ഇന്ത്യൻ മോട്ടോർ വാഹന നിയമം 1988: സവിശേഷതകൾ, നിയമങ്ങൾ, പിഴകൾ

എല്ലാ റോഡ് വാഹനങ്ങളും നിയന്ത്രിക്കുന്നതിനും എല്ലാ വാഹന ഉടമകളും പാലിക്കേണ്ട ശരിയായ നിയമങ്ങളും ചട്ടങ്ങളും സൃഷ്ടിക്കുന്നതിനും വേണ്ടിയാണ് 1988 ലെ മോട്ടോർ വാഹന നിയമം പാർലമെന്‍റിൽ അവതരിപ്പിച്ചത്. ഈ നിയമം പ്രാബല്യത്തിൽ വന്നത് ഇതുമുതലാണ് - 1^st ജൂലൈ 1989. എല്ലാ ഇന്ത്യൻ സംസ്ഥാനങ്ങളിലെയും ഗതാഗത മന്ത്രിമാരുമായി കൂടിയാലോചിച്ചാണ് ഈ നിയമം രൂപീകരിച്ചത്. 1939 - ലെ മോട്ടോർ വാഹന നിയമം കാലക്രമേണ കാലഹരണപ്പെട്ടതാണ്. അന്ന് നിലവിലുണ്ടായിരുന്ന ഈ നിയമത്തെ അതിജീവിക്കുക എന്നതായിരുന്നു ഇതിൻ്റെ പ്രധാന ലക്ഷ്യം. വാഹന സാങ്കേതികവിദ്യയുടെ നിരന്തരമായ പുരോഗതിയും വാഹനങ്ങളുടെ ആവശ്യകതയുടെ വർദ്ധനവും കണക്കിലെടുത്താണ് ഈ നിയമം സൃഷ്ടിക്കപ്പെട്ടത്.

മോട്ടോർ വാഹന നിയമത്തിന്‍റെ അവലോകനം

ഈ നിയമത്തിന്‍റെ ചില അടിസ്ഥാന അവലോകനങ്ങൾ ഇവയാണ്:

1. റോഡിൽ വാഹനം ഓടിക്കുന്ന ഓരോ ഡ്രൈവർക്കും സാധുതയുള്ള ലൈസൻസ് ഉണ്ടായിരിക്കണം.
2. ഓരോ വാഹന ഉടമയും അവരുടെ വാഹനം രജിസ്റ്റർ ചെയ്യേണ്ടതുണ്ട്, അത് സാധാരണയായി 15 വർഷത്തേക്ക് ആക്‌ട് പ്രകാരം നീണ്ടുനിൽക്കും.
3. റോഡിലെ ഓരോ വാഹന ഉടമയ്ക്കും അവരുടെ വാഹനത്തിന് ഇൻഷുറൻസ് ഉണ്ടായിരിക്കണം. നിങ്ങൾക്ക് ഒരു കാർ ഉണ്ടെങ്കിൽ, നിങ്ങൾക്ക് ഉണ്ടായിരിക്കണം ഒരു കാർ ഇൻഷുറൻസ്. നിങ്ങൾക്ക് ഒരു ബൈക്ക് ആണെങ്കിൽ നിങ്ങൾക്ക് ഉണ്ടായിരിക്കണം ഒരു ബൈക്ക് ഇൻഷുറൻസ്.

ആക്ടിന്‍റെ പ്രധാന സെക്ഷനുകൾ

മോട്ടോർ വാഹന നിയമത്തിലെ പ്രധാനപ്പെട്ട സെക്ഷനുകൾ താഴെ നൽകിയിരിക്കുന്നു:

