સુપર ટૉપ અપ હેલ્થ ઇન્શ્યોરન્સ શું છે?

દરેક પસાર થતા દિવસ સાથે, નવા રોગોની જાણ થઈ રહી છે અને ફુગાવો પણ ઝડપથી વધી રહ્યો છે. આસપાસની પરિસ્થિતિઓને ધ્યાનમાં લેતાં, તમારા હાલના હેલ્થ ઇન્શ્યોરન્સ પ્લાન તબીબી ઇમરજન્સીના કિસ્સામાં અપૂરતા સાબિત થઈ શકે છે. આનું સીધું કારણ સામાન્ય રીતે, હેલ્થ ઇન્શ્યોરન્સ કવર રૂ. 3 થી 5 લાખ સુધીનું હોય, તે છે. તમારા કુલ તબીબી ખર્ચની ચુકવણી કરવા માટે તમારે વધારાના કવરેજની જરૂર પડી શકે છે.

સુપર ટૉપ-અપ હેલ્થ ઇન્શ્યોરન્સ

સુપર ટૉપ અપ હેલ્થ ઇન્શ્યોરન્સ એ બેઝ પૉલિસી તરીકે તમારા હાલના હેલ્થ ઇન્શ્યોરન્સ પ્લાન સાથેની એક વધારાની પૉલિસી છે જેમાં, જો તમારો મેડિકલ ખર્ચ બેઝ પૉલિસીની વીમાકૃત રકમ કરતાં વધી જાય, તો તમે સુપર ટૉપ અપ હેલ્થ ઇન્શ્યોરન્સ હેઠળ ઇન્શ્યોર્ડ રકમની અંદર વધારાની રકમનો ક્લેઇમ કરી શકો છો.

સુપર ટૉપ-અપ હેલ્થ પ્લાન ખરીદવાનું કોણે વિચારવું જોઈએ?

સુપર ટૉપ-અપ હેલ્થ ઇન્શ્યોરન્સ પ્લાન વ્યાજબી ખર્ચ પર વધારેલું કવરેજ પ્રદાન કરે છે. આ વિકલ્પને કોણે ધ્યાનમાં લેવું જોઈએ તેનું વિવરણ અહીં આપેલ છે:

1. વરિષ્ઠ નાગરિકો અને માતાપિતા

1. ઉંમર સાથે હેલ્થ ઇન્શ્યોરન્સ પ્રીમિયમમાં વધારો. સુપર ટૉપ-અપ પૉલિસી 60 અને તેનાથી વધુ ઉંમરના લોકો માટે પ્રીમિયમને નોંધપાત્ર રીતે ઘટાડી શકે છે.
2. જો કે, નોંધ કરો કે તમારે તમારા હાલના હેલ્થ અથવા કોર્પોરેટ પ્લાન અથવા ખિસ્સામાંથી કપાતપાત્ર રકમ ચૂકવવાની રહેશે.

2. કોર્પોરેટ હેલ્થ પ્લાનને અપગ્રેડ કરવા માંગતા કર્મચારીઓ

જો તમારા એમ્પ્લોયર દ્વારા પ્રદાન કરેલ ઇન્શ્યોરન્સમાં અપર્યાપ્ત કવરેજ છે, તો સુપર ટૉપ-અપ પ્લાન સ્ટાન્ડર્ડ પ્લાન કરતાં ઓછા ખર્ચ પર સમ ઇન્શ્યોર્ડ વધારી શકે છે.

3. અપર્યાપ્ત વર્તમાન કવરેજ ધરાવતા વ્યક્તિઓ

જો તમારી વર્તમાન હેલ્થ ઇન્શ્યોરન્સની સમ ઇન્શ્યોર્ડ અપર્યાપ્ત છે અથવા વ્યાપક લાભોનો અભાવ છે, તો સુપર ટૉપ-અપ પૉલિસી તમને તમારા હાલના પ્લાનને બદલ્યા વગર કવરેજને વધારવાની મંજૂરી આપે છે.

