മോട്ടോർ വാഹന നിയമം അനുസരിച്ച് കാർ ഇൻഷുറൻസ് എടുക്കേണ്ടത് നിർബന്ധമാണ്, അപകടങ്ങൾ, മോഷണം, പ്രകൃതി ദുരന്തങ്ങൾ എന്നിവ മൂലം ഉണ്ടാകുന്ന സാമ്പത്തിക നഷ്ടങ്ങളിൽ നിന്ന് അത് സംരക്ഷിക്കുന്നു. ഇൻഷുറൻസ് പരിരക്ഷ ഇല്ലാതെ കാർ ഓടിക്കുന്നത് വലിയ പിഴകൾക്ക് ഇടയാക്കും, അത്തരമൊരു അവസ്ഥ നിങ്ങൾ ഇഷ്ടപ്പെടില്ല. അതിനാൽ, ഓരോ ഉടമയും വാങ്ങണം
കാർ ഇൻഷുറൻസ് പോളിസി, നിയമപരമായ പാലനം ഉറപ്പാക്കുന്നതിനും വാഹനം സുരക്ഷിതമാക്കുന്നതിനും. എന്നാൽ, വെവ്വേറെ രണ്ട് കാർ ഇൻഷുറൻസ് പ്ലാനുകൾ വാങ്ങിയാൽ എന്ത് സംഭവിക്കുമെന്ന് ചിന്തിച്ചിട്ടുണ്ടോ? ഈ ലേഖനം അതിന്‍റെ നിയമവശം വിശദീകരിക്കുന്നു, ഡബിൾ ഇൻഷുറൻസ് കവറേജ് എടുക്കുന്നതിൽ ഉപദേശം നല്‍കുകയും ചെയ്യുന്നു. കൂടുതൽ അറിയാൻ തുടർന്ന് വായിക്കുക.
രണ്ട് കാർ ഇൻഷുറൻസ് പ്ലാനുകളുമായി ബന്ധപ്പെട്ട നിയമവശം
രണ്ട് കാർ ഇൻഷുറൻസ് പോളിസികൾ ഉണ്ടായിരിക്കുക തികച്ചും നിയമപരമാണ്. ഒരു കാറിന് രണ്ട് ഇൻഷുറൻസ് പ്ലാനുകൾ വാങ്ങുന്നതില്‍ നിന്ന് പോളിസി ഉടമകളെ നിയമം തടയുന്നില്ല. എന്നിരുന്നാലും, അങ്ങനെ ചെയ്യുന്നത് അഭികാമ്യമല്ല. സാധാരണയായി, ഒരു ഇൻഷുറൻസ് കമ്പനി ഒരേ വാഹനത്തിന് രണ്ടാമത്തെ ഇൻഷുറൻസ് പരിരക്ഷ നൽകുന്നില്ല. അങ്ങനെ ചെയ്യുന്നതിന് പിന്നിലെ യുക്തി പോളിസി ഉടമകളെ ഇൻഷുറൻസ് ക്ലെയിമുകൾ രണ്ട് തവണ ലാഭം നേടാൻ അനുവദിക്കുന്ന 'അൺജസ്റ്റ് എൻറിച്ച്മെന്‍റ്' എന്ന തത്വമാണ്. അതേസമയം, ചില ഇൻഷുറർമാർ ഒരേ വാഹനത്തിന് കവറേജ് നല്‍കുന്നത് നിയമവിരുദ്ധമായി കണക്കാക്കാം. എന്നാല്‍, ഒരേ വാഹനത്തിന് രണ്ടാമത്തെ കാർ ഇൻഷുറൻസ് പോളിസി വാങ്ങാൻ ആഗ്രഹിക്കുന്നെങ്കിൽ, നിങ്ങൾക്ക് മറ്റൊരു ഇൻഷുറൻസ് കമ്പനിയിൽ നിന്ന് വാങ്ങാം. മാത്രമല്ല, ആ ഇൻഷുറൻസ് പരിരക്ഷയ്ക്ക് നിങ്ങൾ വേറെ പ്രീമിയം അടയ്ക്കുകയും വേണം. വെവ്വേറെ രണ്ട് പ്ലാനുകൾക്ക് പണമടയ്ക്കുന്നത് ചെലവ് കൂട്ടും, ഒരേ വാഹനത്തിനായി അടക്കുന്ന മൊത്തം പ്രീമിയവും കൂടുമെന്ന കാര്യം ഓര്‍ക്കുക. * സാധാരണ ടി&സി ബാധകം
ഒരേ വാഹനത്തിന് രണ്ട് കാർ ഇൻഷുറൻസ് പ്ലാനുകൾ വാങ്ങേണ്ടതുണ്ടോ?
