హెల్త్ ఇన్సూరెన్స్‌లో కోపే అంటే ఏమిటి

డబ్ల్యూ‌హెచ్‌ఒ ప్రకారం, దాదాపు 70% భారతీయులు వారి ఆదాయంలో ఎక్కువ భాగాన్ని ఆరోగ్య సంరక్షణ మరియు మందుల ఖర్చులపై ఖర్చు చేస్తారు. ఈ రోజుల్లో మధ్య ఆదాయం మరియు దిగువ-మధ్య-ఆదాయ వర్గాల వారు వారి ఆరోగ్య సంరక్షణ ఖర్చులను స్వయంగా భరించడం దాదాపు అసాధ్యంగా మారింది. అందుకే ప్రమాదం లేదా ఏదైనా ఇతర వైద్యపరమైన అత్యవసర పరిస్థితుల్లో ఆర్థిక సహాయం పొందేందుకు, ప్రజలు వారి అంగీకరించిన ప్రీమియంలను చెల్లించడం ద్వారా హెల్త్ ఇన్సూరెన్స్ ‌ను పొందడం అవసరం. సరైన పాలసీని ఎంచుకోవడానికి హెల్త్ ఇన్సూరెన్స్‌లో కోపే అంటే ఏమిటి అని అర్థం చేసుకోవడం ముఖ్యం.

హెల్త్ ఇన్సూరెన్స్‌లో కోపే అంటే ఏమిటి?

ఈ రోజుల్లో, హెల్త్ ఇన్సూరెన్స్‌కు సంబంధించి అనేక మోసపూరిత కార్యకలాపాలు జరుగుతున్నాయి. అలాంటి మోసాల నుండి ఇన్సూర్ చేయబడిన వ్యక్తిని కాపాడడానికి ఇన్సూరెన్స్ కంపెనీలు కోపే భావనతో ముందుకు వచ్చాయి. కోపే అర్థం వివరించడానికి చాలా సులభం. కోపే అనేది ఇన్సూరెన్స్ కాంట్రాక్ట్ పై సంతకం చేసేటప్పుడు అంగీకరించబడే ఒక భావన. ఇన్సూర్ చేయబడిన వ్యక్తి తన స్వంతంగా క్లెయిమ్ మొత్తంలో కొంత భాగాన్ని లేదా శాతాన్ని భరించాల్సి ఉంటుందని ఈ నిబంధన పేర్కొంటుంది మరియు మిగిలిన క్లెయిమ్‌ను ఇన్సూరెన్స్ కంపెనీ భరిస్తుంది. ఇన్సూర్ చేయబడిన వ్యక్తి అంగీకరించే కోపే శాతం 10-30% నుండి మారుతుంది.

ఉదాహరణతో హెల్త్ ఇన్సూరెన్స్‌లో కోపే అంటే ఏమిటి?

సరే, ఇప్పుడు కోపే భావన గురించి మీకు తెలుసు కాబట్టి, మీరు ఉదాహరణతో హెల్త్ ఇన్సూరెన్స్‌లో కోపే అంటే ఏమిటో అర్థం చేసుకున్నప్పుడు, మీరు ఆ భావనకు మరింత కనెక్ట్ అవ్వగలరు. ఉదాహరణకు, మీ ఇన్సూరెన్స్ పాలసీలో 20 శాతం కోపే నిబంధన మరియు మీ వైద్య ఖర్చుల మొత్తం రూ. 15,00,000 అయితే, మీరు మీ స్వంతంగా రూ. 3,00,000 చెల్లించవలసి ఉంటుంది మరియు ఇన్సూరర్, అంటే, ఇన్సూరెన్స్ సంస్థ మిగిలిన మొత్తం రూ. 12,00,000 ను కవర్ చేస్తుంది.

కోపే ఎలా పనిచేస్తుంది?