સુપર ટૉપ-અપ હેલ્થ પ્લાનની વિશેષતાઓ અને લાભો

1. કોવિડ-19 અને અન્ય બીમારીઓ માટે કવરેજ

સુપર ટૉપ-અપ પ્લાન્સ અન્ય તબીબી પરિસ્થિતિઓ સાથે કોવિડ-19 ની સારવારના ખર્ચને કવર કરે છે.

2. એક વખતની કપાતપાત્ર ચુકવણી

કપાતપાત્ર રકમ એકવાર ચૂકવવામાં આવે છે, અને તમે પૉલિસીની મુદતમાં એકથી વધુ વખત ક્લેઇમ કરી શકો છો.

3. કસ્ટમાઇઝ કરી શકાય તેવા કપાતપાત્ર

તમારી હાલની પૉલિસી અને ઇચ્છિત કવરેજના આધારે કપાતપાત્ર મર્યાદા પસંદ કરો.

4. ઓછા પ્રીમિયમ પર ઉચ્ચ સમ ઇન્શ્યોર્ડ

તમારા કોર્પોરેટ અથવા હાલના પ્લાનના કવરેજને વ્યાજબી રીતે વિસ્તૃત કરો.

5. અતિરિક્ત લાભો

ઘણા સુપર ટૉપ-અપ પ્લાનમાં આયુષ સારવાર અને ક્રિટિકલ ઇલનેસ કવરેજ જેવા કોર્પોરેટ પૉલિસીમાં અનુપસ્થિત લાભોનો સમાવેશ થાય છે.

6. ટૅક્સની બચત

પ્રીમિયમ ચુકવણી આવકવેરા અધિનિયમની કલમ 80D હેઠળ ટૅક્સ કપાત માટે પાત્ર છે.

7. સુવિધાજનક

નેટવર્ક હૉસ્પિટલોમાં કૅશલેસ સારવાર અને ઝડપી, ઝંઝટ-મુક્ત ક્લેઇમનો આનંદ માણો.

તે અન્ય ટૉપ અપ પ્લાનથી કેવી રીતે અલગ છે?

1. કપાતપાત્ર: સામાન્ય ટૉપ અપ હેલ્થ ઇન્શ્યોરન્સ હેઠળ, કપાતપાત્ર પ્રતિ ક્લેઇમના આધારે લાગુ પડે છે. એટલે કે જો દરેક ક્લેઇમની રકમ કપાતપાત્ર રકમથી વધુ ન હોય, તો તમને તે બિલ માટે ક્લેઇમ મળશે નહીં. પરંતુ સુપર ટૉપ અપ હેલ્થ ઇન્શ્યોરન્સ શું છે; પૉલિસી વર્ષ દરમિયાન કરેલા કુલ ક્લેઇમ પર કપાતપાત્ર લાગુ થાય છે.
2. ક્લેઇમની સંખ્યા: અન્ય ટૉપ-અપ હેલ્થ ઇન્શ્યોરન્સ પૉલિસીઓ હેઠળ પૉલિસી વર્ષ દરમિયાન માત્ર એક જ ક્લેઇમ સ્વીકારવામાં આવે છે. તો જો ત્યાર બાદ પણ ક્લેઇમ કરવાની જરૂર પડે ત્યારે શું? આવી સ્થિતિમાં સુપર ટૉપ અપ હેલ્થ ઇન્શ્યોરન્સ પૉલિસી તમારી મદદે આવે છે.

વધુ વાંચો: સુપર ટૉપ-અપ હેલ્થ ઇન્શ્યોરન્સમાં કપાતપાત્ર શું છે?

