એક એવું નામ જે આધુનિકતા સાથે સંકળાયેલ છે, ગ્રાહકો જ્યારે આધુનિક કાર ઈચ્છતા હોય, પછી તે હૅચબૅક, સેડાન અથવા એસયુવી હોય, ત્યારે હ્યુન્ડાઈ ને પસંદ કરે એ કોઈ આશ્ચર્યની બાબત નથી. દક્ષિણ કોરિયાની આ ઉત્પાદક કંપની ભારતના લોકોની લોકપ્રિય પસંદગીઓમાંથી એક છે અને સંભવિત ખરીદદારો માટે વિવિધ શ્રેણીની કાર ધરાવે છે.

જો તમે હ્યુન્ડાઈ કાર ખરીદવાનું વિચારતા હોવ, અથવા પહેલેથી જ તમારી પાસે હોય, તો તમે તમારી માલિકીની કારને બને તેટલી શ્રેષ્ઠ સ્થિતિમાં રાખવા માટે બધું કરતા હશો. જો આવું હોય, તો તમારે કોમ્પ્રિહેન્સિવ ફોર-વ્હીલર ઇન્શ્યોરન્સને પણ ધ્યાનમાં લેવું જોઈએ. આ કાર ઇન્શ્યોરન્સનો એક પ્રકાર છે જે તમને થર્ડ-પાર્ટી લાયબિલિટી કવરેજ સાથે ઓન ડેમેજ, ઝીરો ડેપ્રિશિયેશન, પર્સનલ એક્સિડેન્ટ અને તેના જેવા અન્ય વિવિધ કવરેજ ઑફર કરશે.    

ચાલો, તમારી નવી હ્યુન્ડાઈ કાર માટે ઑનલાઇન કાર ઇન્શ્યોરન્સ ખરીદવાના લાભો વિશે જાણીએ:

દરેક જગ્યાએથી ખરીદીની સુવિધા

તમારી કાર માટે ઑનલાઇન મોટર ઇન્શ્યોરન્સ ખરીદવાની સુવિધા છે, જેથી તમે કોઈપણ લોકેશનથી તમારા મોબાઇલ અથવા કમ્પ્યુટરનો ઉપયોગ કરીને ખરીદી કરી શકો છો. તમારે પૉલિસી ખરીદવા માટે માત્ર ઇન્શ્યોરરની વેબસાઇટની મુલાકાત લઈને અથવા તેમની એપનો ઉપયોગ કરીને થોડા સરળ પગલાંને અનુસરવાના રહેશે.

ખરીદી પર પૈસા બચાવો

તમે કાર ઇન્શ્યોરન્સ ઑનલાઇન , ખરીદીને ખર્ચમાં બચતનો લાભ લઈ શકો છો. તમે કોઈપણ મધ્યસ્થી એજન્ટ વગર સીધા ઇન્શ્યોરર પાસેથી પૉલિસી ખરીદી રહ્યા છો, તેથી ઑફલાઇન ખરીદીની તુલનામાં તમારી હ્યુન્ડાઈ કાર ઇન્શ્યોરન્સની કિંમત નોંધપાત્ર રીતે ઓછી હશે. તમારી આ ખરીદી માટે પણ કોઈ અતિરિક્ત શુલ્ક લેવામાં આવશે નહીં.

ત્વરિત પૉલિસી રિન્યુઅલ

જો તમારી ઇન્શ્યોરન્સ પૉલિસીની સમાપ્તિની તારીખ નજીક હોય, તો તમે તેને સરળતાથી તમારા ઇન્શ્યોરરની વેબસાઇટ પર ઑનલાઇન રિન્યુ કરી શકો છો. માત્ર થોડા સરળ પગલાં સાથે, તમે તમારી પૉલિસીને રિન્યુ કરી શકો છો, અને શ્રેષ્ઠ બાબત એ છે કે રિન્યુઅલ દરમિયાન તમારી હ્યુન્ડાઈ ઇન્શ્યોરન્સની કિંમત બદલાશે નહીં.

તમારી હ્યુન્ડાઈ કાર માટે કાર ઇન્શ્યોરન્સ ખરીદતી વખતે, તમારી પાસે પસંદ કરવા માટે બે વિકલ્પો છે:

જ્યારે તમે ખરીદો છો એક હ્યુન્ડાઈ કોમ્પ્રિહેન્સિવ કાર ઇન્શ્યોરન્સ , ત્યારે તમારી પાસે નીચેના ઍડ-ઑન ઉમેરવાનો વિકલ્પ હોય છે:

ઝીરો ડેપ્રિશિયેશન કવર

આ ઍડ-ઑન સાથે, ઇન્શ્યોરર તમને તમારી કારના ઘસારા બાદના મૂલ્યને ધ્યાનમાં લીધા વિના તમારા ક્લેઇમ માટે મહત્તમ મૂલ્યનું વળતર આપે છે.

ઇમરજન્સી રોડસાઇડ આસિસ્ટન્સ

જો ડ્રાઇવિંગ કરતી વખતે તમારી કાર બ્રેકડાઉન થાય, તો આ ઍડ-ઑન તમારા ઇન્શ્યોરર તરફથી ઇમરજન્સી સર્વિસ પ્રદાન કરે છે.

કી અને લૉક રિપ્લેસમેન્ટ કવર

જો તમારાથી અકસ્માતે તમારી ચાવી (કી) ખોવાઈ જાય, તો તમારા ઇન્શ્યોરર જ્યાં સુધી તમને આ ઍડ-ઑન હેઠળ તમારા ડીલર પાસેથી નવી ચાવી ના મળે, ત્યાં સુધી તમને ઉપયોગ કરવા માટે હંગામી ચાવી પ્રદાન કરશે.

