સસ્તું ટ્રાવેલ ઇન્શ્યોરન્સ ઑનલાઇન

વ્યાજબી ટ્રાવેલ ઇન્શ્યોરન્સ પ્લાન ખરીદતી વખતે ધ્યાનમાં રાખવા જેવી બાબતો

1 થી 3 ના સ્કેલ પર, જ્યારે ટ્રાવેલ ઇન્શ્યોરન્સ ખરીદવાની વાત આવે છે ત્યારે તમે સૌથી મહત્વપૂર્ણ પરિબળ તરીકે કોને રેટિંગ આપો છો? અમે તેને ટ્રાવેલ ઇન્શ્યોરન્સ ખરીદવાના 3C કહીએ છીએ- કવરેજ, ગ્રાહક સહાય અને ક્લેઇમ સેટલમેન્ટ!

અમે સમજીએ છીએ કે તમને તમારા ટ્રાવેલ ઇન્શ્યોરન્સ પ્લાન પર સારી ડીલ ગમે છે . જો કે, તમારા બ્રાઉઝરમાં 'સસ્તા ટ્રાવેલ ઇન્શ્યોરન્સ પ્લાન' ટાઇપ કરવાના બદલે, અમારી સલાહ છે તેમની કિંમતની અસરકારકતાના આધારે પ્લાનનું મૂલ્યાંકન કેવી રીતે કરવું, તેને સમજવા પર થોડીક મિનિટ વિતાવો.

સસ્તા ટ્રાવેલ ઇન્શ્યોરન્સ પ્લાન ઘણીવાર માત્ર મૂળભૂત કવરેજ પ્રદાન કરે છે, જે કદાચ તમારી જરૂરિયાતોને સંપૂર્ણપણે પૂરી ન પણ કરી શકે, ખાસ કરીને વિદેશમાં જ્યાં તમારી સાથે બાળકો અને પાસે સામાન હોય!

તેથી, એવી પૉલિસી પસંદ કરવી જરૂરી છે, જે 360-ડિગ્રી સુરક્ષા પ્રદાન કરે. સસ્તા ટ્રાવેલ ઇન્શ્યોરન્સ પ્લાન ખરીદીને જરૂરી કવરના છેડા ટૂંકા કરવા તમને વિવિધ પ્રવાસના જોખમો સામે અસુરક્ષિત બનાવી શકે છે.

તે આપણી સામે એક પ્રશ્ન ઊભો કરે છે: હું મારી જરૂરિયાતો માટે સૌથી શ્રેષ્ઠ ટ્રાવેલ ઇન્શ્યોરન્સ પ્લાન કેવી રીતે પસંદ કરું? અલબત્ત, પ્રીમિયમ તમારા માટે લિસ્ટમાં ટોચ પર હોઈ શકે છે. આખરે, કોને સસ્તું ટ્રાવેલ ઇન્શ્યોરન્સ ના જોઈતું હોય? જો કે, રવિ અને રીટાની મુસીબત દર્શાવે છે કે તમે ટ્રાવેલ ઇન્શ્યોરન્સ માટે કેટલી ચુકવણી કરો છો તે સિવાય તેને પસંદ કરવાના અનેક કારણો હોય છે.

વધુ જાણવા માટે વાંચો.

પ્રસ્તાવિત કવરેજ

બધા ઇન્શ્યોરન્સ પ્લાન એક સમાન રીતે બનાવવામાં આવ્યા હોતા નથી. સસ્તા ટ્રાવેલ ઇન્શ્યોરન્સ પ્લાન ધ્યાન આકર્ષિત કરતા હોય છે, પરંતુ જ્યારે ખરીદીનો નિર્ણય લેવાની વાત આવે, ત્યારે પ્લાન દ્વારા ઑફર કરવામાં આવતા કવરેજને સમજવા માટે પૉલિસી નિયમાવલીને કાળજીપૂર્વક વાંચવી આવશ્યક છે. ઉદાહરણ તરીકે, કેટલાક પ્લાન ચોરી, સામાનની નુકસાની અથવા ફ્લાઇટમાં વિલંબ સામે કવરેજ પ્રદાન કરતા હોય, પણ કદાચ તેઓ સામાનના વિલંબથી પહોંચવા માટે કવરેજ ઑફર કરતા ના હોય.

તેથી, જેમ તમે દવા અથવા ખાદ્ય વસ્તુ ખરીદતા પહેલાં તેની સમાપ્તિની તારીખ તપાસો છો, તેમ જ પૉલિસીમાં તે ઘટનાઓ અને પરિસ્થિતિઓને સમજવા માટે વાંચો જેના હેઠળ તમને કવરેજ મળશે નહીં.

