సరే, మీరు ఒక కొత్త బైక్‌ను కొనుగోలు చేసారు మరియు
బైక్ ఇన్సూరెన్స్ ఆన్‌లైన్‌లో కొనుగోలు చేసారు, అంతవరకూ బాగుంది. కానీ, కొన్ని రోజుల తర్వాత మీరు ఒక సూపర్‌మార్కెట్ నుండి బయటకు వస్తారు, పార్కింగ్ ఏరియాలో మీ బైక్ లేకపోవడాన్ని గమనిస్తారు. మీలో కొంతమందికి ఇలాంటి పరిస్థితి ఎదురయ్యే ఉంటుంది. ఇది చదువుతున్నప్పుడు కూడా మీకు, పోయిన మీ ఇష్టమైన బైక్ గుర్తుకు రావచ్చు, బాధ కలగవచ్చు. అయితే, మీరు ఇప్పుడు ఏం చేయాలి? మీరు ఖచ్చితంగా, దొంగిలించబడిన బైక్‌కు ఇన్సూరెన్స్ వర్తిస్తుందా అని ఆలోచించాలా? మరి మీరు మీకు ఇష్టమైన బైక్‌ను తిరిగి పొందగలరా? వీలైనంత త్వరగా మీరు అవసరమైన అన్ని దశలను అనుసరిస్తే, ఖచ్చితంగా బైక్‌ను తిరిగి పొందగలరు. కానీ, బైక్ దొంగతనం కోసం ఇన్సూరెన్స్‌ను ఎలా క్లెయిమ్ చేయాలి? చదువుదాం మరియు తెలుసుకుందాం!
దొంగిలించబడిన బైక్‌ను ఇన్సూరెన్స్ కవర్ చేస్తుందా?
మీరు కలిగి ఉన్న ఇన్సూరెన్స్ రకాన్ని బట్టి సమాధానం మారుతుంది. ఇక్కడ రెండు రకాల ఇన్సూరెన్స్ పాలసీలు ఉన్నాయి, అవి:
మీరు ఒక సమగ్ర పాలసీని కలిగి ఉన్నప్పుడు మాత్రమే, మీకు దొంగిలించబడిన బైక్ కోసం ఇన్సూరెన్స్ పొందే అర్హత ఉంటుంది. ఒక థర్డ్ పార్టీ పాలసీ అనేది దొంగతనంతో సహా మీ బైక్‌కు జరిగిన ఏ నష్టానికి పరిహారం అందించదు.
బైక్ దొంగతనం కోసం ఇన్సూరెన్స్‌ను ఎలా క్లెయిమ్ చేయాలి?
ఒకవేళ మీరు ఇలాంటి దురదృష్టకర సంఘంటన ఎదుర్కొంటే, భయపడకండి. పాలసీలను క్లెయిమ్ చేసే అన్ని దశలను సకాలంలో మరియు జాగ్రత్తగా అనుసరించండి. ప్రాసెస్ పై నమ్మకం ఉంచండి మరియు ఓపికగా ఉండండి; మీరు మీ బైక్‌ను తిరిగి పొందుతారు. ఇక్కడ
బీమా క్లెయిమ్ ప్రక్రియ గురించిన పూర్తి వివరణ మరియు మీరు అనుసరించవలసిన అన్ని దశలను చూడండి:
1. ఒక ఫస్ట్ ఇన్వెస్టిగేషన్ రిపోర్ట్ (ఎఫ్ఐఆర్)ను రిజిస్టర్ చేయండి
సరే, మీ బైక్ దొంగిలించబడిందని మీరు నిర్ధారించుకున్నారు. ఆపై మీరు చేయాల్సిన మొదటి పని, సమీపంలోని పోలీస్ స్టేషన్‌ను గుర్తించి అక్కడ ఎఫ్ఐఆర్ ఫైల్ చేయాలి. ఎందుకు? ఎఫ్ఐఆర్ అనేది క్లెయిమ్ ఫైల్ చేయడంలో మీకు అవసరమయ్యే ఒక ముఖ్యమైన డాక్యుమెంట్. అంతేకాకుండా, ఇది మీ బైక్‌ను గుర్తించడంలో పోలీసులకు కూడా సహాయపడుతుంది. మీరు మీ బైక్ కలర్, నంబర్, మోడల్ మరియు ఇతర అంశాలను గురించి వారికి తెలియజేయాలి. అన్నింటికంటే ముఖ్యంగా మీరు అది ఎక్కడ దొంగిలించబడింది అనే విషయాన్ని వారికి తెలియజేయాలి. ముందు జాగ్రత్తగా మీరు, ఇన్సూరెన్స్ మరియు ఆర్‌సి లాంటి బైక్ డాక్యుమెంట్ల కాపీలను వెంట తీసుకెళ్లండి.
2. ఇన్సూరర్‌కు తెలియజేయండి
ఎఫ్ఐఆర్ ప్రాసెస్‌ను పూర్తిచేసిన తర్వాత, మీరు ఇన్సూరర్ కార్యాలయానికి వెళ్లి జరిగిన సంఘటన గురించి వారికి తెలియజేయాలి. ఇదంతా ఒక నిర్దిష్ట సమయంలో, అనగా 24 గంటల్లోపు జరగాలి. ఎందుకంటే, క్లెయిమ్ చేయడానికి ముందు ఇన్సూరర్ కూడా కొన్ని ఫార్మాలిటీలను మరియు విధానాలను పూర్తి చేయాల్సి ఉంటుంది.