એન્જિન પ્રોટેક્શન કવર

આ ઍડ-ઑન તમારી કારના એન્જિનની યોગ્ય કામગીરીને અસર કરી શકે તેવી સમસ્યાઓ સામે કવરેજ પ્રદાન કરે છે.

હ્યુન્ડાઈ કાર ઇન્શ્યોરન્સ ઑનલાઇન ખરીદવા માટે, તમે આ પગલાંને અનુસરી શકો છો:

1. તમારા ઇન્શ્યોરરની વેબસાઇટની મુલાકાત લો.
2. તમારી કારની વિગતો અને તમારું નિવાસનું શહેર દાખલ કરો.
3. તમારી જરૂરિયાતોની પૂર્તિ કરતો ઇન્શ્યોરન્સ પ્લાન પસંદ કરો.
4. તમે પસંદ કરેલી પૉલિસીના પ્રકારના આધારે તમને ક્વોટેશન આપવામાં આવશે.
5. જો તમે કોમ્પ્રિહેન્સિવ કાર ઇન્શ્યોરન્સ પસંદ કરો છો, તો તમે તેને ઍડ-ઑન સાથે કસ્ટમાઇઝ કરી શકો છો. ધ્યાનમાં રાખો કે ઍડ-ઑન ઉમેરવાથી પૉલિસીની કિંમતમાં વધારો થશે.
6. વેબસાઇટ પર તમારી પૉલિસીની ઑનલાઇન ચુકવણી કરો.

આ સરળ પગલાંઓને અનુસરીને, તમે સરળતાથી તમારી પૉલિસી ખરીદી શકો છો. ખરીદી કરતા પહેલાં, તમે જે પૉલિસી ખરીદવા માંગો છો તેની અંદાજિત કિંમત મેળવવા માટે તમે કાર ઇન્શ્યોરન્સ કૅલ્ક્યૂલેટરનો પણ ઉપયોગ કરી શકો છો.

તમારી હ્યુન્ડાઈ કાર ઇન્શ્યોરન્સ પૉલિસીને ઑનલાઇન રિન્યુ કરવા માટે, તમે નીચે જણાવેલ પગલાં અનુસરી શકો છો:

• તમારા ઇન્શ્યોરન્સ પ્રદાતાની વેબસાઇટ પર જાઓ.
• તમારી કારની વિગતો, વર્તમાન પૉલિસીની વિગતો અને પાછલી પૉલિસીની મુદત દરમિયાન કરેલા કોઈપણ ક્લેઇમ જેવી જરૂરી વિગતો દાખલ કરો.
• તમે દાખલ કરેલી વિગતોના આધારે તમને ક્વોટેશન પ્રાપ્ત થશે.
• તમે ઍડ-ઑન પસંદ કરીને અથવા કવરેજ વિકલ્પો બદલીને તમારી પૉલિસીને કસ્ટમાઇઝ કરી શકો છો.
• તમારી પૉલિસીને રિવ્યૂ કરીને અંતિમ રૂપ આપ્યા પછી, વેબસાઇટ પર ઑનલાઇન રિન્યુઅલ માટે ચુકવણી કરો.
• એકવાર ચુકવણી કન્ફર્મ થઈ જાય પછી, તમારી પૉલિસીને રિન્યુ કરવામાં આવશે, અને તમને ઇમેઇલ અથવા એસએમએસ દ્વારા કન્ફર્મેશન પ્રાપ્ત થશે.

તમારી કાર ઇન્શ્યોરન્સ પૉલિસીને સમાપ્ત થાય તે પહેલાં રિન્યુ કરવી જરૂરી છે, જેથી કોઈપણ દુર્ભાગ્યપૂર્ણ ઘટનાના કિસ્સામાં તમને હંમેશા કવરેજ મળતું રહે. ઑનલાઇન રિન્યુઅલ સાથે, આ પ્રક્રિયા ઝડપી, સુવિધાજનક અને ઝંઝટ-મુક્ત છે.

કાર ઇન્શ્યોરન્સ ક્લેઇમ બે પ્રકારના હોઈ શકે છે: કૅશલેસ ક્લેઇમ અને રિઇમ્બર્સમેન્ટ ક્લેઇમ.

કૅશલેસ ક્લેઇમ:

કૅશલેસ ક્લેઇમ ફાઇલ કરવા માટે, તમારે આ પગલાંઓને અનુસરવાની જરૂર છે:

• અકસ્માતની જાણ કરવા માટે તમારા ઇન્શ્યોરરનો તેમની વેબસાઇટ, એપ અથવા હેલ્પલાઇન નંબર દ્વારા સંપર્ક કરો.
• જો આવશ્યક હોય તો એફઆઇઆર નોંધાવો.
• થયેલા નુકસાન સંબંધિત તમામ જરૂરી ડૉક્યૂમેન્ટ અને પુરાવાઓ સબમિટ કરો.
• ઇન્શ્યોરર દ્વારા નિમણૂક કરેલ સર્વેક્ષક દ્વારા તમારા વાહનનું સર્વેક્ષણ કરાવો.
• તમારી કારને કોઈ નેટવર્ક ગેરેજમાં રિપેર કરાવો, જ્યાં ઇન્શ્યોરર સીધી ગેરેજને ચુકવણી કરશે.

રિઇમ્બર્સમેન્ટ ક્લેઇમ:

રિઇમ્બર્સમેન્ટ ક્લેઇમ માટેના પગલાં કૅશલેસ ક્લેઇમની જેમ જ છે, જેમાં એકમાત્ર તફાવત એ છે કે તમે રિપેર માટે તમારી પસંદગીના ગેરેજ પર જઈ શકો છો. તમે રિપેર માટે ચુકવણી કર્યા પછી, ઇન્શ્યોરર તમને થયેલા ખર્ચની ભરપાઈ કરશે.