ઈજાઓ, મૃત્યુ અને તબીબી ઇમરજન્સીથી આગળ વધો

શું તમે કોઈ કારના માત્ર દેખાવ અથવા એન્જિનની ક્ષમતાના આધારે તેને ખરીદો છો? જ્યારે દેખાવ અને એન્જિનની ક્ષમતા મહત્વપૂર્ણ છે, પણ તે બધું જ નથી. તેવી જ રીતે, ઑનલાઇન અથવા ઑફલાઇન સસ્તા ટ્રાવેલ ઇન્શ્યોરન્સ ખરીદતી વખતે, ઈજાઓ, મૃત્યુ અથવા તબીબી ઇમરજન્સીના કિસ્સામાં ઑફર કરેલ કવરેજથી આગળનું જોવું મહત્વપૂર્ણ છે.

ટ્રાવેલ ઇન્શ્યોરન્સ પૉલિસી ખરીદવી એ સમજદારીભર્યું છે જે વિલંબિત ફ્લાઇટ, પાસપોર્ટ અને આવશ્યક ડૉક્યૂમેન્ટ ખોવાઇ જવા, ટ્રિપ કૅન્સલેશન અને ઇમરજન્સી કૅશ લાભ જેવી સ્થિતિમાં થયેલ નુકસાન સામે વળતર આપે છે. સરળ શબ્દોમાં, સસ્તા ટ્રાવેલ ઇન્શ્યોરન્સ હંમેશા સારી ડીલ હોતા નથી!

ઉદાહરણ તરીકે, ઇમરજન્સી કૅશ ઍડવાન્સ અમારા ટ્રાવેલ ઇન્શ્યોરન્સ પ્લાનની એક અભિન્ન સુવિધા છે જ્યાં અમે તમને સામાનની ચોરી અને ઘરફોડીના કિસ્સામાં તાત્કાલિક કૅશ ઑફર કરીએ છીએ.

ઑન-કૉલ સપોર્ટ

કલ્પના કરો કે તમે આવશ્યક ડૉક્યૂમેન્ટ ખોવાઈ જવાને કારણે તમારા પ્રિયજનો સાથે વિદેશમાં ફસાઈ ગયા છો. ચાલો, પરિસ્થિતિને થોડી બદલીને જોઈએ. કલ્પના કરો કે આવી પરિસ્થિતિમાં તમને માર્ગદર્શન આપવા માટે તમારી સાથે કોઈ મિત્ર છે. શું આ કલ્પના પહેલા કરતાં વધુ આરામદાયક નથી?

જ્યારે તમે વ્યાજબી ટ્રાવેલ ઇન્શ્યોરન્સ પૉલિસીનો મેળવો છો, ત્યારે ખાતરી કરો કે વિશ્વના કોઈપણ ખૂણેથી 24X7 ક્લેઇમ સપોર્ટ ઉપલબ્ધ હોય. આ સુવિધા તમને ઇમરજન્સી પરિસ્થિતિને સકારાત્મક અનુભવ બનાવવામાં મદદરૂપ થશે.

ઉદાહરણ તરીકે, અમારા ટ્રાવેલ ઇન્શ્યોરન્સ પ્લાન સાથે, તમે +91-124-6174720 પર મિસ્ડ કૉલ આપીને દુનિયાના કોઈપણ સ્થળેથી અમારો સંપર્ક કરી શકો છો. જરૂરિયાતના સમયે, તમને હંમેશા એક મૈત્રીપૂર્ણ, આત્મવિશ્વાસથી ભરેલો અવાજ સાંભળવા મળશે, જેના પર તમે હંમેશા ભરોસો કરી શકો છો.

જો તમે ભારે વિશ્લેષણ કરી મૂંઝાઈ ગયા છો, તો આ એકદમ યોગ્ય ઉપચાર છે!

ક્લેઇમની પ્રક્રિયા

કોઈપણ ઇન્શ્યોરન્સ પૉલિસીની કદાચ સૌથી આવશ્યક બાબત ક્લેઇમ સેટલમેન્ટ હોય છે. દેશના અગ્રણી ઇન્શ્યોરરમાંથી એક તરીકે, બજાજ આલિયાન્ઝ તમારા ક્લેઇમને ઝડપી અને કાર્યક્ષમ રીતે ડિલિવર કરવાનો પ્રયત્ન કરે છે. ટ્રાવેલ ઇન્શ્યોરન્સ પ્લાનની ઑનલાઇન તુલના કરતી વખતે, તેની પ્રક્રિયા કેટલી સરળ અથવા અવરોધ રહિત છે એ અને તેના જરૂરી ડૉક્યૂમેન્ટને તપાસો.

