રિસ્પેક્ટ સિનિયર કેર રાઇડર: 9152007550 (મિસ્ડ કૉલ)

સેલ્સ: 1800-209-0144 સર્વિસ ચૅટ: +91 75072 45858

અંગ્રેજી

Claim Assistance
Get In Touch
Relevance of Health Insurance Riders
29 નવેમ્બર, 2022

તમારે જાણવા જેવા 05 હેલ્થ ઇન્શ્યોરન્સ રાઇડર

હેલ્થ કેરના વધી રહેલા ખર્ચને કારણે, આજે હેલ્થ ઇન્શ્યોરન્સ પૉલિસી હોવી આવશ્યક છે. મેડિકલ ઇન્શ્યોરન્સ હૉસ્પિટલાઇઝેશનના કિસ્સામાં થયેલા તબીબી ખર્ચ માટે કવર પ્રદાન કરે છે. તમારી જરૂરિયાતો અનુસારનો હેલ્થ ઇન્શ્યોરન્સ પ્લાન પસંદ કરવાની ભલામણ કરવામાં આવે છે. પર્યાપ્ત હેલ્થ ઇન્શ્યોરન્સ કવરેજ સુનિશ્ચિત કરવા માટે, બેઝ પ્લાનમાં હેલ્થ ઇન્શ્યોરન્સ રાઇડરને ઉમેરીને પ્લાનને કસ્ટમાઇઝ કરો. હેલ્થ ઇન્શ્યોરન્સ રાઇડર... હા, તમે બરાબર વાંચ્યું! અલગ અલગ હેલ્થ ઇન્શ્યોરન્સના પ્રકારો રાઇડર ઉપલબ્ધ છે. આ લેખમાં હેલ્થ ઇન્શ્યોરન્સ પ્લાનના કેટલાક રાઇડર વિશે ચર્ચા કરવામાં આવેલ છે. પરંતુ, થોભો! કોમ્પ્રિહેન્સિવ હેલ્થ ઇન્શ્યોરન્સ રાઇડરના સૌથી મહત્વપૂર્ણ પાસાઓ વિશે જાણતાં પહેલાં આપણે પાયાની બાબતોથી શરૂઆત કરીએ.

રાઇડર એટલે શું?

સરળ શબ્દોમાં કહીએ તો, રાઇડર એ ઇન્શ્યોરન્સ પૉલિસી સાથે ઉમેરવામાં આવેલ સુવિધા છે. જ્યારે ઇન્શ્યોરન્સ પ્લાનમાં રાઇડર ઉમેરવામાં આવે છે, ત્યારે તમે કૉસ્ટ-ઇફેક્ટિવ પ્રીમિયમ ચુકવીને વધારાના લાભો મેળવી શકો છો. તમારી મૂળ ઇન્શ્યોરન્સ પૉલિસીમાં રાઇડર ઉમેરવાથી તમારો પ્લાન વધુ વ્યાપક બને છે. તેથી, જ્યારે તમે હેલ્થ ઇન્શ્યોરન્સ પૉલિસી માં રાઇડર ઉમેરો છો, ત્યારે તે વધુ લાભદાયક બને છે. હેલ્થ ઇન્શ્યોરન્સ પ્રીમિયમ ઉંમર, જાતિ, પ્લાનનો પ્રકાર, પૉલિસીની મુદત અને તેવા અન્ય વિવિધ પરિબળો પર આધારિત છે. હવે રાઇડરની આટલી સમજણ મેળવ્યા બાદ, ચાલો આપણે ઉપલબ્ધ વિવિધ રાઇડર વિશે વધુ માહિતી મેળવીએ.

હેલ્થ ઇન્શ્યોરન્સ રાઇડર શા માટે?

દરેક વ્યક્તિને અલગ-અલગ પ્રકારના હેલ્થ ઇન્શ્યોરન્સની જરૂર હોય છે. તેથી, હંમેશા પ્લાનને કસ્ટમાઇઝ કરવાની ભલામણ કરવામાં આવે છે. હેલ્થ ઇન્શ્યોરન્સ રાઇડર ઉમેરવાથી હૉસ્પિટલાઇઝેશન દરમિયાન થતા તબીબી ખર્ચને આવરી લેવાની સાથે સાથે કોઈપણ અણધારી ઘટના સામે આર્થિક સુરક્ષા પણ પ્રાપ્ત થાય છે. આપણે બધા જાણીએ છીએ કે કોઈ ઘટના જાણ કરીને બનતી નથી. પાછળથી પસ્તાવા કરતાં શું પહેલેથી તૈયાર રહેવું વધુ સારું નથી?

