હેલ્થ ઇન્શ્યોરન્સ હેઠળ હેલ્થ સીડીસી લાભ

હેલ્થ સીડીસી (ક્લેઇમ બાય ડાયરેક્ટ ક્લિક) લાભ શું છે?

ક્લેઇમ સેટલમેન્ટ એ હેલ્થ ઇન્શ્યોરન્સના સૌથી મહત્વના પાસાઓમાંથી એક છે. નિષ્ણાતોની સલાહ અનુસાર, હેલ્થ ઇન્શ્યોરન્સ પૉલિસી ખરીદતા પહેલા લોકોએ જે કંપનીનું ઇન્શ્યોરન્સ લેવાનું પસંદ કરી રહ્યા હોય તેનો ક્લેઇમ સેટલમેન્ટ રેશિયો તપાસવો જોઈએ. સ્વાસ્થ્યને લગતી સમસ્યાઓના તણાવમાંથી પસાર થયા પછી, લાંબા પેપરવર્કને કારણે ક્લેઇમ સેટલમેન્ટમાં થતો વિલંબ કોઈ વ્યક્તિ અને પરિવાર ઇચ્છતું નથી.

ડાયરેક્ટ ક્લિક દ્વારા ક્લેઇમ

બજાજ આલિયાન્ઝ જનરલ ઇન્શ્યોરન્સની પહેલ, સીડીસી, એ એક એપ-આધારિત સુવિધા છે જેના દ્વારા પૉલિસીધારકો ઝંઝટ-મુક્ત રીતે તેમના ક્લેઇમ સેટલમેન્ટની પ્રક્રિયા શરૂ કરી શકે છે અને ટ્રૅક કરી શકે છે.

સીડીસી કેવી રીતે મેળવવું?

સીડીસીના લાભ મેળવવા માટે, ગ્રાહકોએ બજાજ આલિયાન્ઝ ઇન્શ્યોરન્સ વૉલેટ એપ ઇન્સ્ટૉલ કરવાની રહેશે. આ એપનો ઉપયોગ કરીને, પૉલિસીધારકો તેમના તબીબી ખર્ચ માટે ₹20,000 સુધીના ક્લેઇમ કરી શકે છે.

ઇન્શ્યોરન્સ વૉલેટનો ઉપયોગ આઇઓએસ (આઇફોન) તેમજ એન્ડ્રોઇડ ડિવાઇસ બંનેમાં કરી શકાય છે. એક ક્લિક સાથે, પૉલિસીધારકો હવે તેમના ક્લેઇમ કરી શકે છે અને સેટલમેન્ટની પ્રક્રિયા શરૂ કરી શકે છે.

યૂઝર નેમ અને પાસવર્ડ જેવી વિગતોનો ઉપયોગ કરીને રજિસ્ટર કરીને લૉગ-ઇન કરવાનું રહેશે. "પૉલિસી મેનેજ કરો" ટૅબમાં, તમારે તમારી પૉલિસી, દર્દી અને હૉસ્પિટલની વિગતો ભરવાની રહેશે. તમારે ડિસ્ચાર્જની તારીખ અને ઔપચારિકતાઓ, અંદાજિત ખર્ચ અને નિદાન અને સારવારની વિગતો વિશેની માહિતી પણ આપવાની રહેશે.

આ માહિતીના આધારે એક ક્લેઇમ નંબર બનાવવામાં આવશે, ત્યાર બાદ તમારે હૉસ્પિટલ બિલ, ક્લેઇમ ફોર્મ વગેરે ડૉક્યૂમેન્ટ અપલોડ કરવાના રહેશે. જો ક્લેઇમની રકમ ₹20,000 થી ઓછી હશે, તો તે તમારા એકાઉન્ટમાં જમા કરવામાં આવશે.

કયા કયા લાભો ઉપલબ્ધ છે?

જો તમે સીડીસીનો ઉપયોગ કરો છો, તો તમારે કે તમારા પરિવારની વ્યક્તિઓએ ઓફિસે જવાની, ફોર્મ ભરવાની, ડૉક્યૂમેન્ટ એકઠાં કરવાની અને સબમિટ કરવાની જરૂર રહેતી નથી. માત્ર ઇન્શ્યોરન્સ વૉલેટ એપમાં લૉગ ઇન કરો અને કોઈપણ સમયે, કોઈપણ જગ્યાથી ક્લેઇમ રજિસ્ટર કરો.

વધુ જુઓ હેલ્થ ઇન્શ્યોરન્સની વિશેષતાઓ