ఏదైనా హెల్త్ ఇన్సూరెన్స్‌లో రెండు రకాల క్లెయిమ్‌లు ఉంటాయి, అవి ఖర్చుల పరంగా, నగదురహిత హెల్త్ ఇన్సూరెన్స్ క్లెయిమ్స్ మరియు రీయింబర్స్‌మెంట్ క్లెయిమ్స్. నగదురహిత చెల్లింపు ఎంపిక విషయంలో, ఇన్సూరర్ నేరుగా ఆసుపత్రితో మీ ఖర్చులను సెటిల్ చేస్తారు. అయితే, రీయింబర్స్‌మెంట్ క్లెయిమ్ విషయంలో, మీరు ఆసుపత్రిలో చికిత్స పొందుతున్నప్పుడు చేసిన అన్ని ఖర్చులను ఇన్సూరర్ రీయింబర్స్ చేస్తారు. అయితే, మీరు కోపే ఆప్షన్‌ను ఎంచుకున్నప్పుడు రెండు రకాల పరిస్థితులు ఏర్పడతాయి. ఒకవేళ మీరు అధిక మొత్తంలో కోపే ఎంచుకుంటే, తక్కువ రేటు ఇన్సూరెన్స్ ప్రీమియం చెల్లించవలసి ఉంటుంది. తక్కువ కోపే ఎంచుకుంటే మీరు మీ పాలసీపై ఎక్కువ ప్రీమియం చెల్లించవలసి ఉంటుంది.

ఇన్సూరెన్స్ కంపెనీలకు కోపే నిబంధనలు ఎందుకు ఉన్నాయి?

క్లెయిమ్‌ల సమయంలో దాని ఖర్చులను ఆదా చేయడం వంటి ప్రధాన కారణం కాకుండా, ఇన్సూరెన్స్ కంపెనీలు కోపే నిబంధనలను కలిగి ఉండటానికి అనేక కారణాలు ఉన్నాయి.

• ప్రజలు వారి చికిత్సల కోసం అనవసరంగా ఖరీదైన ఆరోగ్య సంరక్షణ కేంద్రాల చుట్టూ తిరగకుండా వారికి అండగా ఉండడానికి. కోపేలో, ఈ చికిత్సల నుండి సంభవించే వైద్య ఖర్చులలో కొంత భాగాన్ని ఇన్సూర్ చేయబడిన వ్యక్తి భరించవలసి ఉంటుంది కాబట్టి, వారు తమ ఖర్చులపై శ్రద్ధ వహిస్తారు.
• డర్మటాలజిస్ట్ అపాయింట్‌మెంట్లు, జలుబు, గ్యాస్ట్రిక్ చికిత్సలు మొదలైనటువంటి అనవసరమైన క్లెయిమ్‌లు చేయడం నుండి వ్యక్తులను నిరోధించేందుకు. కోపే ఇన్సూరెన్స్, ఇన్సూర్ చేసిన వ్యక్తి ఇన్సూరెన్స్ పాలసీని దుర్వినియోగం చేయకుండా అడ్డుకుంటాయి.
• ఇన్సూర్ చేయబడిన వ్యక్తి పట్ల మోసపూరిత ప్రవర్తనను నివారించడానికి.

కోపే అప్రయోజనాలు ఏమిటి? 

చాలా కంపెనీలు కోపే నిబంధనను అమలు చేస్తున్నప్పటికీ, వివిధ కారణాల వలన ఇన్సూరెన్స్ పాలసీలో కోపే నిబంధనను జోడించకూడదని నిర్ణయం తీసుకున్న ఇన్సూరెన్స్ కంపెనీలు చాలా ఉన్నాయి.

