હેલ્થ ઇન્શ્યોરન્સ હેઠળ સ્વૈચ્છિક કપાત

હેલ્થ ઇન્શ્યોરન્સ પૉલિસીમાં સ્વૈચ્છિક કપાત શું છે?

હેલ્થ ઇન્શ્યોરન્સ અને તેની સંબંધિત શરતોને સમજવી મુશ્કેલ હોઇ શકે છે. પરંતુ એની અવગણના કરવાથી તમે મુશ્કેલીમાં મુકાઇ શકો છો. સ્વૈચ્છિક કપાતપાત્ર એ તમારી હેલ્થ ઇન્શ્યોરન્સ પૉલિસીનો એક એવો ઘટક છે જેની ક્લેઇમ સેટલમેન્ટ પર નોંધપાત્ર અસર થઈ શકે છે.

સ્વૈચ્છિક કપાતપાત્ર શું છે?

સ્વૈચ્છિક કપાતપાત્ર, જેને એક્સેસ પણ કહેવામાં આવે છે, તે તમારા ક્લેઇમની એ રકમ દર્શાવે છે જે ઇન્શ્યોરન્સ દ્વારા કવરેજ મળતા પહેલા તમારે ચૂકવવાની રહે છે. સાદા શબ્દોમાં, સ્વૈચ્છિક કપાતપાત્ર તમારે (વીમાધારક) ચૂકવવાની રહેશે, જ્યારે દાવાની બાકીની રકમ ઇન્શ્યોરન્સ પ્રદાતા દ્વારા ચૂકવવામાં આવશે.

ઉદાહરણ તરીકે

તમારી વીમાકૃત રકમ ₹5 લાખ છે, જ્યારે સ્વૈચ્છિક કપાતપાત્ર ₹1 લાખ છે.

દ્રષ્ટાંત #1: તમે ₹85,000 નો ક્લેઇમ કરો છો. આ કિસ્સામાં, ક્લેઇમનું મૂલ્ય કપાતપાત્ર મર્યાદા કરતાં વધી ન જાય તે ધ્યાનમાં રાખીને તમારે સમગ્ર રકમ જાતે જ ચૂકવવાની રહેશે.

દ્રષ્ટાંત #2: તમે ₹2 લાખનો ક્લેઇમ ફાઇલ કરો છો. આ કિસ્સામાં, તમારે ₹1 લાખ (તેને સ્વૈચ્છિક કપાતપાત્ર માનવામાં આવે છે) ચૂકવવાના રહેશે, અને બાકીની રકમ ₹1 લાખ ઇન્શ્યોરર દ્વારા ચૂકવવામાં આવશે.

સ્વૈચ્છિક કપાતપાત્ર શા માટે?

વીમા કંપનીઓ નજીવા અને વારંવારના દાવાઓ સામે સંભવિત સલામતી તરીકે સ્વૈચ્છિક કપાતપાત્ર સેટ કરે છે. તેની પાછળનો તર્ક તમને એ જણાવવાનો છે કે તમારે ક્લેઇમની ચોક્કસ રકમનો અમુક હિસ્સો ચૂકવવાનો રહેશે, અને એ કારણથી તમે નાના બિનજરૂરી ક્લેઇમ કરવાનું ટાળશો. આને કારણે કરવામાં આવતા ક્લેઇમની સંખ્યા ઓછી થશે, અને પરિણામે થતી છેતરપિંડી અને વહીવટી ખર્ચ પણ ઓછો થશે.

સ્વૈચ્છિક કપાતપાત્રના ફાયદાઓ

  ✓ કાળજીપૂર્વક પસંદ કરેલ સ્વૈચ્છિક કપાતપાત્ર દ્વારા પૉલિસીનું પ્રીમિયમ ઓછું થઈ શકે છે

  ✓ કપાતપાત્ર તમને નજીવા, મામૂલી ક્લેઇમ કરવા સામે સાવચેત કરી શકે છે. આની સીધી અસર સંચિત બોનસ મેળવવા માટેની તમારી યોગ્યતા પર થાય છે (જો તમે સળંગ પોલિસી સમયગાળામાં કોઈ ક્લેઇમ કરેલ નથી તો).

મોટી રકમના સ્વૈચ્છિક કપાતપાત્રનો નકારાત્મક મુદ્દો માત્ર એ છે કે તે તમારી બચતને અસર કરી શકે છે અને તમારી પાસે પૂરતી નાણાંકીય સુવિધા ન હોય તો પણ તબીબી ખર્ચની ચુકવણી તમારે કરવી પડી શકે છે.

વધુ જુઓ હેલ્થ ઇન્શ્યોરન્સની વિશેષતાઓ