તમામ બાબતોને યોગ્ય પરિપ્રેક્ષ્યમાં મૂકતા, જો સસ્તા ટ્રાવેલ ઇન્શ્યોરન્સ પ્લાનનો મૂળભૂત આધાર પૈસા બચાવવાનો છે, તો બજાજ આલિયાન્ઝમાં ક્લેઇમની પ્રક્રિયા તમારી અન્ય કિંમતી ચીજવસ્તુને બચાવવા માટે ડિઝાઇન કરવામાં આવી છે -સમય!

બજાજ આલિયાન્ઝમાં, અમે સંપૂર્ણ ક્લેઇમની યાત્રાને એક સુગમ અનુભૂતિ બનાવવામાં વિશ્વાસ રાખીએ છીએ. અમારા ટ્રાવેલ ઇન્શ્યોરન્સ પ્લાન સાથે, તમે travel@bajajallianz.co.in પર ઇમેઇલ મોકલીને અથવા અમારા ટોલ-ફ્રી નંબર 1800-209-5858 પર કૉલ કરીને તમારો ક્લેઇમ રજિસ્ટર કરી શકો છો. ટૂંકમાં કહીએ તો ઝડપી, કાર્યક્ષમ અને અવરોધ રહિત.

તમારા ટ્રાવેલ ઇન્શ્યોરન્સ પ્રીમિયમ પર મોટી બચત કેવી રીતે કરવી?

બચત - સસ્તા ટ્રાવેલ ઇન્શ્યોરન્સ પ્લાનના આકર્ષણનું એક કારણ છે. તમારા વૉલેટના ઉપયોગ માટે ઘણી પ્રાથમિકતાઓ હરિફાઈમાં હોય છે. તમે તમારા પૈસા દ્વારા સૌથી મોટો લાભ મેળવવા ઈચ્છો એ સ્વાભાવિક છે. જો કે, ટ્રાવેલ ઇન્શ્યોરન્સ ખરીદવાના કેટલાક મૂળભૂત પાસાઓની સારી સમજ વિના, તમે તમારા વૉલેટ પર કુઠારાઘાત કરી શકો છો.

હિંમત હારશો નહીં! તમારા ટ્રાવેલ ઇન્શ્યોરન્સ પ્રીમિયમ પર બચત કરવી એ તમે કલ્પના કરતા હો એટલી પણ મુશ્કેલ નથી. આ સરળ યુક્તિઓ સાથે તમે સરળતાથી તમારા ટ્રાવેલ ઇન્શ્યોરન્સ પ્રીમિયમને ઘટાડી શકો છો:

તમને આરામદાયક હોય તે કવરનું લેવલ પસંદ કરો

ટ્રાવેલ ઇન્શ્યોરન્સ પૉલિસીઓ સામાન્ય રીતે ત્રણ વિસ્તૃત કવર ઑફર કરે છે - મૂળભૂત, ઍડવાન્સ અને વ્યાપક. દરેક પ્રકાર સાથે લાભો વધતા જાય છે અને તે સાથે પ્રીમિયમ પણ. તમને સૌથી આરામદાયક હોય તે કવરનું લેવલ પસંદ કરવું મહત્વપૂર્ણ છે.

ઉદાહરણ તરીકે, જ્યારે ત્રણેય કવર તમને મેડિકલ ઇમરજન્સી અથવા ટ્રિપ કૅન્સલેશન સામે કવરેજ પ્રદાન કરી શકે છે, ત્યારે તે તમામ સામાનના આગમનમાં વિલંબની સ્થિતિમાં વળતર ઑફર કરી શકતા નથી. તેથી, તમને સૌથી આરામદાયક હોય તે કવરનું લેવલ પસંદ કરવું મહત્વપૂર્ણ છે.

જો કોઈ વ્યાપક કવરેજ તમને મનની શાંતિ આપે છે, તો તેને પસંદ કરો અથવા અન્યથા ચોક્કસ ખરાબ પરિસ્થિતિઓમાં મૂળભૂત કવર પ્રદાન કરતી પૉલિસી પર જાઓ.

તમારે જે ઍડ-ઑન્સની જરૂર નથી તેને ટાળો

જેમ વધુ પડતા સામાનને ફેરવવો દુષ્કર બની જાય છે, તેમ જ તમારી ટ્રાવેલ ઇન્શ્યોરન્સ પૉલિસી સાથે ઍડ-ઑનનો ઢગલો કરવાથી પ્રીમિયમ નોંધપાત્ર રીતે વધી શકે છે. તમારે જે ઍડ-ઑનની જરૂર નથી તેને ટાળવું, એ પ્રીમિયમને ઘટાડવાની અસરકારક રીત છે.