1. സെക്ഷൻ 3- ഇന്ത്യൻ റോഡുകളിൽ നിങ്ങളുടെ വാഹനം ഓടിക്കുന്നതിന് അധികാരികൾ നൽകുന്ന ലൈസൻസ് നിർബന്ധമാണ്. ഇത് കാറുകൾ, ബൈക്കുകൾ, റിക്ഷകൾ, ഹെവി വാഹനങ്ങൾ എന്നിവയ്ക്ക് ബാധകമാണ്.
2. സെക്ഷൻ 4- 18 വയസ്സിന് മുകളിലുള്ളവർക്ക് മാത്രമേ സ്ഥിരമായ ഒരു ലൈസൻസ് നൽകാനാകൂ. അതിന് താഴെയുള്ളവർക്ക് 16 വയസ്സിൽ ഇഷ്യൂ ചെയ്യുന്ന ഒരു ലേണേർസ് പെർമിറ്റ് ഇല്ലെങ്കിൽ ഒരു തരത്തിലുള്ള വാഹനവും ഓടിക്കാൻ അനുമതിയില്ല.
3. സെക്ഷൻ 39- നിങ്ങൾക്ക് സ്വന്തമായി ഒരു വാഹനം ഉണ്ടെങ്കിൽ, നിയമപ്രകാരം അത് രജിസ്റ്റർ ചെയ്യാൻ നിങ്ങൾ ബാധ്യസ്ഥരാണ്.
4. സെക്ഷൻ 112- റോഡ് ഗതാഗത മന്ത്രാലയം നിർദ്ദേശിച്ച വേഗത പരിധികൾ നിങ്ങൾ പാലിക്കേണ്ടതുണ്ട്. വേഗത പരിധി ഓരോ സംസ്ഥാനത്തിലും വ്യത്യസ്തമായിരിക്കും. ഈ പരിധി കവിയുന്നത് നിങ്ങളിൽ നിന്നും പിഴ ഈടാക്കുന്നതിന് കാരണമാകുന്നു.
5. സെക്ഷൻ 140- തേർഡ് പാർട്ടിക്കോ അവരുടെ വാഹനത്തിനോ വസ്തുവിനോ കേടുപാടുകൾ സംഭവിച്ചാൽ വാഹനത്തിന്‍റെ ഡ്രൈവർ അവർക്ക് നഷ്ടപരിഹാരം നൽകണം. ആർക്കെങ്കിലും പരിക്കേൽക്കുകയോ ഒരാളുടെ മരണത്തിനു കാരണമാകുകയോ ചെയ്താൽ ഉള്ള നഷ്ടപരിഹാരം താഴെപ്പറയുന്നവയാണ്:
6. ആരെങ്കിലും മരണപ്പെട്ടാൽ 50,000
7. സ്ഥിരമായ വൈകല്യം ഉണ്ടായാൽ 25,000
8. സെക്ഷൻ 185- മദ്യത്തിന്‍റെയോ മയക്കുമരുന്നിന്‍റെയോ സ്വാധീനത്തിൽ ഡ്രൈവർ തങ്ങളുടെ വാഹനം ഓടിച്ചതായി കണ്ടെത്തിയാൽ, അവരിൽ നിന്നും താഴെ പറയുന്ന വ്യവസ്ഥകൾ പ്രകാരം പിഴ ഈടാക്കും:
9. 100 മില്ലിലിറ്റർ രക്തത്തിൽ 30 മില്ലിഗ്രാം ആണ് അനുവദനീയമായ പരിധി. ഈ പരിധി കവിയുന്നത് കുറ്റകരമാണ്.

മോട്ടോർ വാഹന നിയമത്തിലെ ഭേദഗതികൾ

മാറിക്കൊണ്ടിരിക്കുന്ന കാലത്തിനും പ്രവണതകൾക്കും അനുസൃതമായി 2019-ൽ, മോട്ടോർ വാഹന ഭേദഗതി ബിൽ ഇന്ത്യൻ പാർലമെന്‍റിൽ അവതരിപ്പിച്ചു. ചില ഭേദഗതികൾ താഴെപ്പറയുന്നവയാണ്:

1. ലൈസൻസിനും വാഹനത്തിന്‍റെ രജിസ്ട്രേഷനും അപേക്ഷിക്കുമ്പോൾ ആധാർ കാർഡ് നിർബന്ധമാണ്.
2. ഹിറ്റ്-ആൻഡ്-റൺ ഇരകളുടെ കുടുംബത്തിന് നഷ്ടപരിഹാരമായി രൂ. 2 ലക്ഷം സർക്കാർ കൊടുക്കും.
3. പ്രായപൂര്‍ത്തിയാകാത്തവര്‍ വാഹനം ഓടിക്കുന്നത് കണ്ടെത്തിയാല്‍, രക്ഷിതാക്കള്‍ അതിന് മറുപടി പറയാൻ ബാധ്യസ്ഥരായിരിക്കും.
4. മദ്യപിച്ചുകൊണ്ടുള്ള ഡ്രൈവിംഗിന്‍റെ പിഴ രൂ. 10,000 ആയി വർദ്ധിപ്പിച്ചു
5. ആരെങ്കിലും മരിക്കുകയോ ഗുരുതരമായി പരിക്കേൽക്കുകയോ ചെയ്യുന്ന സാഹചര്യത്തിൽ ഉണ്ടായിരുന്ന തേര്‍ഡ്-പാര്‍ട്ടി യുടെ മുൻ ലയബിലിറ്റി ലിമിറ്റ് നീക്കം ചെയ്തു.

