ഒരു പോളിസി എടുക്കാനോ പുതുക്കാനോ നിങ്ങൾക്ക് ഒരു ഏജന്‍റിന്‍റെ സഹായം ഇന്ന് ആവശ്യമില്ല. ഇക്കാലത്ത്, പോളിസി വിശദാംശങ്ങൾ, പ്രീമിയം പേമെന്‍റ്, പോളിസിയുടെ കാലയളവ്, മറ്റ് കാര്യങ്ങൾ എന്നിവ സംബന്ധിച്ച് നിങ്ങൾക്ക് ഓൺലൈനിൽ സഹായം ലഭിക്കും. ഒരു
ഓൺലൈൻ ഹെൽത്ത് ഇൻഷുറൻസ് ലഭ്യമാക്കുക എന്നത് യുവതലമുറയ്ക്ക് എളുപ്പത്തിൽ ചെയ്യാൻ കഴിയുന്ന കാര്യമാണ് എന്ന് ഇപ്പോൾ നമുക്കെല്ലാവർക്കും അറിയാം, എന്നാൽ അവർക്ക് മുമ്പുള്ള ഒരു തലമുറയുടെ കാര്യമോ? അവർക്ക് ഇത് വളരെ പുതിയതാണ്, അതിനാൽ ഓൺലൈനിൽ എങ്ങനെ ഹെൽത്ത് ഇൻഷുറൻസ് അടയ്ക്കാമെന്ന് അവർ ചോദിച്ചു കൊണ്ടിരിക്കുകയാണ്? ഇത് അനായാസമായ നടപടിക്രമമാണെന്നും ആശങ്കപ്പെടേണ്ട കാര്യമില്ലെന്നും മാത്രം അവർ അറിഞ്ഞിരിക്കേണ്ടതുണ്ട്. ഓൺലൈൻ ഹെൽത്ത് ഇൻഷുറൻസ് പ്രീമിയം പേമെന്‍റിന് നിങ്ങൾക്ക് ആവശ്യമായ കാര്യങ്ങൾ ഇതാ.
ഹെൽത്ത് ഇൻഷുറൻസ് ഓൺലൈനിൽ എങ്ങനെ അടയ്ക്കാം?
ഇപ്പോൾ, ഈ ലിസ്റ്റ് ദാതാവിനനുസരിച്ച് അൽപ്പം വ്യത്യാസപ്പെട്ടേക്കാം, പക്ഷേ ഇത് പ്രധാനമായും ആവശ്യമായ എല്ലാ വിശദാംശങ്ങളും ഉൾക്കൊള്ളുന്നു.
- പോളിസി നമ്പർ- നിങ്ങൾ നിലവിലുള്ള ഒരു പോളിസിക്ക് ഇൻഷുറൻസ് പ്രീമിയം അടയ്ക്കുകയാണെങ്കിൽ , നിങ്ങളുടെ പോളിസി നമ്പർ നിർബന്ധമായും നൽകേണ്ടതുണ്ട്. ഇത് നിങ്ങളുടെ ഇഷ്യൂ ചെയ്ത പോളിസിയിൽ എഴുതിയിരിക്കുന്നു. ഒരു പോളിസി നമ്പർ ഒരു സവിശേഷ നമ്പറാണ്, അതിനാൽ ഏതെങ്കിലും തരത്തിൽ ദുരുപയോഗം ചെയ്യാനുള്ള സാധ്യതകൾ ഇല്ല.
- കോണ്ടാക്ട് നമ്പർ- നിങ്ങളുടെ ഐഡൻ്റിറ്റി വെരിഫൈ ചെയ്യുന്നതിന് നിങ്ങളുടെ രജിസ്റ്റർ ചെയ്ത കോൺടാക്റ്റ് നമ്പറോ ഇമെയിൽ വിലാസമോ നൽകാൻ ചില ദാതാക്കൾ നിങ്ങളോട് ആവശ്യപ്പെട്ടേക്കാം. പോളിസി എടുക്കുന്ന സമയത്ത് നൽകിയ അതേ വിശദാംശങ്ങൾ നിങ്ങൾ നൽകുന്നുവെന്ന് ഉറപ്പാക്കുക.
