ફેમિલી ફ્લોટર પૉલિસી હેઠળ કોને કવર કરી શકાતા નથી?

કોઈપણ વય જૂથની વ્યક્તિને હેલ્થ ઇન્શ્યોરન્સની જરૂર પડે છે અને હેલ્થ ઇન્શ્યોરન્સ પ્લાનના પ્રીમિયમના વધતા દરોને કારણે તમામ આવક વર્ગોના લોકો માટે તે વ્યાજબી હોય તેવું જરૂરી નથી. વધુમાં, ભારત જેવા દેશોમાં, બાળકો તેમનું શિક્ષણ પૂરું થયા પછી પણ માતાપિતા પર આધારિત હોય છે, અને જીવનના પાછલા તબક્કામાં માતાપિતા તેમની આર્થિક જરૂરિયાતો માટે તેમના બાળકો પર આધારિત હોય છે. આ સ્થિતિમાં ફેમિલી ફ્લોટર્સ અને ફેમિલી હેલ્થ ઇન્શ્યોરન્સ પ્લાન જેવી પૉલિસીઓ મદદે આવે છે.

ફેમિલી ફ્લોટર પૉલિસી શું છે?

ફેમિલી ફ્લોટર પૉલિસી માત્ર એક વ્યક્તિ જ નહીં પરંતુ પૉલિસીધારકના પરિવારને કવર કરી છે. આ લાભ એક જ પ્રીમિયમની ચુકવણી પર ઉપલબ્ધ છે અને વીમાકૃત રકમ પણ પૉલિસીધારકના પરિવાર વચ્ચે શેર કરવામાં આવે છે. તે પરિવારના વિવિધ મેમ્બરના એક થી વધુ હૉસ્પિટલાઇઝેશનને પણ કવર કરી શકે છે. ઉદાહરણ: શ્રી અગ્નિએ રુ.10 લાખની ફેમિલી ફ્લોટર પૉલિસી લીધી છે, જે પોતાને, તેમની પત્ની અને બે બાળકોને કવર કરે છે. હવે પૉલિસી વર્ષ દરમિયાન, શ્રી અગ્નિને ડેન્ગ્યુ થયાનું નિદાન કરવામાં આવ્યું અને તેમના હૉસ્પિટલાઇઝેશન ખર્ચ રુ.3.5 લાખ થયો હતો. તેમણે ક્લેઇમ રજૂ કર્યો અને તેને સ્વીકારવામાં આવ્યો. હવે બાકીના વર્ષ માટે રુ.6.5 લાખનો ઉપયોગ પરિવારના 4 માંથી કોઈપણ મેમ્બર દ્વારા કરી શકાય છે. જો વર્ષના પાછલા મહિનાઓમાં, શ્રી અગ્નિની દીકરીને મલેરિયા થાય અને તેણીનો ખર્ચ રુ.1.5 લાખ સુધીનો હોય, તો તે જ પૉલિસી હેઠળ ક્લેઇમ કરી શકાય છે. કેટલીક પૉલિસીઓમાં ફેમિલી ફ્લોટર પૉલિસીના અલગ-અલગ વેરિએશન પણ છે જ્યાં તેઓ પરિવારના દરેક વ્યક્તિ માટે અલગ કવર ધરાવે છે અને પછી ઓવરઓલ ફ્લોટિંગ વીમા રકમ ધરાવે છે.

ફ્લોટર પૉલિસી લેવાના ફાયદાઓ શું છે?

વાજબી: એકથી વધુ પૉલિસી લેવાથી વ્યક્તિના ખર્ચમાં વધારો થઈ શકે છે. પરિવાર માટે હેલ્થ ઇન્શ્યોરન્સ પ્લાન તમારા બધા પ્રિયજનોને કવર કરે છે અને તુલનાત્મક રીતે તે સસ્તા છે. ઝંઝટ મુક્ત: તેના વડે તમે તમારા પરિવારની એકથી વધુ પૉલિસીઓને મેનેજ કરવાની ઝંઝટમાંથી મુક્ત થઈ શકો છો. ટૅક્સ લાભો: ચૂકવેલ પ્રીમિયમને ઇન્કમ ટૅક્સની ગણતરી માટે કુલ આવકમાંથી કપાત તરીકે દર્શાવી શકાય છે.

ફેમિલી ફ્લોટર પૉલિસી હેઠળ કોને કવર કરી શકાતા નથી?

ફ્લોટર પૉલિસીઓ પરિવારો માટે ઉપલબ્ધ હોવાથી, તેઓની વ્યાખ્યા અનુસાર પરિવાર શું છે અને ફેમિલી ફ્લોટર પૉલિસી હેઠળ કોને કવર કરી શકાતું નથી તે જાણવું મહત્વપૂર્ણ છે. સામાન્ય રીતે, દરેક પૉલિસીમાં પરિવારની વ્યાખ્યા પોતાની રીતે કરવામાં આવે છે, અને તેમાં સમાવેશ અને બાકાતના કેટલાક નિયમો હોય છે. પરિવારમાં જીવનસાથી, બાળકો, માતાપિતા અને સાસુ-સસરા શામેલ હોઈ શકે છે. જો કે કેટલીક પૉલિસીઓ હેઠળ પરિવારમાં 2 પુખ્ત વ્યક્તિઓ સુધી સમાવેશ થાય છે, જ્યારે કેટલીક પૉલિસીઓ એક જ પૉલિસી હેઠળ 4 પુખ્તો સુધી સમાવે છે.

