ആലോചിക്കുകയാണോ
എന്താണ് ട്രാവൽ ഇൻഷുറൻസ്എന്ന്? നിങ്ങൾക്ക് ആവശ്യം വരുമ്പോൾ കൃത്യമായി സഹായിക്കുന്ന സുഹൃത്തിനെപ്പോലെയാണ് ട്രാവൽ ഇൻഷുറൻസ്. മിക്ക കുടുംബങ്ങളും ടൂർ ഓപ്പറേറ്റർമാരും യാത്ര, യാത്രാപരിപാടി, ചെലവുകൾ എന്നിവയെക്കുറിച്ച് പ്ലാൻ ചെയ്യാറുണ്ട്. ആസൂത്രിതമല്ലാത്ത രീതിയിൽ എന്തെങ്കിലും നടന്നാൽ കൂടുതൽ പണം ലാഭിക്കാൻ ട്രാവൽ ഇൻഷുറൻസ് പ്ലാനുകൾ സഹായകമാകും. യാത്രയ്ക്കുള്ള മിക്ക ഇൻഷുറൻസ് പ്ലാനുകളിൽ മെഡിക്കൽ ചെലവുകൾ, റദ്ദാക്കൽ ചെലവുകൾ, അടിയന്തിര സാമ്പത്തിക ആവശ്യങ്ങൾ, ഡിപ്പോർട്ടേഷൻ ചെലവുകൾ, മറ്റ് ചെലവുകൾ എന്നിവയ്ക്കുള്ള പരിരക്ഷ ലഭിക്കും. ചോദ്യം ഇതാണ്- നിങ്ങൾ ട്രാവൽ ഇൻഷുറൻസ് എത്ര മുൻകൂട്ടി വാങ്ങണം? അത് വാങ്ങാൻ പറ്റിയ സമയമുണ്ടോ? ടിക്കറ്റ് ബുക്ക് ചെയ്ത ശേഷം അത് വാങ്ങിയാൽ നിങ്ങൾക്ക് റീഇംബേഴ്സ്മെന്‍റ് ലഭിക്കുമോ? ഉത്തരങ്ങൾ കണ്ടെത്താൻ, വായിക്കുക!
നിങ്ങൾ എപ്പോഴാണ് ട്രാവൽ ഇൻഷുറൻസ് വാങ്ങേണ്ടത്?
സാധാരണയായി, ഫ്ലൈറ്റുകൾ, ഹോട്ടലുകൾ, മറ്റ് സ്ഥലങ്ങൾ എന്നിവ ബുക്ക് ചെയ്തതിന് ശേഷം എപ്പോഴെങ്കിലും ആണ് ആളുകൾ ട്രാവൽ ഇൻഷുറൻസ് വാങ്ങാറുള്ളത്. ചോദ്യം ഇതാണ് - എന്താണ് 'എപ്പോഴെങ്കിലും' എന്നതുകൊണ്ട് നിങ്ങൾ അർത്ഥമാക്കുന്നത്?
- നേരത്തെയുള്ള ബുക്കിംഗും ബുക്കിംഗ് തീയതിയും യാത്രാ തീയതിയും തമ്മിലുള്ള നീണ്ട അന്തരവും.
നിങ്ങൾ ബുക്ക് ചെയ്ത ദിവസവും നിങ്ങൾ യാത്ര ചെയ്യാൻ പുറപ്പെടുന്ന ദിവസവും തമ്മിലുള്ള അന്തരത്തെ ആശ്രയിച്ചിരിക്കും അതിനുള്ള ഉത്തരം. ഏതാനും മാസങ്ങൾക്ക് മുമ്പാണ് നിങ്ങൾ ട്രാവൽ ബുക്കിംഗ് നടത്തുന്നതെങ്കിൽ, നിങ്ങൾക്ക് കുറച്ച് സമയം കാത്തിരുന്ന് ട്രാവൽ ഇൻഷുറൻസ് ബുക്ക് ചെയ്യാം. നേരത്തെയുള്ള ബുക്കിംഗുകൾ കനത്ത പിഴകൾ ഈടാക്കാതെ നേരത്തെ തന്നെ റദ്ദു ചെയ്യുന്നതിന്‍റെ ആനുകൂല്യങ്ങൾ നൽകുന്നതിനാൽ ഇത് അർത്ഥവത്താണ്. അതിനാൽ, ഈ പ്രത്യേക സാഹചര്യത്തിൽ ഇൻഷുറൻസ് വേണമെന്നില്ല.
- വൈകിയുള്ള ബുക്കിംഗും ബുക്കിംഗ് തീയതിയും യാത്രാ തീയതിയും തമ്മിലുള്ള കുറഞ്ഞ അന്തരവും.