നിങ്ങൾ ഒരു പുതിയ പോളിസി എടുക്കുകയാണെങ്കിൽ, നിങ്ങൾ ശരിയായ വിശദാംശങ്ങളും കോൺടാക്റ്റ് നമ്പറും സജീവമായി ഉപയോഗിക്കുന്ന അഡ്രസ്സും നൽകുന്നുണ്ടെന്ന് ഉറപ്പാക്കുക, കാരണം പോളിസിയുമായി ബന്ധപ്പെട്ട എല്ലാ ആശയവിനിമയങ്ങളും ഇതിലൂടെയാണ് സംഭവിക്കുന്നത്.
- ജനനത്തീയതി- പോളിസി പുതുക്കലിനായി നിങ്ങളുടെ ഐഡൻ്റിറ്റിറ്റി വെരിഫൈ ചെയ്യാൻ ചില ദാതാക്കൾ നിങ്ങളുടെ ജനനത്തീയതി രേഖപ്പെടുത്താൻ ആവശ്യപ്പെടുന്നു. എന്നാൽ ഒരു പുതിയ പോളിസി എടുക്കുമ്പോൾ, പ്രായം നിർണ്ണയിക്കാനും അതിനനുസരിച്ച് പ്രീമിയം കണക്കാക്കാനും ഇത് സഹായിക്കുന്നു.
- അഡ്രസ്സ് പ്രൂഫ്- ഒരു പുതിയ പോളിസി ഇഷ്യൂ ചെയ്യുന്നതിന് റെസിഡൻഷ്യൽ പ്രൂഫ് ആവശ്യമാണ്. ആധാർ കാർഡ്, പാസ്‌പോർട്ട്, പാൻ കാർഡ്, തുടങ്ങി നൽകിയിരിക്കുന്ന ലിസ്റ്റിൽ നിന്നുള്ള ഏതൊരു ഡോക്യുമെന്‍റും ഇവിടെ ഇതിനായി ഉപയോഗിക്കാം.
പേമെന്‍റ് രീതികൾ
പേമെന്‍റുകൾ നടത്തുന്നതിന് നൂതനവും നവീനവുമായ ചാനലുകൾ ഇപ്പോൾ ലഭ്യമാണ്. അതിനാൽ "എന്‍റെ മെഡിക്ലെയിം പ്രീമിയം ഓൺലൈനിൽ എങ്ങനെ അടയ്ക്കാം" എന്ന ചോദ്യത്തിന് നേരിട്ടുള്ള ഒരൊറ്റ ഉത്തരം നൽകാൻ കഴിയില്ല. ലഭ്യമായ വിവിധ ഓപ്ഷനുകൾ ഇതാ
- നെറ്റ് ബാങ്കിംഗ്
ഗുണഭോക്താവിൻ്റെ അക്കൗണ്ട് നമ്പർ, പേര്, ഐഎഫ്എസ്‌സി കോഡ് എന്നിവ നൽകി മറ്റേതെങ്കിലും ബാങ്ക് അക്കൗണ്ടിലേക്ക് പണം ട്രാൻസ്ഫർ ചെയ്യാൻ ഏതൊരു ബാങ്കും ഓൺലൈനായി ഓഫർ ചെയ്യുന്ന സൗകര്യമാണ് നെറ്റ് ബാങ്കിംഗ്.
- ഡെബിറ്റ് കാർഡ്
കാർഡ് വിവരങ്ങൾ നൽകി പേമെന്‍റ് നടത്തുന്ന സമയത്ത് ഒടിപി നൽകി ഡെബിറ്റ് കാർഡ് വഴി നിങ്ങളുടെ ബാങ്ക് അക്കൗണ്ട് ബാലൻസിൽ നിന്ന് പേമെന്‍റ് നടത്താം.
