അഗ്നിബാധ മൂലമുണ്ടാകുന്ന നഷ്ടങ്ങൾ അല്ലെങ്കിൽ തകരാറുകളിൽ നിന്ന് സാമ്പത്തിക സംരക്ഷണം നൽകുന്ന ഒരു തരത്തിലുള്ള പ്രോപ്പർട്ടി ഇൻഷുറൻസാണ് ഫയർ ഇൻഷുറൻസ്. ഇന്ത്യയിൽ, ഈ ഇൻഷുറൻസ് പോളിസി വ്യക്തികൾക്കും ബിസിനസുകൾക്കും അനിവാര്യമായ പരിരക്ഷയാണ്, കാരണം അവരുടെ ആസ്തികൾ സംരക്ഷിക്കാനും അഗ്നിബാധയുമായി ബന്ധപ്പെട്ട് സംഭവിക്കുന്ന സാമ്പത്തിക ആഘാതം ലഘൂകരിക്കാനും ഇത് സഹായിക്കും. നമുക്ക് ഈ ഇൻഷുറൻസ് പോളിസിയെക്കുറിച്ച് കൂടുതൽ അറിയാം.
ഫയർ ഇൻഷുറൻസ് എന്നാൽ എന്താണ്?
ഫയർ ഇൻഷുറൻസ് ഒരു തരത്തിലുള്ള പ്രോപ്പർട്ടി ഇൻഷുറൻസ് ആണ്, അതായത് അഗ്നിബാധ മൂലമുണ്ടാകുന്ന നഷ്ടങ്ങൾ അല്ലെങ്കിൽ തകരാറുകൾക്ക് ഇത് പരിരക്ഷ നൽകുന്നു. കെട്ടിടങ്ങൾ, ഉപകരണങ്ങൾ, ഇൻവെന്‍ററി, പേഴ്സണൽ പ്രോപ്പർട്ടി എന്നിവ ഉൾപ്പെടെയുള്ള വിപുലമായ ആസ്തികൾക്ക് ഇത് സാമ്പത്തിക സംരക്ഷണം നൽകും. അഗ്നിബാധയുണ്ടായാൽ, ഇൻഷുറൻസ് കമ്പനി പോളിസിയുടെ പരിധി വരെ പോളിസി ഉടമയ്ക്ക് നഷ്ടപരിഹാരം നൽകുന്നതാണ്.
ഫയർ ഇൻഷുറൻസ് കവറേജ് പ്രധാനപ്പെട്ടതാകുന്നത് എന്തുകൊണ്ട്?
നിർഭാഗ്യവശാൽ, ഇലക്ട്രിക്കൽ തകരാറുകൾ, മനുഷ്യനിർമ്മിത ദുരന്തങ്ങൾ, പ്രകൃതി ദുരന്തങ്ങൾ തുടങ്ങിയ വിവിധ കാരണങ്ങളാൽ അഗ്നിബാധയുമായി ബന്ധപ്പെട്ട സംഭവങ്ങൾ ഇന്ത്യയിൽ വളരെ സാധാരണമാണ്. ഇത്തരം സംഭവങ്ങൾ വ്യക്തികൾക്കും ബിസിനസുകൾക്കും സാമ്പത്തിക നഷ്ടത്തിനും, പ്രോപ്പർട്ടിക്കും ആസ്തികൾക്കും കേടുപാടുകൾക്കും കാരണമാകും. ഇത്തരം സംഭവങ്ങൾ മൂലം ഉണ്ടാകുന്ന സാമ്പത്തിക ആഘാതം ലഘൂകരിച്ച് നാശനഷ്ടങ്ങളിൽ നിന്ന് സാമ്പത്തിക സംരക്ഷണം നൽകാൻ നിങ്ങളെ സഹായിക്കുക എന്നതാണ് ഫയർ ഇൻഷുറൻസിന്‍റെ ലക്ഷ്യം. കൂടാതെ, അപകടകരമായ വസ്തുക്കളുടെ സംഭരണം, കൈകാര്യം ചെയ്യൽ ആവശ്യമായ ചില ബിസിനസുകൾക്ക് ഇന്ത്യയിൽ ഫയർ ഇൻഷുറൻസ് നിർബന്ധമാണ്. അഗ്നിബാധ സംഭവിച്ചാൽ പ്രതികരിക്കാനും എല്ലാവരെയും സംരക്ഷിക്കുന്നതിനും ഫൈനാൻഷ്യൽ റിസോഴ്‌സ് ഉണ്ടെന്ന് ഉറപ്പാക്കാനാണിത്.