നമ്മളിൽ ഭൂരിഭാഗവും പേർ മാസങ്ങൾക്ക് മുമ്പ് ട്രാവൽ പ്ലാൻ ബുക്ക് ചെയ്യാറില്ല. നേരത്തെ തന്നെ യാത്രയ്ക്കുള്ള ആസൂത്രണം നടത്തിയേക്കാം, എന്നാൽ ബുക്ക് ചെയ്യുക പുറപ്പെടുന്ന തീയതിയോട് അടുപ്പിച്ചായിരിക്കും. ഈ സാഹചര്യത്തിൽ, ടിക്കറ്റുകളും താമസവും ബുക്ക് ചെയ്ത് ദിവസങ്ങൾക്കുള്ളിൽ ട്രാവൽ ഇൻഷുറൻസ് വാങ്ങുന്നതാണ് നല്ലത്. ഇങ്ങനെ ചെയ്തുകഴിഞ്ഞാൽ പുറപ്പെടുന്നതിന് മുമ്പുള്ള കവറേജിന്‍റെ ആനുകൂല്യങ്ങൾ നിങ്ങൾക്ക് ലഭിക്കും. ഇത് ഉചിതമാണ്
ട്രാവൽ ഇൻഷുറൻസ് താരതമ്യം ചെയ്യുക എന്നത്, കാരണം ആവശ്യമായ എല്ലാ ഉൾപ്പെടുത്തലുകളും അധിക ആനുകൂല്യങ്ങളും ഉള്ള മികച്ച പ്ലാനിൽ നിക്ഷേപിക്കാൻ ഇത് സഹായിക്കും. ട്രാവൽ ഇൻഷുറൻസ് പോളിസികളിൽ ട്രിപ്പ് ക്യാൻസലേഷൻ നിബന്ധനകളും ഉൾപ്പെടുന്നു. പോളിസി ഡോക്യുമെന്‍റുകളിൽ പറഞ്ഞിരിക്കുന്ന കാരണത്താൽ നിങ്ങളുടെ യാത്ര നിർഭാഗ്യവശാൽ റദ്ദാക്കപ്പെടുകയാണെങ്കിൽ, മതിയായ റീഇംബേഴ്സ്മെന്‍റ് ലഭിക്കുന്നതിനാൽ നിങ്ങൾക്ക് യാത്ര റദ്ദാക്കാവുന്നതാണ്. ഉത്തരം നിങ്ങൾ എത്ര തവണ യാത്ര ചെയ്യാൻ പ്ലാൻ ചെയ്യുന്നു എന്നതിനെയും ആശ്രയിച്ചിരിക്കും:
- ഒരു വർഷത്തിൽ ഒന്നിലധികം യാത്രകൾ നടത്താൻ പദ്ധതിയിടുന്ന ആളുകൾക്ക്, 90 ദിവസത്തേക്ക് പരിരക്ഷയുള്ള, ഒന്നിലധികം ട്രിപ്പുകൾ ഉൾപ്പെടുന്നതും ഒരു വർഷത്തേക്ക് നീട്ടാവുന്നതുമായിട്ടുള്ള പ്ലാൻ പരമാവധി ആനുകൂല്യം നൽകും.
- ഒരു വർഷത്തിൽ ഒന്നോ രണ്ടോ യാത്രകൾ മാത്രം നടത്തുന്ന ആളുകൾക്ക്, ഒരു യാത്ര ഉൾക്കൊള്ളുന്ന വ്യക്തിഗത ട്രാവൽ ഇൻഷുറൻസ് പ്ലാൻ മതിയാകും.
നിങ്ങൾ ട്രാവൽ ഇൻഷുറൻസ് നേരത്തെ വാങ്ങണോ?
നിങ്ങൾ ഒരു യാത്ര നടത്താൻ പ്ലാൻ ചെയ്യുകയാണെങ്കിൽ, ഇത് വാങ്ങണമോ എന്ന് നിങ്ങൾക്ക് തോന്നിയേക്കാം
ട്രാവൽ ഇൻഷുറൻസ്. മികച്ച രീതിയിൽ മനസ്സിലാക്കാൻ നിങ്ങളെ സഹായിക്കുന്നതിനുള്ള ഒരു ഉദാഹരണം ഇതാ:
പ്രിയങ്കയും ഭർത്താവ് മായങ്കും ഒരു വർഷമായി പ്രാഗിലേക്ക് ഒരു യാത്ര പ്ലാൻ ചെയ്യുകയായിരുന്നു. ഡിസംബർ അവസാനത്തോടെ ജോലിയിൽ നിന്ന് ബ്രേക്ക് എടുക്കാമെന്ന് തീരുമാനിക്കുകയും, യാത്രയ്ക്ക് ആവശ്യമായ തുക സേവ് ചെയ്യുകയും ചെയ്തു. മുൻകൈ എടുത്തത് പ്രിയങ്ക ആയതിനാൽ, സൈറ്റ് സീയിംഗ്, ഹോട്ടൽ, ഫ്ലൈറ്റ്, കൂടാതെ ക്യാബ് പോലും ബുക്ക് ചെയ്തത് പ്രിയങ്കയായിരുന്നു. പ്ലാനിംഗിൽ അവർ സന്തുഷ്ടയായിരുന്നു! പുറപ്പെടുന്ന തീയതി അടുത്തു വരുന്നതിനാൽ ട്രാവൽ ഇൻഷുറൻസ് എടുക്കാൻ മായങ്ക് അവരോട് പറഞ്ഞു. യാത്ര പോകുന്നത് സംബന്ധിച്ച് പ്രിയങ്കയ്ക്ക് ഉറപ്പുണ്ടായിരുന്നു, അതിനാൽ പുറപ്പെടുന്നതിന് ഏതാനും ദിവസങ്ങൾക്ക് മുൻപ് ഇൻഷുറൻസ് വാങ്ങാം എന്ന ധാരണയിലായിരുന്നു അവർ.