ഈ ഭേദഗതികൾ സർക്കാർ അംഗീകരിച്ച് 2020-ൽ നടപ്പിലാക്കി.

പുതിയ ഭേദഗതി പ്രകാരമുള്ള പിഴകൾ

2019 ലെ ആക്ടിൽ അവതരിപ്പിച്ച ചില പിഴകൾ ഇവയാണ്:

1. ലൈസൻസ് ഇല്ലാതെ നിങ്ങളുടെ വാഹനം ഓടിക്കുന്നത് കണ്ടെത്തിയാൽ രൂ.5,000 പിഴയും കൂടാതെ/അല്ലെങ്കിൽ കമ്മ്യൂണിറ്റി സർവ്വീസും.
2. മദ്യത്തിന്‍റെയോ മയക്കുമരുന്നിന്‍റെയോ സ്വാധീനത്തിൽ വാഹനമോടിക്കുന്നത് ആദ്യമായി പിടിക്കപ്പെട്ടാൽ രൂ.10,000 പിഴയും കൂടാതെ/അല്ലെങ്കിൽ 6 മാസത്തെ തടവുശിക്ഷയും. കുറ്റകൃത്യം ആവർത്തിച്ചാൽ രൂ.15,000 പിഴയും കൂടാതെ/അല്ലെങ്കിൽ 2 വർഷത്തെ തടവുശിക്ഷയും ആയി വർധിക്കുന്നു.
3. സീറ്റ് ബെൽറ്റ് ഇല്ലാതെ വാഹനം ഓടിച്ചാൽ രൂ.1,000 പിഴയും കൂടാതെ/അല്ലെങ്കിൽ കമ്മ്യൂണിറ്റി സർവ്വീസും.
4. വാഹനമോടിക്കുമ്പോൾ ഫോണിൽ സംസാരിക്കുകയോ ഫോൺ ഉപയോഗിക്കുകയോ ചെയ്താൽ രൂ.5,000 പിഴയടക്കണം.
5. ഹെൽമെറ്റ് ഇല്ലാതെ ഡ്രൈവ് ചെയ്യുന്നതായി കണ്ടെത്തിയാൽ രൂ.500 പിഴയീടാക്കുന്നതാണ്.

മോട്ടോർ വെഹിക്കിൾ ആക്റ്റ് തേർഡ്-പാർട്ടി ഇൻഷുറൻസ് നിർബന്ധമാക്കുന്നു. ഇൻഷുറൻസ് ഇല്ലാതെ വാഹനം ഓടിക്കുന്നത് ആദ്യമായി പിടിക്കപ്പെടുമ്പോൾ പിഴ രൂ. 2,000 ഉം/അല്ലെങ്കിൽ 3 മാസത്തെ തടവുശിക്ഷയും ഒപ്പം കമ്മ്യൂണിറ്റി സർവ്വീസും ആണ്. കുറ്റകൃത്യം ആവർത്തിച്ചാൽ പിഴ രൂ. 4,000 ആയി വർദ്ധിക്കുന്നു.

ഉപസംഹാരം

വാഹനങ്ങളെയും ഡ്രൈവർമാരെയും ശരിയായി നിയന്ത്രിക്കാൻ, ഈ നിയമം അനിവാര്യമാണ്. അതിനാൽ ഉചിതമായ ജനറല്‍ ഇൻഷുറൻസ് പോളിസിയിലൂടെ ഈ നിയമത്തിന് കീഴിൽ വലിയ പിഴ അടയ്ക്കേണ്ടി വരുന്ന ബുദ്ധിമുട്ട് ഒഴിവാക്കാം.   ഇൻഷുറൻസ് പ്രേരണാ വിഷയമാണ്. ആനുകൂല്യങ്ങൾ, ഒഴിവാക്കലുകൾ, പരിധികൾ, നിബന്ധനകൾ, വ്യവസ്ഥകൾ എന്നിവയെക്കുറിച്ചുള്ള കൂടുതൽ വിവരങ്ങൾക്ക്, വിൽപ്പന പൂർത്തിയാക്കുന്നതിന് മുമ്പ് ദയവായി സെയിൽസ് ബ്രോഷർ/പോളിസി നിബന്ധനകൾ ശ്രദ്ധാപൂർവ്വം വായിക്കുക.