સુપર ટૉપ-અપ વિરુદ્ધ ટૉપ-અપ હેલ્થ ઇન્શ્યોરન્સ પ્લાન

કવર કરવામાં આવતા તબીબી ખર્ચ

1. હૉસ્પિટલાઇઝેશન

ડૉક્ટરની ફી, સર્જરી, નિદાન પરીક્ષણો, એનેસ્થેશિયા, દવાઓ અને ઇમ્પ્લાન્ટ જેવા ખર્ચને કવર કરે છે.

2. હૉસ્પિટલાઇઝેશન પહેલાં અને પછી

હૉસ્પિટલમાં રહેતા પહેલાં અને પછી થયેલા ખર્ચને કવર કરી લેવામાં આવે છે.

3. ડે-કેરની પ્રક્રિયાઓ

24-કલાકના હૉસ્પિટલાઇઝેશનની જરૂર ન હોય તેવી સારવારનો સમાવેશ થાય છે.

4. ICU અને રૂમનું ભાડું

રૂમનું ભાડું, ICU શુલ્ક અને નર્સિંગ ખર્ચને કવર કરે છે.

5. એમ્બ્યુલન્સ ખર્ચ

ઇમરજન્સી દરમિયાન રોડ એમ્બ્યુલન્સ ખર્ચ શામેલ છે.

6. વાર્ષિક હેલ્થ ચેક-અપ

સામાન્ય રીતે ચોક્કસ પૉલિસીના સમયગાળા પછી કૉમ્પ્લિમેન્ટરી ચેકઅપ પ્રદાન કરવામાં આવે છે.

પૉલિસીમાં આ સામેલ નથી

સુપર ટૉપ-અપ પ્લાન કવર કરતા નથી:

1. કપાતપાત્ર મર્યાદાથી નીચેના ક્લેઇમ
2. નવજાત બાળકનો ખર્ચ
3. કૉસ્મેટિક સર્જરી, દાંતની સારવાર અથવા કૉન્ટૅક્ટ લેન્સ
4. પ્રાયોગિક સારવાર અથવા જન્મજાત સ્થિતિઓ
5. દારૂ અથવા ડ્રગના દુરુપયોગ સંબંધિત સારવાર
6. HIV/AIDS અથવા વેનેરિયલ રોગની સારવાર

ક્લેઇમની પ્રક્રિયા

1. રિઇમ્બર્સમેન્ટ ક્લેઇમ

ઇન્શ્યોરરને તરત જ જાણ કરો. ક્લેઇમની પ્રક્રિયા કરવા માટે બિલ અને ડૉક્યૂમેન્ટ ઑનલાઇન સબમિટ કરો.

2. કૅશલેસ ક્લેઇમ

નેટવર્ક હૉસ્પિટલમાં સારવાર મેળવો. અવિરત અનુભવ માટે તમારા ઇ-હેલ્થ કાર્ડનો ઉપયોગ કરો.

પાત્રતાના માપદંડ

1. પ્રવેશની ન્યૂનતમ ઉંમર: 18 વર્ષ
2. પ્રીમિયમની ગણતરી માટે સૌથી વૃદ્ધ ઇન્શ્યોર્ડ સભ્યની ઉંમરને ધ્યાનમાં લેવામાં આવે છે.
3. રહેઠાણનું સ્થાન અને ઇન્શ્યોર્ડ સભ્યોની સંખ્યા પાત્રતાને પ્રભાવિત કરે છે.
4. ગ્રુપ મેડિકલ કવરેજ, જો લાગુ પડે તો, આશ્રિતોને વધારી શકે છે.

સુપર ટૉપ-અપ હેલ્થ પ્લાન પસંદ કરીને, તમે ભારે પ્રીમિયમના ભાર વિના મેડિકલ ઇમરજન્સી માટે ફાઇનાન્શિયલ તૈયારી સુનિશ્ચિત કરી શકો છો.

શું રેગ્યુલર ટૉપ અપ પૉલિસી ખરીદવી કે સુપર ટૉપ અપ હેલ્થ ઇન્શ્યોરન્સ પૉલિસી ખરીદવી?