• ఇన్సూరెన్స్ పొందిన వ్యక్తి అధిక కోపేమెంట్ మొత్తం చెల్లించవలసిన పరిస్థితుల వలన అవసరమైన సమయాల్లో ఇన్సూరెన్స్ పొందిన వ్యక్తి సరైన ఆరోగ్య సంరక్షణను పొందలేని పరిస్థితులు ఏర్పడవచ్చు, ఇది ఇన్సూరెన్స్ పాలసీ కొనుగోలు చేసిన ప్రాథమిక ఉద్దేశానికి వ్యతిరేకంగా ఉంటుంది.
• అధిక కోపేమెంట్ అనేది ఇన్సూర్ చేయబడిన వ్యక్తికి తక్కువ ప్రీమియం చెల్లించడానికి అనుమతిస్తుంది, అయితే, ఇన్సూర్ చేయబడిన వ్యక్తి ప్రీమియంలపై ఆదా చేసే దానికి బదులుగా వారి వైద్య ఖర్చుల కోసం కోపేమెంట్‌గా ఎక్కువ చెల్లించవలసి ఉంటుంది.

మెడికల్ ఇన్సూరెన్స్ ప్రోడక్టులు మరియు పాలసీల గురించి బాగా తెలిసిన వ్యక్తులు కోపేమెంట్ నిబంధనతో ఇన్సూరెన్స్ పాలసీని కొనుగోలు చేయకూడదని ఎంచుకుంటారు, ఎందుకంటే వారికి దీని వలన ప్రయోజనాల కంటే ప్రతికూలతలు ఎక్కువగా ఉన్నాయని తెలుసు.

తరచుగా అడిగే ప్రశ్నలు:

• ప్రజలు కోపే హెల్త్ ఇన్సూరెన్స్‌ను ఎందుకు ఎంచుకుంటారు?

ప్రజలు కోపే హెల్త్ ఇన్సూరెన్స్‌ను ఎంచుకుంటారు ఎందుకంటే వారు తక్కువ ప్రీమియం చెల్లించాల్సి ఉంటుంది, ఇది ఇతర ఇన్సూరెన్స్ పాలసీల కంటే వాటిని చవకగా చేస్తుంది.

• నగదురహిత చెల్లింపు ఎంపికలపై కోపేమెంట్ విధించబడుతుందా?

చాలా సందర్భాల్లో, రీయింబర్స్‌మెంట్ ఎంపికలపై మాత్రమే కోపేమెంట్ నిబంధనలు విధించబడతాయి.

• మిగిలిన వాటి కంటే కోపే నిబంధనలు చవకగా ఉన్న పాలసీలు ఉన్నాయా?

అవును, కోపే నిబంధనలు ఉన్న పాలసీలు ఇతర క్లెయిమ్ సెటిల్‌మెంట్ ఎంపికల కంటే చవకగా ఉంటాయి ఎందుకంటే బాధ్యత పాలసీదారు మరియు ఇన్సూరెన్స్ కంపెనీ మధ్య విభజిస్తుంది. ఇది రెండు పార్టీలకు ప్రయోజనకరంగా ఉంటుంది.

ముగింపు

వాస్తవంగా చెప్పాలంటే, ఇప్పుడు మీరు కోపే అర్థం ఏమిటి అనేదానిపై కొంత స్పష్టతను పొందారు! మీరు ఇప్పుడు ఒక హెల్త్ ఇన్సూరెన్స్ పాలసీని కొనుగోలు చేసేటప్పుడు తెలివైన నిర్ణయం తీసుకోవచ్చు మరియు దానికి సంబంధించిన అన్ని ప్రయోజనాలు మరియు అప్రయోజనాలను తెలుసుకుని కోపే ఆప్షన్‌ను ఎంచుకోవచ్చు. *ప్రామాణిక నిబంధనలు మరియు షరతులు వర్తిస్తాయి ఇన్సూరెన్స్ అనేది ఆసక్తి అభ్యర్థనకు సంబంధించిన విషయం. ప్రయోజనాలు, మినహాయింపులు, పరిమితులు, నిబంధనలు మరియు షరతుల గురించి మరిన్ని వివరాల కోసం, దయచేసి విక్రయాన్ని ముగించే ముందు సేల్స్ బ్రోచర్/పాలసీ వర్డింగ్‌ను జాగ్రత్తగా చదవండి.