പോകുന്നതിന് രണ്ട് ദിവസം മുമ്പ്, പ്രിയങ്കയ്ക്ക് ഏറ്റവും വലിയ പ്രോജക്റ്റിൽ നിയമനം ലഭിച്ചു. ഫയലുകൾ ഡെസ്കിൽ എത്തി തുടങ്ങി, അവർക്ക് ആ അവസരം വേണ്ടെന്ന് വെയ്ക്കാൻ ആയില്ല. അവർ വീട്ടിലേക്ക് വന്നു, മായങ്ക് അവരുടെ പ്രൊഫഷണൽ പ്രതിബദ്ധതകളെ വളരെയധികം പിന്തുണയ്ക്കുന്ന ഒരാളായിരുന്നു. എന്നാൽ, അവർ എല്ലാ ബുക്കിംഗുകളും റദ്ദാക്കാൻ തുടങ്ങിയപ്പോൾ, എല്ലാത്തിനും സൗജന്യമായി റദ്ദാക്കാനുള്ള അവസാന തീയതി കഴിഞ്ഞതായി അവർ കണ്ടു. അവർക്ക് ആറക്ക സംഖ്യ പിഴയടക്കേണ്ടതായി വന്നു.
പ്രിയങ്കയ്ക്ക് ഈ ചെലവുകൾ ഒഴിവാക്കാൻ പറ്റിയ എന്തെങ്കിലും വഴിയുണ്ടായിരുന്നോ? ഉവ്വ്. അവർക്ക് ബുക്കിംഗ് നടത്തിയപ്പോൾ തന്നെ ട്രാവൽ ഇൻഷുറൻസ് വാങ്ങാമായിരുന്നു. നിരവധി ഇൻഷുറൻസ് പോളിസികൾ ട്രിപ്പ് റദ്ദാക്കുന്നതിനുള്ള ന്യായമായ കാരണങ്ങളായി തൊഴിൽ പ്രതിബദ്ധതകളെ കണ്ട് പരിരക്ഷ നൽകാറുണ്ട്.
പതിവ് ചോദ്യങ്ങള്‍
- ബുക്കിംഗിന് ശേഷം നിങ്ങൾക്ക് ട്രാവൽ ഇൻഷുറൻസ് വാങ്ങാൻ കഴിയുമോ?
ഉവ്വ്. മിക്ക സാഹചര്യങ്ങളിലും, ബുക്കിംഗുകൾ നടത്തിയ ശേഷമാണ് ട്രാവൽ ഇൻഷുറൻസ് വാങ്ങുക. ഇത് നിങ്ങൾക്ക് ആവശ്യമായ കവറേജിന്‍റെ വ്യാപ്തിയെക്കുറിച്ചും നിങ്ങളുടെ പോളിസിയിൽ ഉൾപ്പെടുത്തേണ്ട ആഡ്-ഓണുകളെക്കുറിച്ചും വ്യക്തമായ ധാരണ നൽകും.
- ബുക്കിംഗിന് ശേഷം നിങ്ങൾക്ക് ട്രിപ്പ് കാൻസലേഷൻ ഇൻഷുറൻസ് ലഭിക്കുമോ?
ഉവ്വ്. നിങ്ങളുടെ പോളിസി പ്രകാരം റദ്ദാക്കാനുള്ള കാരണം സ്വീകാര്യമാണെങ്കിൽ, അതിനുള്ള നടപടിയെടുക്കും. ട്രാവൽ ഇൻഷുറൻസ് പ്ലാനിന് നിങ്ങളുടെ യാത്രയെ എങ്ങനെ സേവ് ചെയ്യാൻ കഴിയും എന്നതിനെക്കുറിച്ച് കൂടുതലറിയാൻ, ബജാജ് അലയൻസ് ബ്ലോഗുകൾ കാണുക.
സർവ്വീസ് ചാറ്റ്: 
ഒരു മറുപടി നൽകുക