ભારતમાં હેલ્થ ઇન્શ્યોરન્સ પૉલિસી સાથે રાઇડરના 05 વિકલ્પો ઉપલબ્ધ છે

અમે કેટલાક મુખ્ય રાઇડરને સૂચિબદ્ધ કર્યા છે જે તમે હેલ્થ ઇન્શ્યોરન્સ પૉલિસીમાં ઉમેરવાનું વિચારી શકો છો:

1. હૉસ્પિટલ કૅશ રાઇડર

હૉસ્પિટલાઇઝેશનના કિસ્સામાં, ઇન્શ્યોરન્સ લેનારને જેટલા દિવસ હૉસ્પિટલમાં દાખલ કરવામાં આવેલ હોય તેટલા દિવસો માટે ચુકવણી કરવામાં આવશે. રકમ દરેક પ્લાન દીઠ અલગ હશે. તે હૉસ્પિટલમાં દાખલ રહેવાના સમય દરમિયાન આવકના થયેલ નુકસાન માટે વળતર ભથ્થાં તરીકે કાર્ય કરે છે. આ લાભ માત્ર ત્યારે જ મળી શકે છે જ્યારે હૉસ્પિટલાઇઝેશન ઓછામાં ઓછા 24 કલાક માટે થયેલ હોય. તે માટે ઇન્શ્યોરર સાથે ખાતરી કરો.

2. ક્રિટિકલ ઇલનેસ રાઇડર

હેલ્થ ઇન્શ્યોરન્સ પૉલિસી ખરીદતી વખતે, તેમાં કવર કરવામાં આવતી ગંભીર બીમારીઓ વિશે માહિતી મેળવો. કેટલાક રોગો કવર કરી લેવામાં આવ્યા હોવાની સંભાવના રહેલી છે. જો કે, તમે મૂળ પ્લાનમાં ક્રિટિકલ રાઇડર બેનિફિટ ઉમેરી શકો છો. આજની બેઠાડું જીવનશૈલીને કારણે વધુ રોગો થવાની શક્યતાઓ રહેલી છે. જો પૉલિસીધારકને પૉલિસી શેડ્યૂલમાં જણાવવામાં આવેલ ગંભીર બીમારીઓમાંથી કોઈ બીમારી હોવાનું નિદાન કરવામાં આવે છે, તો આ રાઇડર ઉપયોગી નિવડે છે. જ્યારે હેલ્થ ઇન્શ્યોરન્સ પ્લાન ખરીદવાની વાત આવે છે, ત્યારે હેલ્થ કેરની જરૂરિયાતોનું વિશ્લેષણ કર્યા બાદ સમજદારીપૂર્વક નિર્ણય લેવો જરૂરી છે. જો તમને ખ્યાલ ન હોય, તો બજારમાં અલગ અલગ રોગ માટેના હેલ્થ ઇન્શ્યોરન્સ પ્લાન ઉપલબ્ધ છે.

3. મેટરનિટી કવર રાઇડર

એવી હેલ્થ ઇન્શ્યોરન્સ પૉલિસીઓ હોય છે જેમાં સામાન્ય રીતે પ્રસૂતિ કવર આપવામાં આવતું નથી. હેલ્થ પૉલિસીમાં મેટરનિટી કવર ઉમેરવાનો અર્થ એ છે કે બાળજન્મની પ્રક્રિયા દરમિયાન થયેલા ખર્ચને કવર કરી લેવામાં આવશે. આ હેલ્થ ઇન્શ્યોરન્સ કવરેજમાં મુખ્યત્વે ડિલિવરીનો ખર્ચ શામેલ હોય છે, અને તેમ છતાં ડિલિવરી પહેલાના અને પછીના ખર્ચને આવરી લેવામાં આવેલ હોતા નથી. ઉપરાંત, વેક્સિનેશનનો ખર્ચ કવર કરવામાં આવે છે કે નહીં તેની હેલ્થ ઇન્શ્યોરન્સ કંપનીમાં તપાસ કરો. સામાન્ય રીતે, પ્રતીક્ષા અવધિ પૂરી થયા પછી આવા રાઇડરનો લાભ લઈ શકાય છે. પ્રત્યેક ઇન્શ્યોરર દ્વારા અલગ અલગ પ્રતીક્ષા અવધિ નિર્ધારીત કરવામાં આવી શકે છે.