જો તમારે ક્લેઇમ કરવાની જરૂર પડે તેવો, વારંવાર તબીબી ખર્ચ કરવાનો ન થતો હોય, તો સામાન્ય ટૉપ-અપ પૂરતું થઈ રહે છે. જો તમે કોઈ ગંભીર બીમારીથી પીડિત છો અથવા કોઈની ઉંમર 50ની નજીક અથવા તેનાથી વધુ છે, તો સુપર ટૉપ અપ હેલ્થ ઇન્શ્યોરન્સ પૉલિસી લેવાની સલાહ આપવામાં આવે છે.

કોઈપણ વ્યક્તિએ બેઝ પૉલિસીમાં વીમાકૃત રકમ વધારવાને બદલે શા માટે સુપર ટૉપ અપ પસંદ કરવું જોઈએ?

જો તમે સમ ઇન્શ્યોર્ડનો અર્થ જાણતા હોવ, તો તમે એ પણ જાણતા હશો કે જેમ તેની રકમ વધે તેમ વાર્ષિક પ્રીમિયમ પણ વધે છે. બીજી તરફ, જો તમે તમારી જરૂરિયાત મુજબ સુપર ટૉપ અપ પૉલિસી પસંદ કરો છો, તો વધારવામાં આવેલી વીમાકૃત રકમ માટે પ્રીમિયમ તુલનાત્મક રીતે ઓછું હોય છે. વધુ વાંચો: ટૉપ-અપ હેલ્થ ઇન્શ્યોરન્સ શું છે અને તે કેવી રીતે કામ કરે છે?

તમે તમારા માટે યોગ્ય સુપર ટૉપ અપ પૉલિસી કેવી રીતે પસંદ કરી શકો છો?

1. કપાતપાત્ર

સૌ પ્રથમ તમારે કપાતપાત્ર નક્કી કરવું જરૂરી છે. કપાતપાત્રની રકમ બેઝ પૉલિસીની વીમાકૃત રકમ જેટલી અથવા તેની આસપાસની રાખવાની સલાહ આપવામાં આવે છે. જો તમારા દ્વારા ચૂકવવાપાત્ર કોઈપણ રકમ સુપર ટૉપ અપ પ્લાન હેઠળની વીમાકૃત રકમથી ઓછી હોય, તો તમે તે માટે સુરક્ષિત રહી શકો છો. ઉદાહરણ: જો તમારી પાસે બેઝ પૉલિસી તરીકે રૂ. 50000 ના કૉ-પેમેન્ટ સાથેનો રૂ. 3 લાખનો હેલ્થ ઇન્શ્યોરન્સ પ્લાન છે, અને તમે રૂ. 3 લાખની કપાતપાત્ર ધરાવતી સુપર ટૉપ અપ પૉલિસી ધરાવો છો. હવે જો તમારે રૂ. 1.5 લાખનો તબીબી ખર્ચ થાય છે. તમારે રૂ. 50000 ચૂકવવાના રહેશે અને ઇન્શ્યોરન્સ કંપની રૂ. 1 લાખ ચૂકવશે. ત્યાર બાદ, તે જ પૉલિસી વર્ષમાં તમારે રૂ. 4 લાખનો અન્ય તબીબી ખર્ચ થાય છે. હવે તમે બેઝ પૉલિસી હેઠળ રૂ. 1.5 લાખ અને સુપર ટૉપ અપ પૉલિસી હેઠળ રૂ. 2.5 લાખનો ક્લેઇમ કરી શકો છો.

2. નેટ કવરેજ

જ્યારે પણ કોઈ ખરીદે છે, ટૉપ અપ હેલ્થ ઇન્શ્યોરન્સ પૉલિસી, ત્યારે તેમણે 'નેટ કવરેજ', જે વીમાકૃત રકમ અને પૉલિસીધારક દ્વારા ચૂકવવાપાત્ર કપાતપાત્ર રકમનો તફાવત દર્શાવે છે, તે જાણવું જરૂરી છે. ઉદાહરણ: રિયા પાસે ₹ 8 લાખની વીમાકૃત રકમ અને ₹ 3 લાખની કપાતપાત્ર ધરાવતી સુપર ટૉપ અપ હેલ્થ ઇન્શ્યોરન્સ પૉલિસી છે. એનો અર્થ એ થયો કે તેનું નેટ કવરેજ ₹ 5 લાખ છે.