3. ప్రాంతీయ రవాణా కార్యాలయానికి కూడా ఈ సమాచారాన్ని అందించాలి.
మీరు అనుసరించాల్సిన మూడవ మరియు అతిముఖ్యమైన దశ, ఆర్‌టిఒ సంస్థకు విషయాన్ని తెలియజేయడం. ప్రాంతీయ రవాణా కార్యాలయం అనేది ఒక ప్రధాన సంస్థ కాబట్టి, మీరు మీ బైక్ దొంగతనం గురించి వారికి తప్పక తెలియజేయాలి.
4. అన్ని అవసరమైన డాక్యుమెంట్లను సేకరించండి
మీరు అన్ని అవసరమైన అధికారిక సంస్థలకు విషయాన్ని తెలియజేసినప్పుడు, ఒక క్లెయిమ్ కోసం అవసరమైన అన్ని డాక్యుమెంట్లను కూడా సేకరించాలి. మీరు క్లెయిమ్ ఫారంను పూరించాలి, దానికి అవసరమైన అన్ని డాక్యుమెంట్లను జతచేయాలి. మీరు మీ ఇన్సూరర్ నుండి క్లెయిమ్ ఫారం పొందవచ్చు లేదా ఇన్సూరర్ అధికారిక వెబ్‌సైట్ నుండి దానిని డౌన్‌లోడ్ చేసుకోవచ్చు. మీరు బైక్ థెఫ్ట్ క్లెయిమ్ ఫారంతో జతచేయవలసిన ముఖ్యమైన డాక్యుమెంట్లు ఇక్కడ ఇవ్వబడ్డాయి:
- అసలు ఎఫ్ఐఆర్ కాపీ
- ఆర్‌టిఒ ద్వారా అందించబడే డాక్యుమెంట్లు, 28, 29, 30 మరియు 35 లాంటి ఫారంలు
- ఒరిజినల్ ఇన్సూరెన్స్ పాలసీ డాక్యుమెంట్లు
- ఆర్‌సి యొక్క స్వీయ-ధృవీకరించబడిన కాపీ
- డ్రైవర్ లైసెన్స్ యొక్క స్వీయ-ధృవీకరించబడిన కాపీ
- బైక్ ఒరిజినల్ కీస్
తదుపరి క్లెయిమ్ ప్రాసెసింగ్ కోసం ఈ డాక్యుమెంట్లు అన్నింటినీ ఫారంకు జత చేయాలి.
5. నో ట్రేస్ రిపోర్ట్
మీరు అన్ని డాక్యుమెంట్లను ఇన్సూరర్‌కు అందించిన తర్వాత, మీ వాహనం ఆచూకీ లభించలేదని పేర్కొంటూ పోలీసులు కూడా నో-ట్రేస్ రిపోర్టును సమర్పించాలి. ఇన్సూరర్ ఈ రిపోర్ట్‌ను అందుకున్న తర్వాత, క్లెయిమ్ అప్రూవల్ ప్రాసెస్ అమలవుతుంది. ఈ క్లెయిమ్ అప్రూవల్ ప్రాసెస్ అమలు చేయడానికి కొన్ని నెలల వరకు సమయం పట్టవచ్చు కనుక మీరు ఓపికగా ఉండాలి.
తరచుగా అడిగే ప్రశ్నలు
- నేను బైక్ కోసం తీసుకున్న లోన్ సంగతి ఏంటి?
మీరు బైక్ కోసం ఏదైనా లోన్ తీసుకున్నట్లయితే మరియు అది రికవర్ చేయబడకపోతే, లోన్ అమౌంట్ లోన్ ప్రొవైడర్‌కు చెల్లించబడుతుంది మరియు బ్యాలెన్స్ మొత్తం మీకు ఇవ్వబడుతుంది.
- నో-ట్రేస్ రిపోర్ట్‌ను పొందడానికి ఎంత సమయం పడుతుంది?
దొంగిలించబడిన బైక్ కోసం మీరు ఎఫ్ఐఆర్ ఫైల్ చేసిన తర్వాత, మీ బైక్‌ను వెతకడానికి కనీసం ఒక నెల వరకు సమయం పట్టవచ్చు. మీ బైక్ ఆచూకీ లభించకపోతే, నో-ట్రేస్ రిపోర్ట్ జనరేట్ చేయబడుతుంది.
- నాకు ఎంత మొత్తంలో రీయంబర్స్‌మెంట్ లభిస్తుంది?
మీ పోయిన బైక్ కనుగొనబడకపోతే, ఇన్సూరెన్స్ కంపెనీ మీ పాలసీలో పేర్కొనబడిన ఐడివి మొత్తాన్ని మీకు రీయింబర్స్ చేస్తుంది.
సర్వీస్ చాట్: 
రిప్లై ఇవ్వండి