ഇന്ത്യയിലെ വിവിധ തരം ഫയർ ഇൻഷുറൻസ് പോളിസികൾ
ഇന്ത്യയിൽ ലഭ്യമായ വിവിധ തരം ഫയർ ഇൻഷുറൻസ് പോളിസികൾ താഴെ താഴെപ്പറയുന്നവയാണ്:
1. മൂല്യവത്തായ പോളിസി: ഈ പോളിസിയിൽ ഇൻഷുറർ ഒരു ഇനത്തിനോ പ്രോപ്പർട്ടിക്കോ മുൻകൂട്ടി നിശ്ചയിച്ച മൂല്യം നൽകുന്നു. അഗ്നിബാധയിൽ തകരാർ സംഭവിച്ച ഒരു വസ്തുവിന്‍റെ മൂല്യം കണ്ടെത്താൻ കഴിയാത്തതിനാൽ, പോളിസി വാങ്ങുന്ന സമയത്ത് തന്നെ ഇൻഷുറർ ഒരു നിശ്ചിത മൂല്യം മുൻകൂട്ടി നിശ്ചയിക്കുന്നു. ക്ലെയിം സമയത്ത്, പോളിസി ഉടമയ്ക്ക് നൽകുന്നത് ഈ മുൻകൂട്ടി നിശ്ചയിച്ച തുകയായിരിക്കും.
2. ആവറേജ് പോളിസി: ഈ പോളിസിയിൽ, പോളിസി ഹോൾഡർ എന്ന നിലയിൽ നിങ്ങൾക്ക് ഇൻഷ്വർ ചെയ്ത തുക നിങ്ങളുടെ പ്രോപ്പർട്ടിയുടെ യഥാർത്ഥ മൂല്യത്തേക്കാൾ കുറവായിരിക്കും. നിങ്ങളുടെ പ്രോപ്പർട്ടിയുടെ മൂല്യം രൂ.30 ലക്ഷം ആണെങ്കിൽ, നിങ്ങൾക്ക് ഇൻഷുർ ചെയ്ത മൂല്യം രൂ.20 ലക്ഷത്തിൽ സെറ്റ് ചെയ്യാം. നഷ്ടപരിഹാര തുക ഈ ലെവലിൽ കവിയരുത്.
3. പ്രത്യേക പോളിസി: ഈ പോളിസിയിലെ നഷ്ടപരിഹാര തുക നിശ്ചിതമാണ്. ഉദാഹരണത്തിന്, തകരാർ സംഭവിച്ച ഇനം രൂ.5 ലക്ഷം വിലയുള്ളതും പോളിസിയുടെ കവറേജ് രൂ.3 ലക്ഷവും ആണെങ്കിൽ, പോളിസിക്ക് കീഴിൽ വാഗ്ദാനം ചെയ്യുന്ന പരമാവധി തുകയായ രൂ.3 ലക്ഷം മാത്രമേ നിങ്ങൾക്ക് ലഭിക്കൂ. എന്നാൽ, നഷ്ടത്തിന്‍റെ തുക കവറേജ് തുകയ്ക്കുള്ളിലാണെങ്കിൽ, നിങ്ങൾക്ക് പൂർണ്ണമായ നഷ്ടപരിഹാരം ലഭിക്കും.
4. ഫ്ലോട്ടിംഗ് പോളിസി: ഈ പോളിസിയിൽ, ഒരു ബിസിനസ് ഉടമ എന്ന നിലയിൽ നിങ്ങൾക്ക് അതിന്‍റെ കവറേജിന് കീഴിൽ നിങ്ങളുടെ ഒന്നിൽ കൂടുതൽ പ്രോപ്പർട്ടി സുരക്ഷിതമാക്കാൻ കഴിയും. നിങ്ങളുടെ പ്രോപ്പർട്ടികൾ വ്യത്യസ്ത നഗരങ്ങളിലാണെങ്കിലും, പോളിസി അവയെല്ലാം പരിരക്ഷിക്കും.
