મેટરનિટી હેલ્થ ઇન્શ્યોરન્સ - સંપૂર્ણ માર્ગદર્શિકા

જ્યારે નવું જીવન આપવાની વાત આવે છે, ત્યારે માતા-પિતા બનવું વિશેષ અનુભવોમાંથી એક છે, ખાસ કરીને મહિલાઓ માટે. ગર્ભાવસ્થા દરમિયાન, મહિલાના શરીરમાં શારીરિક અને હોર્મોનલ બંને રીતે એક સાથે ઘણા બદલાવ થાય છે. આ ફેરફારોની અસર આજીવન રહે છે અને આમ શરૂઆતથી કાળજી લેવી જરૂરી છે. જો કે, ગમે તેટલી સાવચેતી રાખો, તબીબી જટિલતાઓ માટે થોડો અવકાશ હોય છે. આ અણધારી પરિસ્થિતિઓ છે, પરંતુ તેનો અર્થ એ નથી કે કોઈપણ તેમને નિયંત્રિત કરવા માટે તૈયાર રહી શકતું નથી. મેટરનિટી કવર સાથેનો હેલ્થ ઇન્શ્યોરન્સ ખાસ કરીને માતા તેમજ તેમના બાળક બંને સાથે સંકળાયેલા તબીબી ખર્ચને મેનેજ કરવા માટે ડિઝાઇન કરવામાં આવેલ છે. આ સમય દરમિયાન પૈસાની વ્યવસ્થા કરવાની ચિંતા ન હોવી જોઈએ, પરંતુ તેના બદલે જરૂરી તબીબી માવજત પર ધ્યાન અપાવું જોઈએ.

મેટરનિટી હેલ્થ ઇન્શ્યોરન્સ શું છે તે સમજવાથી શરૂ કરીએ

મેટરનિટી કવર સાથેનો હેલ્થ ઇન્શ્યોરન્સ એ પૉલિસીધારકને ગર્ભાવસ્થા અને બાળજન્મ સંબંધિત તબીબી ખર્ચમાં સહાય કરે છે. મેટરનિટી હેલ્થ ઇન્શ્યોરન્સ પ્લાન દ્વારા માત્ર બાળજન્મનો ખર્ચ જ નહીં, પરંતુ ધ્યાન આપવાની જરૂર હોય તેવી કોઈપણ જટિલતાઓ પણ કવર કરી લેવામાં આવે છે.

મેટરનિટી હેલ્થ કવરની જરૂરિયાત શું છે?

આજે તબીબી ફુગાવાના દરને લીધે મહેનતથી કમાયેલી બચતમાંથી બાળજન્મના ખર્ચ સહિત સારવારના ખર્ચને મેનેજ કરવામાં પડકાર ઊભો થયો છે. સામાન્ય પ્રસૂતિ અથવા સી-સેક્શન પ્રક્રિયામાં ₹60,000 થી ₹2,00,000 ની રેન્જમાં ખર્ચ થઈ શકે છે. મેટરનિટી કવર સાથેનો હેલ્થ ઇન્શ્યોરન્સ ખરીદવાથી, બાળજન્મનો આ મસમોટો ખર્ચ ઇન્શ્યોરન્સ કંપની દ્વારા ઉઠાવવામાં આવે છે, જેમાં માતા અને બાળકને પર્યાપ્ત કાળજી મળે એ સુનિશ્ચિત થાય છે.

મેટરનિટી હેલ્થ ઇન્શ્યોરન્સ માતા અને બાળકના સ્વાસ્થ્યને કેવી રીતે સુરક્ષિત કરે છે?

મેટરનિટી હેલ્થ ઇન્શ્યોરન્સ પ્લાન નીચેના સૂચિબદ્ધ લાભો ઑફર કરે છે –

• પ્રસૂતિ પહેલાં તેમજ પછીની કાળજી

માતા અને બાળક બંને સકારાત્મક પ્રગતિ કરી રહ્યા છે તેની ખાતરી કરવા માટે, સગર્ભા મહિલાને ડૉક્ટરની વારંવાર મુલાકાતો અને આરોગ્ય તપાસની જરૂર પડે છે. કેટલાક કિસ્સાઓમાં, પોષણની જરૂરિયાતને ટેકો આપવા માટે માતાઓને કેટલીક દવાઓનો ઉપયોગ કરવાની સલાહ આપવામાં આવે છે. મેટરનિટી હેલ્થ ઇન્શ્યોરન્સ પૉલિસી સાથે, આ હૉસ્પિટલની મુલાકાતો તેમજ જરૂરી તબીબી ખર્ચ ઇન્શ્યોરન્સ કંપનીના કવરેજમાં શામેલ છે. સામાન્ય રીતે, પસંદ કરેલ કવરેજના આધારે ડિલિવરી પહેલાંના 30 દિવસ અને ડિલિવરી પછીના 30-60 દિવસના ખર્ચનો સમાવેશ થાય છે.