3. ક્લેઇમની રકમ નક્કી કરવામાં ધ્યાનમાં લેવામાં આવેલા પરિમાણો

ક્લેઇમની રકમ વિવિધ પરિમાણોના આધારે નક્કી કરવામાં આવે છે. પૂર્વ-નિદાન તપાસ, એમ્બ્યુલન્સ અથવા અન્ય પરિવહન ખર્ચ, રૂમની કેટેગરી, નેટવર્ક અથવા નૉન-નેટવર્ક હૉસ્પિટલો, અને ક્લેઇમની રકમ નક્કી કરવામાં અન્ય વિવિધ પરિબળોને ધ્યાનમાં લેવામાં આવે છે. હવે જો બંને પૉલિસીઓ માટે પરિમાણો સમાન હોય તો તે વધુ સારું છે કારણ કે કોઈપણ પુનઃગણતરી વગર ક્લેઇમ કરી શકાય છે. ઉદાહરણ: જો બેઝ પૉલિસી હેઠળની શરતો મુજબ, વીમાકૃત રકમ ₹ 3 લાખ છે અને ક્લેઇમની રકમ ₹ 4 લાખ જેટલી થાય છે, તો તમારે વધારાનો ક્લેઇમ સુપર ટૉપ અપ હેલ્થ ઇન્શ્યોરન્સ હેઠળ કરવાનો રહેશે. જો કે, સુપર ટૉપ અપ પૉલિસીની શરતો મુજબ ગણવામાં આવેલ ક્લેઇમની પાત્ર રકમ ₹ 3.5 લાખ છે, અને તમારા સુપર ટૉપ અપની કપાતપાત્ર ₹ 3 લાખ છે, તો તમને વધારાના માત્ર ₹ 50000 ચૂકવવામાં આવશે. વધુ વાંચો: ટૉપ-અપ વિરુદ્ધ સુપર ટૉપ-અપ હેલ્થ પ્લાન્સ વચ્ચેનો તફાવત

વારંવાર પૂછાતા પ્રશ્નો

1. જો હું સુપર ટૉપ અપ હેલ્થ ઇન્શ્યોરન્સ પૉલિસી લઉં તો શું મને ટૅક્સ લાભ મળે છે?

હા, ચૂકવેલ સુપર ટૉપ અપ પ્રીમિયમ માટે તમને સેક્શન 80D હેઠળ ઇન્કમ ટૅક્સ કપાત મળે છે.

2. શું આ પૉલિસી લેતા પહેલાં કોઈ મેડિકલ ટેસ્ટ જરૂરી છે?

તેનો આધાર પ્રદાતા પર રહેલો છે, પરંતુ આ પૉલિસીઓ માટે પહેલેથી હોય તેવી બીમારીઓ હોય અથવા તમે અમુક ચોક્કસ ઉંમર વટાવી ગયા હોવ, જેમ કે 45 અથવા 50 વર્ષ, તો કેટલાક ચોક્કસ પરીક્ષણોની જરૂર પડી શકે છે.

3. શું સુપર ટૉપ-અપ માત્ર વ્યક્તિગત પૉલિસી તરીકે ઑફર કરવામાં આવે છે અથવા શું તેમાં ફેમિલી ફ્લોટરનો વિકલ્પ પણ છે?

તેમાં બંને પ્રકારો છે, વ્યક્તિગત પૉલિસી અને ફેમિલી ફ્લોટર પૉલીસી. તમે તમારી જરૂરિયાત અનુસાર પસંદ કરી શકો છો.