5. അനന്തരഫലമായുള്ള നഷ്ട പോളിസി: നിങ്ങളുടെ ബിസിനസിന്‍റെ പ്രധാന മെഷിനറിയും ഉപകരണങ്ങളും അഗ്നിബാധയിൽ തകരാർ സംഭവിക്കുകയാണെങ്കിൽ, ഈ പോളിസിയിലൂടെ നഷ്ടങ്ങൾക്ക് നഷ്ടപരിഹാരം ലഭിക്കും. യന്ത്രസാമഗ്രികൾ നഷ്‌ടമാകുന്നത് മൂലം നിങ്ങളുടെ ബിസിനസ് ഉണ്ടാകുന്ന തടസ്സങ്ങളെ മറികടക്കാൻ ഈ പോളിസി സഹായിക്കുന്നു.
6. കോംപ്രിഹൻസീവ് പോളിസി: ഈ പോളിസി വിപുലമായ കവറേജ് വാഗ്ദാനം ചെയ്യുന്നു. ഇത് അഗ്നിബാധ മൂലമുണ്ടാകുന്ന നാശനഷ്ടത്തിന് മാത്രമല്ല, പ്രകൃതിദത്തവും മനുഷ്യനിർമ്മിതവുമായ ദുരന്തങ്ങൾ മൂലമുണ്ടാകുന്ന നാശനഷ്ടത്തിനും കവറേജ് വാഗ്ദാനം ചെയ്യുന്നു. മോഷണം മൂലമുണ്ടാകുന്ന നാശനഷ്ടങ്ങൾക്കും ഇത് പരിരക്ഷ നൽകുന്നു*.
7. റീപ്ലേസ്മെന്‍റ് പോളിസി: നിങ്ങളുടെ പ്രോപ്പർട്ടിക്ക് പൂർണ്ണമായും കേടുപാടുകൾ സംഭവിക്കുകയാണെങ്കിൽ, ഈ പോളിസിയിലൂടെ പരിഗണിക്കപ്പെടുന്ന ഡിപ്രീസിയേറ്റഡ് മൂല്യത്തോടൊപ്പം നിങ്ങൾക്ക് നഷ്ടപരിഹാരം ലഭിക്കുന്നതാണ്. അല്ലെങ്കിൽ നിങ്ങളുടെ പ്രോപ്പർട്ടിയുടെ യഥാർത്ഥ മൂല്യം അനുസരിച്ച് നിങ്ങൾക്ക് നഷ്ടപരിഹാരം ലഭിക്കുന്നു. നിങ്ങൾ പോളിസി വാങ്ങുന്നതിൻ്റെ ലക്ഷ്യം മനസിലാക്കുകയും അതനുസരിച്ച് ഫയർ ഇൻഷുറൻസ് പരിരക്ഷ തിരഞ്ഞെടുക്കുകയും ചെയ്യുന്നുവെന്ന് എല്ലായ്‌പ്പോഴും ഉറപ്പുവരുത്തുക.
ഉൾപ്പെടുത്തലുകളും ഒഴിവാക്കലുകളും എന്തൊക്കെയാണ്?