- ക്രെഡിറ്റ് കാർഡ്
ഒരു ക്രെഡിറ്റ് കാർഡ് എന്നത് ദാതാവ് ആദ്യം പേമെന്‍റ് നടത്തുന്ന ഒരു സൗകര്യമാണ്, കൂടാതെ നിർദ്ദിഷ്ട സമയ കാലയളവിൻ്റെ അവസാനത്തിൽ നിങ്ങൾ ദാതാവിന് പണം നൽകേണ്ടതുണ്ട്. പേമെന്‍റ് കുറച്ച് സമയത്തേക്ക് മാറ്റിവെക്കാൻ കഴിയുന്ന ഒരു ഓപ്ഷനാണിത്.
- ഡിജിറ്റൽ വാലറ്റ്
ഡിജിറ്റലൈസേഷന്‍റെ വളർച്ചയോടെ, നിരവധി ഡിജിറ്റൽ വാലറ്റ് ദാതാക്കൾ ഇന്ത്യയിൽ ലഭ്യമാണ്, മിക്കവാറും എല്ലാവരും നിങ്ങളുടെ മെഡിക്ലെയിം അല്ലെങ്കിൽ ഹെൽത്ത് ഇൻഷുറൻസ് പ്രീമിയം അടയ്‌ക്കുന്നത് ഉൾപ്പെടെ വിവിധ പേമെന്‍റ് സേവനങ്ങൾ ഓഫർ ചെയ്യുന്നു.
ഹെൽത്ത് ഇൻഷുറൻസ് പ്രീമിയം ഓൺലൈനിൽ അടയ്ക്കുന്നതിന്‍റെ നേട്ടങ്ങൾ
ഹെൽത്ത് ഇൻഷുറൻസ് പ്രീമിയം ഓൺലൈനിൽ എങ്ങനെ അടയ്ക്കാം എന്ന് ഇപ്പോൾ നമുക്കറിയാം, എന്നാൽ എന്തുകൊണ്ട് നമ്മൾ അത് ഓൺലൈനിൽ വഴി അടയ്ക്കണം? എന്തുകൊണ്ട് എന്നതിനുള്ള മറുപടി ഇതാ
- ഫ്ലെക്സിബിള്‍ പെയ്മെന്‍റ് ഓപ്ഷനുകള്‍
ഓൺലൈൻ പേമെന്‍റിന്‍റെ കാര്യത്തിൽ വൈവിധ്യമാർന്ന ഓപ്ഷനുകൾ ലഭ്യമാണ്, അത് തിരഞ്ഞെടുക്കുന്നത് കൂടുതൽ സൗകര്യപ്രദമാണ്. ഒരാൾക്ക് നൽകിയിരിക്കുന്ന ഓപ്‌ഷനുകളിൽ ഒന്നിലേക്ക് ആക്‌സസ് ഇല്ലായിരിക്കാം, എന്നാൽ ഇന്നത്തെ കാലത്ത് ഒരു പേമെന്‍റ് രീതിയിലേക്കും ആക്‌സസ് ഇല്ല എന്നത് തികച്ചും അസാധ്യമാണ്.
- എപ്പോൾ വേണമെങ്കിലും എവിടെ ആണെങ്കിലും പണമടയ്ക്കുക
എല്ലാ മേഖലകളിലെയും വികസനത്തോടെ അകലങ്ങൾ ഇല്ലാതായി. ആളുകൾ വിവിധ സ്ഥലങ്ങളിൽ അങ്ങോട്ടും ഇങ്ങോട്ടും സഞ്ചരിക്കുന്നു, ജോലി ആവശ്യത്തിനും മറ്റുമായി ദൂരദേശങ്ങളിലേക്ക് യാത്ര ചെയ്യുന്നു. പ്രീമിയം പേമെന്‍റിന്‍റെ സമയപരിധി നേരിട്ട് പാലിക്കുന്നത് ഇത് അസാധ്യമാക്കുന്നു. അതിനാൽ ഓൺലൈൻ ഓപ്ഷനുകൾ കാലത്തിന്‍റെ ആവശ്യമായി മാറിയിരിക്കുന്നു.
