ഹെൽത്ത് ഇൻഷുറൻസിന് കീഴിലുള്ള വളണ്ടറി ഡിഡക്റ്റബിൾ

ഹെൽത്ത് ഇൻഷുറൻസ് പോളിസിയിലെ വളണ്ടറി ഡിഡക്റ്റബിൾ എന്നാൽ എന്താണ്?

ഹെൽത്ത് ഇൻഷുറൻസും അതിന്‍റെ ബന്ധപ്പെട്ട നിബന്ധനകളും മനസ്സിലാക്കുന്നത് ബുദ്ധിമുട്ടുള്ളതാകാം. എന്നിരുന്നാലും, ഇവ അവഗണിക്കുന്നത് ഒരു പിഴവ് സംഭവിക്കുന്നതിനിടയാക്കാം. ക്ലെയിം സെറ്റിൽമെന്‍റിൽ കാര്യമായ സ്വാധീനം ചെലുത്താൻ സാധ്യതയുള്ള ഹെൽത്ത് ഇൻഷുറൻസ് പോളിസിയിലെ അത്തരത്തിലുള്ള ഒരു ഘടകമാണ് വളണ്ടറി ഡിഡക്റ്റബിൾ.

എന്താണ് വളണ്ടറി ഡിഡക്റ്റബിൾ?

വളണ്ടറി ഡിഡക്റ്റബിൾ, അധികമായത് എന്നും അറിയപ്പെടുന്നു, ഇത് ഇൻഷുറൻസ് കവറേജ് ലഭ്യമാകുന്നതിന് മുമ്പ് നിങ്ങളുടെ ക്ലെയിമിന്‍റെ ഒരു ഭാഗം നിങ്ങൾ വഹിക്കണമെന്നതിനെ പ്രതിനിധീകരിക്കുന്നു. ലളിതമായി പറഞ്ഞാൽ, വളണ്ടറി ഡിഡക്റ്റബിൾ നിങ്ങൾ (ഇൻഷുർ ചെയ്ത വ്യക്തി) വഹിക്കേണ്ടിവരും, അതേസമയം ക്ലെയിം തുകയുടെ ബാക്കി ഇൻഷുറൻസ് ദാതാവ് ഏറ്റെടുക്കുന്നതാണ്.

ഉദാഹരണത്തിന്

നിങ്ങളുടെ ഇൻഷ്വേർഡ് തുക രൂ. 5 ലക്ഷം, അതിൽ വളണ്ടറി ഡിഡക്റ്റബിൾ രൂ. 1 ലക്ഷം ആയി കണക്കാക്കുന്നു.

സന്ദർഭം#1: നിങ്ങൾ രൂ.85,000 ക്ലെയിം ഫയൽ ചെയ്യുന്നു. ഈ സാഹചര്യത്തിൽ, ക്ലെയിം മൂല്യം ഡിഡക്റ്റബിൾ പരിധി കവിയുന്നില്ല എന്നത് പരിഗണിക്കുമ്പോൾ നിങ്ങൾ മുഴുവൻ തുകയും വഹിക്കേണ്ടതുണ്ട്.

സന്ദർഭം#2: നിങ്ങൾ രൂ.2 ലക്ഷത്തിന്‍റെ ഒരു ക്ലെയിം ഫയൽ ചെയ്യുന്നു. ഈ സാഹചര്യത്തിൽ, നിങ്ങൾ രൂ.1 ലക്ഷം (ഇത് വളണ്ടറി ഡിഡക്റ്റബിൾ ആയി പരിഗണിക്കുമ്പോൾ) സ്വയം വഹിക്കേണ്ടതാണ്, അതേസമയം ഇൻഷുറർ ബാക്കിയുള്ള രൂ.1 ലക്ഷം വഹിക്കും.

എന്തുകൊണ്ടാണ് വളണ്ടറി ഡിഡക്റ്റബിൾ?

ഇൻഷുറൻസ് കമ്പനികൾ നിസ്സാരവും ഇടയ്ക്കിടെയുള്ളതുമായ ക്ലെയിമുകൾക്കെതിരായ സംരക്ഷണ മാർഗ്ഗങ്ങളായി വളണ്ടറി ഡിഡക്റ്റബിൾ സജ്ജമാക്കുന്നു. ഒരു പ്രത്യേക ക്ലെയിം തുകയുടെ ഒരു നിശ്ചിത ഭാഗം നിങ്ങൾ വഹിക്കേണ്ടിവരുമെന്ന് നിങ്ങൾ അറിഞ്ഞാൽ, അനാവശ്യമായ ചെറിയ ക്ലെയിമുകൾ ഒഴിവാക്കാനുള്ള സാധ്യതയാണ് ഇതിന് പിന്നിലെ യുക്തി. ഇത് ഫയൽ ചെയ്ത ക്ലെയിമുകളുടെ എണ്ണം കുറയ്ക്കും, അതുവഴി തട്ടിപ്പുകളും അഡ്മിനിസ്ട്രേറ്റീവ് ചെലവുകളും കുറയും.

വളണ്ടറി ഡിഡക്റ്റബിളുകളുടെ ഗുണങ്ങൾ

  ✓ ശ്രദ്ധാപൂർവ്വം തിരഞ്ഞെടുത്ത വളണ്ടറി ഡിഡക്റ്റബിൾസിന് പോളിസി പ്രീമിയം കുറയ്ക്കാൻ സഹായിക്കും

  ✓ നിസ്സാരവും അപ്രധാനവുമായ ക്ലെയിമുകൾ ഫയൽ ചെയ്യുന്നതിൽ നിന്ന് ഡിഡക്റ്റബിൾസ് നിങ്ങളിൽ ജാഗ്രത ഉണർത്തിയേക്കാം. ഒരു ക്യുമുലേറ്റീവ് ബോണസ് (തുടർച്ചയായ പോളിസി കാലയളവുകളിൽ നിങ്ങൾ ഒരു ക്ലെയിമും ഫയൽ ചെയ്തിട്ടില്ലെങ്കിൽ) നേടാനുള്ള നിങ്ങളുടെ യോഗ്യതയെ ഇത് നേരിട്ട് സ്വാധീനിക്കുന്നു.

ഒരു വലിയ വണ്ടറി ഡിഡക്റ്റബിളിന്‍റെ ഒരേയൊരു പോരായ്മ അത് നിങ്ങളുടെ സമ്പാദ്യത്തെ ഇല്ലാതാക്കുകയും നിങ്ങളുടെ പക്കൽ മതിയായ സാമ്പത്തിക സ്രോതസ്സുകൾ ഇല്ലെങ്കിൽപ്പോലും, മെഡിക്കൽ ചെലവുകൾക്കായി പണം നൽകാൻ നിങ്ങളെ നിർബന്ധിക്കുകയും ചെയ്യും എന്നതാണ്.

കൂടുതൽ തിരയുക ഹെൽത്ത് ഇൻഷുറൻസ് സവിശേഷതകൾ