• ડિલિવરી માટે કવરેજ

મેટરનિટી હેલ્થ ઇન્શ્યોરન્સ પ્લાનમાં બાળજન્મ સાથે સંકળાયેલ ખર્ચ, ભલે તે સામાન્ય ડિલિવરી હોય અથવા સિઝેરિયન પ્રક્રિયા હોય, બંનેને ઇન્શ્યોરન્સ કંપનીના સ્કોપ હેઠળ કવર કરી લેવામાં આવે છે. તેમાં મેડિકલ નિષ્ણાંતો અને વિશેષ ઉપકરણો અને સાધનોની જરૂર પડતી હોવાથી, તેનો ખર્ચ વધુ હોય છે.

• નવજાત શિશુ માટે ઇન્શ્યોરન્સ કવર

નવજાત બાળકોએ સામનો કરવો પડતી હોય તેવી કોઈપણ જન્મજાત સ્થિતિઓને મેટરનિટી હેલ્થ ઇન્શ્યોરન્સ પૉલિસીઓ કવર કરે છે. કોઈપણ વિશેષ સંભાળની સ્થિતિમાં, જન્મથી 90 દિવસ સુધીનો ખર્ચ કવર કરવામાં આવે છે. આ બાબત પૉલિસી ખરીદતી વખતે પસંદ કરેલ કવર પર પણ આધારિત છે.

• વેક્સિનેશન કવરેજ

છેલ્લે, કેટલીક મેટરનિટી ઇન્શ્યોરન્સ પૉલિસીઓ વેક્સિનેશન સાથે સંકળાયેલા ખર્ચને પણ કવર કરે છે. આ હેલ્થ ઇન્શ્યોરન્સ પૉલિસીની શરતોના આધારે, પોલિયો, ઓરી, ધનુર, ઉટાંટિયું, હેપેટાઇટિસ, ડિફ્થેરિયા અને અન્ય માટેના ઇમ્યુનાઇઝેશન ખર્ચ જન્મ પછી 1 વર્ષ સુધી કવર કરી લેવામાં આવે છે. આ કેટલાક લાભો છે જે મેટરનિટી હેલ્થ ઇન્શ્યોરન્સ પ્લાનમાં કવર કરવામાં આવે છે. જો કે, તે ખરીદતી વખતે, વેટિંગ પિરિયડને ધ્યાનમાં રાખો જે 2 વર્ષથી 4 વર્ષનો હોઈ શકે છે. કેટલાક ઇન્શ્યોરન્સ પ્રદાતાઓનો વેટિંગ પિરિયડ ટૂંકો હોય છે, પરંતુ પ્રીમિયમ થોડું વધુ હોય છે. વધુમાં, આ મેટરનિટી હેલ્થ પ્લાનને એક સ્ટેન્ડઅલોન પૉલિસી તરીકે અથવા ઍડ-ઑન તરીકે ખરીદી શકાય છે, જ્યારે તમારી પાસે હોય એક ફેમિલી હેલ્થ ઇન્શ્યોરન્સ પૉલિસી. તેથી, સગર્ભા માતા તેમજ આવનાર બાળકના સ્વાસ્થ્યને સુરક્ષિત કરવા માટે વહેલી તકે તે પસંદ કરવાની સલાહ આપવામાં આવે છે. ઇન્શ્યોરન્સ એ વિનંતીનો વિષય છે. લાભો, બાકાત, મર્યાદાઓ, નિયમો અને શરતો વિશે વધુ વિગતો માટે, કૃપા કરીને વેચાણ પૂર્ણ કરતા પહેલાં સેલ બ્રોશર/પૉલિસી નિયમાવલીને કાળજીપૂર્વક વાંચો.