താഴെ ലിസ്റ്റ് ചെയ്തിരിക്കുന്ന ഉൾപ്പെടുത്തലുകളും ഒഴിവാക്കലുകളും ഇത്തരത്തിലുള്ള
ജനറല്‍ ഇൻഷുറൻസ് കവറേജുമായി ബന്ധപ്പെട്ടതാണ്: ഉൾപ്പെടുത്തലുകൾ:
- അഗ്നിബാധ കാരണം വിലപ്പെട്ട പ്രോപ്പർട്ടി നഷ്ടപ്പെടൽ
- അഗ്നിബാധ കാരണം ചരക്കുകളുടെ നഷ്ടം
- നിങ്ങളുടെ പ്രോപ്പർട്ടിക്ക് കേടുപാടുകൾ സംഭവിച്ചതിനാൽ താൽക്കാലിക താമസത്തിനുള്ള ചെലവ്
- അഗ്നിശമന സേനാംഗങ്ങൾക്കുള്ള നഷ്ടപരിഹാര തുക
- ഷോർട്ട്-സർക്യൂട്ട് അല്ലെങ്കിൽ തെറ്റായ കണക്ഷൻ കാരണം ഉണ്ടാകുന്ന തീപിടുത്തം
ഒഴിവാക്കലുകൾ:
- യുദ്ധം, കലാപം അല്ലെങ്കിൽ ഭൂകമ്പം പോലുള്ള എമർജൻസി സാഹചര്യങ്ങൾ മൂലമുണ്ടാകുന്ന അഗ്നിബാധ
- ദുരുദ്ദേശം മൂലം ഉണ്ടാകുന്ന അഗ്നിബാധ
- കവർച്ചയുടെ സമയത്ത് ഉണ്ടായ അഗ്നിബാധ
ചില പോളിസികൾ തേർഡ് പാർട്ടി പ്രോപ്പർട്ടിക്ക് ഉണ്ടാകുന്ന കേടുപാടുകൾ, റെൻ്റ് നഷ്ടം പോലുള്ള മറ്റ് തരത്തിലുള്ള നഷ്ടങ്ങൾക്കും കവറേജ് നൽകുന്നു. പോളിസി ഉടമകൾ അവരുടെ പോളിസിയുടെ പ്രത്യേകതകളും അതിൽ പരിരക്ഷിക്കുന്ന നഷ്ടങ്ങളെക്കുറിച്ചും മനസ്സിലാക്കേണ്ടതുണ്ട്.*
ഉപസംഹാരം
ഒരു ഫയർ ഇൻഷുറൻസ് പോളിസിക്ക്, അഗ്നിബാധ മൂലമുണ്ടാകുന്ന നഷ്ടങ്ങൾ അല്ലെങ്കിൽ കേടുപാടുകളിൽ സാമ്പത്തിക പരിരക്ഷ നൽകാനും അഗ്നിബാധയുമായി ബന്ധപ്പെട്ട സംഭവങ്ങളുടെ സാമ്പത്തിക ആഘാതം ലഘൂകരിക്കാനും കഴിയുമെന്ന കാര്യം നിങ്ങൾക്ക് ഇതിൽ നിന്ന് മനസിലാക്കാൻ സാധിക്കും. അഗ്നിബാധയിൽ നിന്ന് മാത്രമല്ല, മറ്റ് ഘടകങ്ങളിൽ നിന്നും നിങ്ങളുടെ പ്രോപ്പർട്ടിക്ക് സാമ്പത്തിക പരിരക്ഷ നേടാൻ നിങ്ങൾ ആഗ്രഹിക്കുന്നെങ്കിൽ, നിങ്ങൾക്ക് തിരഞ്ഞെടുക്കാം
ഹോം ഇൻഷുറൻസ് , അതുവഴി നിങ്ങളുടെ പ്രോപ്പർട്ടിയും അതിലെ വിലപ്പെട്ട വസ്തുക്കളും സംരക്ഷിക്കാം.
*സാധാരണ ടി&സി ബാധകം
ഇൻഷുറൻസ് പ്രേരണാ വിഷയമാണ്. ആനുകൂല്യങ്ങൾ, ഒഴിവാക്കലുകൾ, പരിധികൾ, നിബന്ധനകൾ, വ്യവസ്ഥകൾ എന്നിവയെക്കുറിച്ചുള്ള കൂടുതൽ വിവരങ്ങൾക്ക്, വിൽപ്പന പൂർത്തിയാക്കുന്നതിന് മുമ്പ് ദയവായി സെയിൽസ് ബ്രോഷർ/പോളിസി നിബന്ധനകൾ ശ്രദ്ധാപൂർവ്വം വായിക്കുക.
സർവ്വീസ് ചാറ്റ്: 
ഒരു മറുപടി നൽകുക