- മധ്യവർത്തികൾ ഇല്ല
പോളിസിയെക്കുറിച്ച് ഗുണഭോക്താവിന് തെറ്റായ വിവരങ്ങൾ നൽകുന്ന സാഹചര്യങ്ങളുണ്ട്. പോളിസി ദാതാവിൽ നിന്ന് നേരിട്ട് വാങ്ങുന്നതിനാൽ അത്തരം കാര്യങ്ങൾ ഉണ്ടാകാൻ സാധ്യതയില്ല.
- നഷ്‌ടമായ ആനുകൂല്യങ്ങളൊന്നുമില്ല
നിങ്ങൾക്ക് പലപ്പോഴും,
ഹെൽത്ത് ഇൻഷുറൻസ് ആനുകൂല്യങ്ങൾ സമയബന്ധിതമായി പുതുക്കുന്നതിനും മൊത്തത്തിൽ ഒരു നല്ല കസ്റ്റമർ ആകുന്നതിനും നോ ക്ലെയിം ബോണസ്, മറ്റ് കിഴിവുകൾ പോലുള്ള ഉണ്ടായിരിക്കാം. കാലഹരണപ്പെടുന്നതിന് 15 ദിവസം മുമ്പ് പോളിസികൾ പുതുക്കുന്നതിന് ഇത് അനുയോജ്യമാണ്, എന്നാൽ പോളിസി കാലഹരണപ്പെട്ടതിന് ശേഷം പരമാവധി 15 ദിവസത്തിനുള്ളിൽ നിങ്ങൾക്ക് അവ പുതുക്കാൻ കഴിയും. ഇമെയിൽ, ഫോൺ കോളുകൾ എന്നിവയിലൂടെയുള്ള ഓർമ്മപ്പെടുത്തലുകളും പുതുക്കൽ ഒറ്റ ക്ലിക്കിൽ എളുപ്പത്തിൽ സാധ്യമാക്കുന്നു, ഈ ആനുകൂല്യങ്ങൾ എല്ലായ്‌പ്പോഴും നിങ്ങളുടെ സേവനത്തിലായിരിക്കും.
പതിവ് ചോദ്യങ്ങള്‍:
- ഹെൽത്ത് ഇൻഷുറൻസ് ഓൺലൈനായി പേമെന്‍റ് നടത്തുമ്പോൾ, പേമെന്‍റ് എന്‍റെ ബാങ്ക് അക്കൗണ്ടിൽ നിന്ന് ഈടാക്കി, പക്ഷേ എനിക്ക് അറിയിപ്പ് ഒന്നും ലഭിച്ചില്ല. ഞാൻ എന്ത് ചെയ്യണം?
ഒരു കോൾ ചെയ്ത് അല്ലെങ്കിൽ ഇമെയിൽ വഴി കസ്റ്റമർ ഗ്രീവൻസ് ഡിപ്പാർട്ട്മെന്‍റിൽ നിങ്ങളുടെ പേമെന്‍റ് സ്റ്റാറ്റസ് പരിശോധിക്കാം.
- എന്‍റെ ഓൺലൈൻ പ്രീമിയം പേമെന്‍റ് പാതിവഴിയിൽ നിന്നു. ഞാൻ എന്ത് ചെയ്യണം?
നൽകിയ കോണ്ടാക്ട് നമ്പറിലേക്ക് വിളിച്ച് സ്റ്റാറ്റസ് പരിശോധിക്കുക.
സർവ്വീസ് ചാറ്റ്: 
ഒരു മറുപടി നൽകുക