શું તમારે તમારી ફ્લોટર પૉલિસીમાં તમારા માતાપિતાનો સમાવેશ કરવો જોઈએ?

તમારા પૉલિસી પ્રોવાઇડર અનુસાર ફ્લોટર પૉલિસીઓની વય મર્યાદા 60 અથવા 65 વર્ષ હોય છે. જો તમારા માતાપિતાની ઉંમર તેથી વધુ હોય, તો તેઓને ફ્લોટર હેઠળ કવર કરી શકાતા નથી અને તમારે તેમના માટે અલગ પૉલિસી ખરીદવાની રહેશે. પરંતુ જો તેઓ માપદંડની અંદર હોય તો પણ નીચેના કારણોસર તેમને અલગ પૉલિસી ખરીદવાની સલાહ આપવામાં આવે છે:

• પ્રીમિયમની રકમ: જેમ વીમાકૃત વ્યક્તિની ઉંમર વધે છે, તેમ પ્રીમિયમની રકમ પણ વધે છે. તેથી જો તમારા માતાપિતાને પણ સમાન પૉલિસીમાં કવર કરવામાં આવે છે, તો તમારા ફ્લોટર પ્રીમિયમની રકમ વધી શકે છે.
• કવર કરવામાં આવતા રોગો: હેલ્થ ઇન્શ્યોરન્સ પૉલિસી લેતા પહેલાં તબીબી તપાસ કરાવવી જરૂરી છે. જો માતાપિતા હાલમાં કોઈ ચોક્કસ પહેલેથી હોય તેવી બીમારીઓ, તો પૉલિસી હેઠળ તે પ્રકારના રોગો માટે કવરેજ પ્રદાન કરવામાં ન આવે તે શક્ય છે
• નો ક્લેઇમ બોનસ: જો તમે પૉલિસી વર્ષ દરમિયાન કોઈ ક્લેઇમ કરતા નથી, તો તમને આગામી વર્ષમાં કેટલુંક બોનસ મળી શકે છે. જો તમારી સાથે વૃદ્ધ લોકોને પણ આવરી લેવામાં આવેલ છે, તો ક્લેઇમ ન થાય તેની શક્યતા ઓછી છે. આના કારણે તમને નો ક્લેઇમ બોનસનો લાભ ન મળે તેમ બની શકે છે, અને તેથી તમારા ખર્ચમાં સંભવિત બચત તમારે જતી કરવી પડી શકે છે.

શું તમારે તમારી ફ્લોટર પૉલિસીમાં તમારા બાળકોનો સમાવેશ કરવો જોઈએ અથવા તેમને માટે અલગ પૉલિસી ખરીદવી જોઈએ?

પરિવારમાં તમારા બાળકોનો સમાવેશ થતો જ હોય છે, પરંતુ પ્રશ્ન એ છે કે શું તેઓ તમારી ફ્લોટર પૉલિસીનો ભાગ હોવો જોઈએ કે તેમની અલગ પૉલિસી હોવી જોઈએ. અહીં, નિષ્ણાતો સૂચવે છે કે જો બાળકો આશ્રિત હોય, તો તેઓને ફ્લોટર હેઠળ કવર કરી શકાય છે પરંતુ જો બાળકો આર્થિક રીતે સ્વતંત્ર હોય, તો તેમના માટે અલગ પૉલિસી હોવી સલાહભર્યું છે. આનું કારણ એ છે કે તેમને વધુ કવરેજની જરૂરિયાત હોઈ શકે છે અને વધુ કવરેજ સાથેની ફેમિલી ફ્લોટર પૉલિસીઓ સરખામણીમાં મોંઘી હોઈ શકે છે. ઉપરાંત, તેઓ તેમની આવકમાંથી કર કપાતનો લાભ મેળવી શકે છે. પતિ-પત્ની, અને જો તેમના બાળકો યુવા હોય, તો ફ્લોટર પૉલિસી ખરીદવી યોગ્ય છે. પરંતુ વ્યક્તિગત પૉલિસી અથવા ફ્લોટર પૉલિસીઓ પસંદ કરવી કે નહીં તે નક્કી કરવું એ વ્યક્તિ પર આધાર રાખે છે.

વારંવાર પૂછાતા પ્રશ્નો:

1. શ્રી ધીરજનો પ્રશ્ન, શું હું ફેમિલી ફ્લોટર પૉલિસીમાં મારી પત્નીના માતાપિતાને કવર કરી શકું? તે તેમનું એક માત્ર સંતાન નથી અને તેઓ તેના પર નિર્ભર નથી.

હા, તમે ફેમિલી ફ્લોટર પૉલિસીમાં તમારા સાસુ-સસરાને કવર કરી શકો છો. તમારા સાસુ-સસરા તમારા જીવનસાથી પર આધારિત છે કે નહીં તે મહત્વનું નથી.

2. મિસ રિયાનો પ્રશ્ન, "શું હું ફેમિલી ફ્લોટર પૉલિસીમાં મારા કાકાનો સમાવેશ કરી શકું? તે આર્થિક રીતે મારા પર નિર્ભર છે”.

ના, તમારા કાકા અથવા કાકી, તેઓ તમારા પર નિર્ભર હોય કે ન હોય, તેમને તમારી ફેમિલી ફ્લોટર પૉલિસીમાં શામેલ કરી શકતા નથી.