറിയപ്പെടുന്നു. ഇതിൽ, കവറേജ് പരിധിയേക്കാൾ കൂടുതൽ ഇൻഷുറർ നിങ്ങൾക്ക് പണമടയ്ക്കില്ല.
ബൈക്ക് അപകടത്തിനായി ഇൻഷുറൻസ് എങ്ങനെ ക്ലെയിം ചെയ്യാം എന്ന പ്രോസസ്
- തേര്‍ഡ്-പാര്‍ട്ടി ക്ലെയിം
- നിങ്ങൾക്ക് ഒരു അപകടം സംഭവിക്കുകയും മറ്റൊരു വാഹനത്തെ ഇടിക്കുകയും ചെയ്താൽ, പോലീസിനെയും ഇൻഷുററെയും അതിനെക്കുറിച്ച് അറിയിക്കുക.
- നിങ്ങൾക്കാണ് തകരാർ സംഭവിച്ചതെങ്കിൽ, മറ്റ് കക്ഷിയുടെ വിശദാംശങ്ങൾ ലഭ്യമാക്കി ഒരു തേർഡ് പാർട്ടി ക്ലെയിം പ്രോസസ് ചെയ്യുക.
- ക്ലെയിം രജിസ്റ്റർ ചെയ്ത ശേഷം, അത് മോട്ടോർ ഇൻഷുറൻസ് ക്ലെയിം ട്രിബ്യൂണൽ കോടതിയിലേക്ക് അയക്കുന്നതാണ്.
- കൂടുതൽ പരിശോധനയെ അടിസ്ഥാനമാക്കി, ട്രിബ്യൂണൽ കോടതി അടയ്‌ക്കേണ്ട തുക തീരുമാനിക്കും.
- കോംപ്രിഹെൻസീവ് ഇൻഷുറൻസ്
- ബൈക്ക് അപകടത്തിൽ അല്ലെങ്കിൽ പ്രകൃതി ദുരന്തത്തിൽ കേടുപാടുകൾ സംഭവിച്ചാൽ, ആദ്യം അതിനെക്കുറിച്ച് ഇൻഷുററെ അറിയിക്കുക.
- ഇത് അപകട തകരാർ ആണെങ്കിൽ, ഒരു എഫ്ഐആർ ഫയൽ ചെയ്യുക.
- ഇൻഷുററെ അറിയിച്ചാൽ, തകരാറുകൾ പരിശോധിക്കുന്നതിന് ഒരു സർവേയറെ അയക്കുന്നതാണ്.
- ഇതിന് ശേഷം; ബൈക്കിന്‍റെ റിപ്പയർ വർക്ക് ഇൻഷുറർ ആരംഭിക്കും. നിങ്ങൾക്ക് ഇഷ്ടമുള്ള ഒരു റിപ്പയറെ തിരഞ്ഞെടുക്കണമെങ്കിൽ, നിങ്ങളുടെ പോക്കറ്റിൽ നിന്ന് ചാർജുകൾ അടയ്‌ക്കേണ്ടതുണ്ട്, അത് പിന്നീട് റിഇംബേഴ്സ് ചെയ്യുന്നതാണ്. ഇൻഷുറർ തിരഞ്ഞെടുത്ത റിപ്പയർ ഷോപ്പ് നിങ്ങൾ തിരഞ്ഞെടുത്താൽ, നിങ്ങളുടെ ഭാഗത്ത് നിന്ന് നിങ്ങൾ നിരക്കുകളൊന്നും നൽകേണ്ടതില്ല.
ഇൻഷുറൻസ് ക്ലെയിം ലഭിക്കുന്നതിന് അനിവാര്യമായ ഡോക്യുമെന്‍റുകൾ എന്തൊക്കെയാണ്?
ആക്സിഡന്‍റൽ ക്ലെയിമുകൾക്ക് ആവശ്യമായ ഡോക്യുമെന്‍റുകൾ ഇതാ
ബൈക്ക് ഇൻഷുറൻസ്:
- ക്ലെയിം ഫോം
- രജിസ്ട്രേഷൻ
- ടാക്സ് പേമെന്‍റ് രസീത്
- ഡ്രൈവിംഗ് ലൈസന്‍സ്
- എഫ്ഐആർ കോപ്പി
- ഇൻഷുറൻസ് ഡോക്യുമെന്‍റുകൾ
- റിപ്പയർ ബില്ലുകൾ
ശ്രദ്ധിക്കുക: ഐഡിവി തുക ലഭിക്കുന്നതിന് ഏകദേശം 3-4 മാസം എടുത്തേക്കാം, അതിനാൽ ക്ഷമയോടെ കാത്തിരിക്കുക. നിങ്ങൾക്ക് വാഗ്ദാനം ചെയ്തത് നിങ്ങൾക്ക് ലഭിക്കും!
പതിവ് ചോദ്യങ്ങള്‍
- എപ്പോഴാണ് ഒരു ക്ലെയിം നിരസിക്കുക?
ഇതുപോലുള്ള ഒന്നിലധികം സാഹചര്യങ്ങളിൽ ഒരു ഇൻഷുറൻസ് ക്ലെയിം നിരസിക്കാം:
- നൽകിയ വിവരങ്ങൾ തെറ്റാണെന്ന് ഇൻഷുറർ കണ്ടെത്തിയാൽ.
- റൈഡർ മയക്കുമരുന്നിന്‍റെ ലഹരിയിലായിരിക്കുമ്പോൾ ഒരു അപകടം സംഭവിച്ചാൽ.
- നിങ്ങൾക്ക് ഡ്രൈവറുടെ ലൈസൻസ് ഇല്ലെങ്കിൽ.
- ആവശ്യമായ സമയത്ത് സംഭവം റിപ്പോർട്ട് ചെയ്യുന്നതിൽ നിങ്ങൾ പരാജയപ്പെട്ടാൽ.
- റിപ്പയർ ചെലവ് ബൈക്കിന്‍റെ ഡിപ്രീസിയേറ്റഡ് ചെലവിനേക്കാൾ കൂടുതലാണെങ്കിൽ.
- പരിക്ക് സംഭവിക്കുന്ന സാഹചര്യത്തിൽ എനിക്ക് മെഡിക്കൽ രസീതുകൾ ആവശ്യമുണ്ടോ?
അതെ, ഒരു അപകടത്തിൽ, നിങ്ങൾക്ക് പരിക്കേൽക്കുകയാണെങ്കിൽ, ക്ലെയിം ലഭിക്കുന്നതിന് നിങ്ങൾക്ക് മെഡിക്കൽ സ്ലിപ്പുകൾ ആവശ്യമാണ്.
സർവ്വീസ് ചാറ്റ്: 
ഒരു മറുപടി നൽകുക