4. એક્સિડેન્ટ ડિસેબિલિટી રાઇડર

જો કોઈ અકસ્માત/દુર્ઘટનાને કારણે પૉલિસીધારક અપંગ બને છે, તો ઇન્શ્યોરર દ્વારા આંશિક અથવા પૂરેપૂરી વીમાકૃત રકમ ચુકવવામાં આવે છે. રકમ ઈજાની ગંભીરતા પ્રમાણે નિર્ધારીત કરવામાં આવે છે. જો કોઈ પૉલિસીધારક કાયમી વિકલાંગતાનો ભોગ બને છે, જેમ કે બંને આંખોની દ્રષ્ટિ જતી રહેવી, એક હાથ કે પગ અને એક આંખ ગુમાવવી, હાથ અને/અથવા પગમાંથી કોઈ પણ બે અંગ ગુમાવવા અને કામ કરવામાં અસમર્થ હોવું. ઇન્શ્યોરર દ્વાર સંપૂર્ણ વીમાકૃત રકમ ચુકવવામાં આવે છે. આંશિક વિકલાંગતાના કિસ્સામાં, ઈજાની પ્રકૃતિના આધારે ઇન્શ્યોરર દ્વારા વીમાકૃત રકમમાંથી એક ભાગ ચૂકવવામાં આવશે. ઉદાહરણ તરીકે, જો પૉલિસીધારક એક હાથ કે પગ અથવા આંખ ગુમાવે છે, તો તેમને વીમાકૃત રકમના 50% પ્રાપ્ત થશે. સાંભળવાની તકલીફ થવાના કિસ્સામાં, વીમાકૃત રકમના 15% પ્રાપ્ત થશે. *નિયમો અને શરતો લાગુ

5. રૂમના ભાડાની માફી

જો કોઈ વ્યક્તિ કોઈપણ મર્યાદા અથવા સબ-લિમિટ ઇચ્છતા નથી, તો તેમણે ઇન્શ્યોરન્સ પૉલિસીમાં આ રાઇડરને પસંદ કરવું જોઈએ. સામાન્ય રીતે, હેલ્થ ઇન્શ્યોરન્સ પૉલિસીમાં સેમી-પ્રાઇવેટ રૂમ વગેરે પ્રકારના રૂમ માટે નિર્ધારિત રકમ હોય છે. રૂમ ભાડાની માફીને કારણે ઇન્શ્યોર્ડ વ્યક્તિ કોઈપણ અતિરિક્ત શુલ્ક ચૂકવ્યા વિના હૉસ્પિટલ રૂમનો ઉપયોગ કરી શકે છે. ડિસ્ક્લેમર: પ્રત્યેક ઇન્શ્યોરરના નિયમો અને શરતો અલગ અલગ હોઇ શકે છે.

સંક્ષિપ્તમાં

રાઇડરને કારણે હેલ્થ ઇન્શ્યોરન્સ પૉલિસી વધુ વ્યાપક અને સુરક્ષિત બને છે. હેલ્થ ઇન્શ્યોરન્સ પૉલિસીમાં રાઇડર હોવાથી તે વધુ કૉસ્ટ-ઇફેક્ટિવ સાબિત થયેલ છે. પરંતુ તે સાથે એ સમજવું પણ જરૂરી છે કે તમારે દરેક હેલ્થ ઇન્શ્યોરન્સ રાઇડરની જરૂર હોતી નથી. પસંદ કરો હેલ્થ ઇન્શ્યોરન્સ જરૂરિયાત મુજબ રાઇડર. કૉસ્ટ-ઇફેક્ટિવ હેલ્થ ઇન્શ્યોરન્સ પ્રીમિયમ ચુકવીને સારવાર અને વધુ સારું કવરેજ મેળવો.

શું આ લેખ ઉપયોગી હતો? તેને રેટિંગ આપો

સરેરાશ રેટિંગ 1 / 5. વોટની સંખ્યા: 635

હજુ સુધી કોઈ વોટ મળેલ નથી! આ પોસ્ટને સૌ પ્રથમ રેટિંગ તમે આપો.

શું આ લેખ પસંદ આવ્યો?? તેને તમારા મિત્રો સાથે શેર કરો!

તમારા વિચારો શેર કરો. નીચે કોમેન્ટ લખો!

જવાબ આપો

તમારું ઇમેઇલ ઍડ્રેસ પ્રકાશિત કરવામાં આવશે નહીં. તમામ ફિલ્ડ ભરવા જરૂરી છે