മേല്‍പ്പറഞ്ഞ പോലെ, രണ്ട് ഇൻഷുറൻസ് പോളിസികൾ എടുക്കുന്നത് നിയമവിരുദ്ധമല്ല, പക്ഷേ അത് ശുപാർശ ചെയ്യുന്നില്ല. ഒന്നല്ലെങ്കില്‍ രണ്ട് ഇൻഷുറൻസ് കമ്പനികളുടെയും നിബന്ധനകൾ ലംഘിക്കപ്പെടാന്‍ അത് ഇടയാക്കും, ക്ലെയിം നിരസിക്കപ്പെടുകയും ചെയ്യാം. ആദ്യത്തെ ഇൻഷുറർ മറ്റേ ഇൻഷുറൻസ് കമ്പനിയെക്കുറിച്ച് അറിയാൻ ഇടയായാല്‍, ഭാവിയിലെ ഏതെങ്കിലും ക്ലെയിമുകൾക്ക് നഷ്ടപരിഹാരം നൽകാൻ അവർ ആ ഇൻഷുററോട് ആവശ്യപ്പെടാം, തിരിച്ചും സംഭവിക്കാം. അത് ക്ലെയിം നല്‍കാതിരിക്കാനോ, അല്ലെങ്കിൽ ഇൻഷുറർ നഷ്ടപരിഹാരം നൽകുന്നതിൽ വലിയ കാലതാമസം വരുത്താനോ ഇടയാക്കും.
ഡബിൾ ഇൻഷുറൻസ് പരിരക്ഷകൾ വാങ്ങുന്നതിന്‍റെ ദോഷങ്ങൾ എന്തൊക്കെയാണ്?
- രണ്ട് ഇൻഷുറൻസ് പരിരക്ഷകൾ വാങ്ങുന്നത്, അത് ഇവ ആകട്ടെ; കോംപ്രിഹെന്‍സീവ് അല്ലെങ്കിൽ തേർഡ് പാർട്ടി കാർ ഇൻഷുറൻസ്, ക്ലെയിം സെറ്റിൽമെന്‍റ് വൈകാന്‍ ഇടയാകുന്നു.
- രണ്ട് ഇൻഷുറൻസ് പരിരക്ഷകൾ വാങ്ങുന്നത് തകരാറുകൾക്ക് അധിക നഷ്ടപരിഹാരം നൽകില്ല, കാരണം ഇത് പോളിസി ഉടമയ്ക്ക് അന്യായ നേട്ടമാണ് ഉണ്ടാക്കുക. അപ്പോള്‍, നഷ്ടത്തിന് ഒരു ഇൻഷുറൻസ് പരിരക്ഷ മാത്രമാണ് നഷ്ടപരിഹാരം നൽകുക.
- രണ്ട് ഇൻഷുറൻസ് പ്ലാനുകൾ പ്രീമിയം തുക വർദ്ധിപ്പിക്കുകയാണ് ചെയ്യുക, കാര്യമായ നേട്ടങ്ങള്‍ കിട്ടുകയുമില്ല.
