అంతర్జాతీయ ప్రయాణం: భారతీయులు జింబాబ్వేని సందర్శించడానికి ఇక్కడ మరో కారణం ఉంది

జింబాబ్వే దక్షిణ ఆఫ్రికాకు చెందిన ఒక ఆఫ్రికన్ దేశం. ఈ భూపరివేష్టిత దేశానికి హరారే రాజధాని నగరం. ఈ దేశం దాని వైవిధ్యభరితమైన భౌగోళిక ప్రదేశానికి ప్రసిద్ధి చెందింది మరియు మధ్య పీఠభూమి, తూర్పు వైపున ఎత్తైన కొండలు అత్యంత గుర్తింపు పొందిన ప్రాంతాలుగా ఉన్నాయి. విభిన్న ప్రకృతి దృశ్యాలతో పాటు జింబాబ్వే దాని వైవిధ్యభరితమైన వన్యప్రాణులు, అసాధారణమైన ప్రకృతి సౌందర్యం, అద్భుతమైన జలపాతాలు, పొడవైన మైదానాలు, మియోంబో అడవులు మరియు అసంఖ్యాకమైన పక్షులు మరియు చేప జాతుల కోసం ప్రసిద్ధి చెందింది. జింబాబ్వేని సందర్శించడానికి ఉత్తమ సమయం ఏప్రిల్, మే, ఆగస్టు మరియు సెప్టెంబర్. ఈ ఆఫ్రికన్ దేశం అన్ని రకాల అధికారిక లావాదేవీల కోసం భారతీయ కరెన్సీని అంగీకరిస్తుంది కాబట్టి, భారతీయులు జింబాబ్వేని సందర్శించడానికి దీనిని ఒక ప్రత్యేక కారణంగా చెప్పుకోవచ్చు. 7 ఇతర దేశాలతో పాటు జింబాబ్వే కూడా దేశవ్యాప్తంగా భారత రూపాయి వినియోగాన్ని చలామణి చేస్తుంది మరియు చెల్లుబాటు చేస్తుంది. పర్యాటకులు సాధారణంగా ఈ కింది ఆకర్షణీయ ప్రదేశాల కోసం ఈ దేశాన్ని సందర్శిస్తారు:

• విక్టోరియా జలపాతం – విక్టోరియా జలపాతం ప్రపంచంలోని ఏడు వింతల్లో ఒకటి. నల్లని రాళ్ల నుండి ఎగిసిపడుతున్న గర్జించే జలపాతాలు జింబాబ్వేలోని ప్రధాన పర్యాటక ఆకర్షణలు. జింబాబ్వేలోని ఈ అద్భుతమైన భూభాగం జాలువారే నీళ్లు, వినసొంపైన శబ్దాలతో నాటకీయ ప్రదర్శనను తలపించే ఈ అందమైన దృశ్యాన్ని చూసి తరించడానికి ప్రజలు మైళ్ల దూరం నుండి ఇక్కడికి వస్తారు.
• సఫారీలు – అపురూపమైన వృక్షజాలం మరియు జంతుజాలానికి నిలయంగా ఉన్న జింబాబ్వే విహారయాత్రలను ఇష్టపడే వ్యక్తులకు ఎంతో ఆనందాన్ని ఇస్తుంది. హ్వాంగే నేషనల్ పార్క్, మనా పూల్స్ నేషనల్ పార్క్ మొదలైన వన్యప్రాణులు అధికంగా ఉండే అనేక జాతీయ పార్కులు ఇక్కడ కొలువుదీరి ఉన్నాయి. ఏనుగులు, గేదెలు, సింహాలు, అడవి కుక్కలు, చిరుతపులి, కుడు, జీబ్రా, ఇంపాలా, వాటర్‌బక్, హిప్పోలు మరియు మొసళ్ళు జింబాబ్వేలోని అడవులు, అలాగే నదికి సమీపంలోని ప్రాంతాల్లో ఏడాది పొడవునా పెద్ద సంఖ్యలో కనిపిస్తాయి.
• అడ్వెంచర్ క్యాంప్‌లు – జింబాబ్వే ఉత్తర సరిహద్దులో ప్రవహించే జాంబేజీ నది ప్రపంచం నలుమూలల నుండి వచ్చే పర్యాటకులకు అద్భుతమైన దృశ్యాలను అందిస్తుంది. వన్యప్రాణులను వీక్షించడం, విక్టోరియా జలపాతం నిర్మలమైన అందాలను ఆస్వాదించడం, పురాతన నాగరికత అవశేషాలను అన్వేషించడం లాంటివి జింబాబ్వే అడ్వెంచర్ క్యాంపులలో ప్రేక్షకులను ఆహ్లాదపరిచే కొన్ని ప్రధాన విషయాలు.
• కరిబా సరస్సు – ఇది ప్రపంచంలోనే అతిపెద్ద మానవ నిర్మిత సరస్సు మరియు చాలా మంది పేర్కొన్నట్లు ఇది ప్రకృతి ప్రేమికుల కల. జాంబేజీ నదిపై డ్యామ్ నిర్మాణం ఈ సరస్సు ఏర్పాటుకు దారితీసింది, ఇది ఇప్పుడు జింబాబ్వేలో అత్యంత ప్రసిద్ధ పర్యాటక ప్రదేశంగా మారింది.

ఇప్పుడు భారతీయులకు జింబాబ్వే విహారయాత్ర చిరస్మరణీయమైన పర్యటనగా మారుతుంది. ఇక్కడి అద్భుతమైన ప్రదేశాలను వీక్షించడానికి భారతీయలు కరెన్సీ ఎక్స్‌చేంజ్ మరియు ట్రావెలర్స్ చెక్కును మోసుకెళ్లడం గురించి ఆందోళన చెందాల్సిన అవసరం లేదు. కాబట్టి మీరు ఇంకా దేని కోసం ఎదురు చూస్తున్నారు? జింబాబ్వేకి వెళ్లడానికి సిద్ధం అవ్వండి, మీ బ్యాగ్‌లను ప్యాక్ చేసుకోండి. మీరు ట్రావెల్ ప్లాన్లు రూపొందించేటప్పుడు, సరైన ట్రావెల్ ఇన్సూరెన్స్ ప్లాన్‌ ఎంచుకోవాలని సలహా ఇవ్వడమైనది. ఇది మీరు అవాంతరాలు లేని మరియు సాఫీగా సాగే ప్రయాణాన్ని ఆస్వాదిస్తారని నిర్ధారిస్తుంది. కొనుగోలు చేసే ముందు ట్రావెల్ ఇన్సూరెన్స్‌ను సరిపోల్చడం మర్చిపోవద్దు!