നിങ്ങൾ വൈറ്റ് ചോക്ലേറ്റ് കഴിക്കേണ്ടതിൻ്റെ 5 കാരണങ്ങൾ ഇതാ

മിൽക്ക് സോളിഡ്, കൊക്കോ ബട്ടർ, പഞ്ചസാര എന്നിവ കൊണ്ടാണ് വൈറ്റ് ചോക്ലേറ്റ് നിർമ്മിച്ചിരിക്കുന്നത്. ശുദ്ധമായ കൊക്കോ ബട്ടറാണ് നിങ്ങളുടെ വൈറ്റ് ചോക്ലേറ്റ് ബാറിനെ ആരോഗ്യഗുണമുള്ളതാക്കുന്നത്. ശുദ്ധമായ കൊക്കോ ബട്ടർ നിങ്ങളുടെ ശരീരത്തിന് ആവശ്യമായ ആന്‍റിഓക്സിഡന്‍റുകളാൽ സമ്പന്നമാണ്. കൂടാതെ ചോക്ലേറ്റിൽ ഉള്ള പാലിന്‍റെ അംശം ഇതിനെ കാൽസ്യത്താൽ സമ്പുഷ്ടമാക്കും, ഇത് നിങ്ങളുടെ ശരീരത്തിലെ എല്ലുകൾക്ക് ഗുണം ചെയ്യും. ഡാർക്ക് ചോക്ലേറ്റുമായി താരതമ്യം ചെയ്യുമ്പോൾ വൈറ്റ് ചോക്ലേറ്റിന് ഗുണങ്ങൾ കുറവാണ്, എന്നാൽ, നിങ്ങൾക്ക് വൈറ്റ് ചോക്ലേറ്റിനോട് ആസക്തി ഉണ്ടെങ്കിൽ ഒരല്പം കഴിക്കുന്നതിൽ വിമുഖത കാട്ടേണ്ടതില്ല. എന്നിരുന്നാലും പാക്കിൽ അതിന്‍റെ പോഷക മൂല്യം പരിശോധിക്കുകയും ചോക്ലേറ്റിന്‍റെ ചേരുവകളിൽ പാം ഓയിൽ അല്ല പകരം കൊക്കോ ബട്ടറാണ് അടങ്ങിയിരിക്കുന്നതെന്ന് ഉറപ്പുവരുത്തുകയും വേണം. കൊക്കോ ബട്ടറിന് പകരം ഉപയോഗിക്കുന്ന പാം ഓയിൽ ആരോഗ്യകരമല്ല, കാരണം ഇതിൽ ട്രാൻസ്-ഫാറ്റ് അടങ്ങിയിരിക്കുന്നു. വൈറ്റ് ചോക്ലേറ്റ് മിതമായ അളവിൽ കഴിക്കുമ്പോൾ അതിന്‍റെ ഗുണങ്ങൾ പ്രകടമായിരിക്കും. അധികമായാൽ അമൃതവും വിഷം എന്ന് പറയാറുണ്ട്. ഒരു നിശ്ചിത അളവിൽ വൈറ്റ് ചോക്ലേറ്റ് കഴിക്കുമ്പോൾ, അതിന് താഴെപ്പറയുന്ന ആരോഗ്യ ഗുണങ്ങൾ ഉണ്ടായിരിക്കും:

• രോഗപ്രതിരോധശക്തി വർദ്ധിപ്പിക്കുന്നു – വൈറ്റ് ചോക്ലേറ്റിൽ ആന്‍റിഓക്സിഡന്‍റുകളുടെ സമ്പന്ന സ്രോതസ്സായ കൊക്കോ ബട്ടർ ഉള്ളതിനാൽ, ഇത് നിങ്ങളുടെ ശരീരത്തിൽ നിന്ന് വിഷവസ്തുക്കളെ ഇല്ലാതാക്കാൻ സഹായിക്കും. ഇത് ശ്വേത രക്താണുക്കളുടെ സഞ്ചാരം മെച്ചപ്പെടുത്തുകയും ധമനികളിൽ രക്തം കട്ടപിടിക്കുന്നത് കുറയ്ക്കാൻ സഹായിക്കുകയും ചെയ്യുന്നു. വൈറ്റ് ചോക്ലേറ്റിൽ അടങ്ങിയിട്ടുള്ള നല്ല ബാക്ടീരിയകൾ സെപ്സിസ് സംഭവിക്കുന്ന സമയത്ത് മോശം ബാക്ടീരിയകളെ ചെറുക്കാൻ സഹായിക്കുന്നു.
• കൊളസ്ട്രോൾ കുറയ്ക്കുന്നു – പരിമിതമായ അളവിൽ വൈറ്റ് ചോക്ലേറ്റ് ഉപയോഗിക്കുന്നത് നിങ്ങളുടെ ശരീരത്തിലെ കൊഴുപ്പ് നിയന്ത്രിക്കാൻ സഹായിക്കും, അതുവഴി മോശം കൊളസ്ട്രോളിന്‍റെ അളവ് കുറയ്ക്കാൻ കഴിയുന്നു. ഇത് ആരോഗ്യമുള്ള ഒരു ഹൃദയം നൽകുന്നു ഒപ്പം കൊറോണറി ഹൃദ്രോഗത്തിന്‍റെ സാധ്യത കുറയ്ക്കുകയും ചെയ്യുന്നു.
• കരളിൻ്റെ ആരോഗ്യം മെച്ചപ്പെടുത്തുന്നു– നിങ്ങളുടെ ശരീരത്തിലെ രക്ത പ്രവാഹം വർദ്ധിപ്പിച്ച് കരളിൻ്റെ ആരോഗ്യം മെച്ചപ്പെടുത്താനുള്ള ഗുണങ്ങൾ വൈറ്റ് ചോക്ലേറ്റിന് ഉണ്ടെന്ന് പഠനങ്ങൾ തെളിയിക്കുന്നു. കൂടാതെ ഇത് പിളർന്ന ടിഷ്യൂവിൻ്റെ വീണ്ടെടുപ്പ് എളുപ്പമാക്കാൻ സഹായിക്കുന്നു.
• രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നു – രക്തത്തിലെ ഗ്ലൂക്കോസിന്‍റെ അളവ് കുറയുന്ന, ഹൈപ്പോഗ്ലൈസീമിയ ബാധിച്ച ആളുകൾക്ക് വൈറ്റ് ചോക്ലേറ്റിലെ പഞ്ചസാരയുടെ സാന്നിദ്ധ്യം പ്രയോജനകരമാണ്.
• രക്തസമ്മർദ്ദം, ശ്വസന പ്രശ്നങ്ങൾ എന്നിവ കുറയ്ക്കുന്നു – വൈറ്റ് ചോക്ലേറ്റിൽ അടങ്ങിയിരിക്കുന്ന ലിനോലിക് ആസിഡ് രക്തസമ്മർദ്ദം തടയുകയും, മീഥൈൽക്സാന്തിൻ ശ്വാസകോശ പേശികൾ അയയാൻ സഹായിക്കുകയും ചെയ്യുന്നു.

മുകളിൽ പരാമർശിച്ചിരിക്കുന്ന ഗുണങ്ങൾക്ക് പുറമേ, തലവേദന, ഉറക്കമില്ലായ്മ, സ്തനാർബുദം, ആർത്ത്റൈറ്റിസ്, ഡിമെൻഷ്യ മുതലായവയ്ക്കും വൈറ്റ് ചോക്ലേറ്റ് നല്ലതാണ്. ഒറ്റത്തവണ കഴിക്കുന്ന വൈറ്റ് ചോക്ലേറ്റിന്‍റെ അളവ് മാത്രമാണ് നിങ്ങൾ ശ്രദ്ധിക്കേണ്ട ഒരേയൊരു കാര്യം, കൂടാതെ ഇത് ഇടയ്ക്കിടയ്ക്ക് കഴിക്കാനും പാടില്ല. ഒരു സമയം 1 ഔൺസ് പീസ് വൈറ്റ് ചോക്ലേറ്റ് മാത്രം കഴിച്ച് അതിന്‍റെ സ്വാദിഷ്ടമായ രുചി ആസ്വദിക്കാൻ നിങ്ങളോട് ശുപാർശ ചെയ്യുന്നു. നിങ്ങൾ ഒരിക്കലും മറക്കാൻ പാടില്ലാത്ത മറ്റൊരു കാര്യമാണ് നിങ്ങൾക്കും കുടുംബത്തിനും വേണ്ടി ഹെൽത്ത് ഇൻഷുറൻസ് എടുക്കുക എന്നത്, അതുവഴി എല്ലാ തരത്തിലുള്ള മെഡിക്കൽ അടിയന്തിര സാഹചര്യങ്ങളിലും നിങ്ങൾക്ക് പരിരക്ഷ ലഭിക്കുന്നതാണ്.