* സാധാരണ ടി&സി ബാധകം
രണ്ട് ഇൻഷുറൻസ് പോളിസികൾ നിങ്ങൾക്ക് എപ്പോഴാണ് ഗുണകരമാകുക?
കവറേജിൽ ഓവർലാപ്പ് ഇല്ലാതെ നിങ്ങൾ വേറെ ഇൻഷുറൻസ് പ്ലാന്‍ എടുത്താല്‍, അപ്പോള്‍ മാത്രമാണ് നിങ്ങൾക്ക് ഗുണകരമാകുക. ഉദാഹരണത്തിന്, ഒരു ഇൻഷുററിൽ നിന്ന് നിങ്ങൾക്ക് ഒരു തേർഡ്-പാർട്ടി കാർ ഇൻഷുറൻസ് പ്ലാൻ ഉണ്ട്. അതിന്‍റെ വ്യാപ്തി വർദ്ധിപ്പിക്കുന്നതിന്, അതേ അല്ലെങ്കിൽ വേറൊരു ഇൻഷുറൻസ് കമ്പനിയിൽ നിന്ന് നിങ്ങൾ സ്റ്റാൻഡ്എലോൺ ഓൺ-ഡാമേജ് പരിരക്ഷ എടുക്കുന്നു. ഈ സാഹചര്യത്തിൽ, ഈ രണ്ട് ഇൻഷുറൻസ് പരിരക്ഷകള്‍ക്കും വ്യത്യസ്ത വ്യാപ്തിയാണ് ഉള്ളത്, വ്യത്യസ്ത സാഹചര്യങ്ങളില്‍ ഗുണകരമാകും. തേര്‍ഡ്-പാര്‍ട്ടി പ്ലാന്‍ മൂന്നാമതൊരാള്‍ക്ക് ഉണ്ടാകുന്ന നാശനഷ്ടങ്ങളും പരിക്കുകളും ഏറ്റെടുക്കും, കാറിന് ആവശ്യമായ റിപ്പയറുകള്‍ ഓണ്‍-ഡാമേജ് പരിരക്ഷയ്ക്ക് കീഴില്‍ വരികയും ചെയ്യും. * സാധാരണ ടി&സി ബാധകം, ഓവർലാപ്പിംഗ് കവറേജ് ഉള്ള ഡബിൾ ഇൻഷുറൻസ് പരിരക്ഷ ഒരേ വാഹനത്തിനായി എടുക്കുന്നത് നിയമവിരുദ്ധമല്ല, പക്ഷെ ക്ലെയിമുകളുടെ സെറ്റിൽമെന്‍റിൽ അത് ആശയക്കുഴപ്പവും അനാവശ്യ കാലതാമസവും വരുത്തും. അതിനാൽ, അത് ഒഴിവാക്കണം. വ്യത്യസ്ത പോളിസികൾ എടുക്കുമ്പോൾ, ഒരു
കാർ ഇൻഷുറൻസ് പ്രീമിയം കാൽക്കുലേറ്റർ പർച്ചേസ് അന്തിമമാക്കുന്നതിന് മുമ്പ് പ്രീമിയം തുക അറിയാൻ നിങ്ങളെ സഹായിക്കാം. ഇൻഷുറൻസ് പ്രേരണാ വിഷയമാണ്. ആനുകൂല്യങ്ങൾ, ഒഴിവാക്കലുകൾ, പരിധികൾ, നിബന്ധനകളും വ്യവസ്ഥകളും എന്നിവയെക്കുറിച്ചുള്ള കൂടുതൽ വിവരങ്ങൾക്ക്, വിൽപ്പന ഉറപ്പിക്കുന്നതിന് മുമ്പ് ദയവായി സെയിൽസ് ബ്രോഷർ/പോളിസി വിവരം ശ്രദ്ധാപൂർവ്വം വായിക്കുക.
സർവ്വീസ് ചാറ്റ്: 
ഒരു മറുപടി നൽകുക