ઉદાહરણ તરીકે, જો તમે એક એવા સ્થળની મુલાકાત લઈ રહ્યા છો જ્યાં એડવેન્ચર સ્પોર્ટ્સનું કોઈ કામ નથી, તો તમારી ટ્રાવેલ પૉલિસી સાથે એડવેન્ચર સ્પોર્ટ્સ કવર હોવું એ કોઈ હેતુ પૂર્ણ કરતું નથી. તેવી જ રીતે, જો તમે જો કોઈ મોંઘી વસ્તુઓ સાથે લઈ જઈ રહ્યાં નથી તો હાઇ-વેલ્યૂ પર્સનલ આઇટમ કવર વધુ મદદરૂપ થશે નહીં.

ઑનલાઇન ખરીદો

ડિજિટલ યુગમાં, જ્યારે તમે સોયથી લઈને ફર્નીચર સુધી બધું જ ઑનલાઇન ખરીદો છો, તો તમારી ટ્રાવેલ ઇન્શ્યોરન્સ પૉલિસી શા માટે નહીં? વાસ્તવમાં, ઑનલાઇન ટ્રાવેલ ઇન્શ્યોરન્સ પૉલિસી ખરીદવાથી તમને માત્ર તમારા ઘરમાં આરામથી ખરીદવાની તક મળતી નથી, પરંતુ ઇન્શ્યોરરને વિતરણ ખર્ચ પર બચત થવાથી છે તે ડિસ્કાઉન્ટનો પણ લાભ આપે છે.

થોડા વર્ષ પહેલાં, તમારે ટ્રાવેલ ઇન્શ્યોરન્સ ખરીદવા માટે કદાચ તમારા ઇન્શ્યોરરની ઑફિસમાં કતારમાં ઉભું રહેવું પડતું હતું. આજે, તેમાં માત્ર મૂળભૂત માપદંડ પસંદ કરવાની જરૂર હોય છે- ખર્ચ, કવરેજ, કંપની વગેરે અને બસ! પસંદ કરવા માટે સસ્તા ટ્રાવેલ ઇન્શ્યોરન્સ વિકલ્પોની શ્રેણી તમારી પાસે તૈયાર છે!

ટ્રાવેલ ઇન્શ્યોરન્સ ઑનલાઇન ખરીદવું એ બધા માટે એક લાભકારી ઉકેલ છે. એક ગ્રાહક તરીકે, તમે સ્પર્ધાત્મક કિંમતની પ્રૉડક્ટને (સસ્તા ટ્રાવેલ ઇન્શ્યોરન્સ વાંચો!) અને ટોચની રેટિંગ ધરાવતા ઇન્શ્યોરન્સ પ્રદાતાઓમાંથી એકને પસંદ કરી શકો છો. સો વાતની એક વાત!

તમે કોઈપણ સંભવિત ઑફર વિશે જાણવા માટે ઇન્શ્યોરર તરફથી ન્યૂઝલેટર માટે સાઇન અપ પણ કરી શકો છો. તે જ સમયે, ડિસ્કાઉન્ટેડ પૉલિસી તમારા માટે યોગ્ય છે કે નહીં તે નિર્ણય લેવા માટે તેની વિશેષતાઓ તપાસો.

મલ્ટી-ટ્રિપ પૉલિસીનો લાભ લો

શું તમે વારંવાર પ્રવાસ કરનાર પ્રવાસી છો, જેમને કામધંધા માટે વખતોવખત દૂરના દેશોની મુસાફરી કરવી પડે છે? જો હા, તો મલ્ટી-ટ્રિપ પૉલિસી એ પ્રીમિયમને ઘટાડવા માટેનો શ્રેષ્ઠ માર્ગ છે. આવી પૉલિસી માત્ર એક ટ્રિપ જ નહીં, પરંતુ એક વર્ષમાં હાથ ધરેલી તમામ ટ્રિપને કવર કરે છે.

મલ્ટિપલ એન્ટ્રી વિઝાની જેમ જ, જ્યારે સસ્તા ટ્રાવેલ ઇન્શ્યોરન્સની વાત આવે ત્યારે તે તમારા માટે શ્રેષ્ઠ વિકલ્પ બની શકે છે. જો તમે કોર્પોરેટ મુસાફર હો તો તે તમારા માસિક બિઝનેસ ખર્ચને વાજબી ઠરાવવું સરળ બનાવે છે.

તેથી, દરેક વખતે અલગ પૉલિસી ખરીદવાના બદલે, મલ્ટી-ટ્રિપ પૉલિસીને ધ્યાનમાં લો જે તમારા ખિસ્સા પરના ભારને મોટે ભાગે ઓછો કરે છે. પ્રવાસની શુભકામનાઓ!