હેલ્થ ઇન્શ્યોરન્સ હેઠળ પ્રસૂતિ લાભો

હેલ્થ ઇન્શ્યોરન્સમાં મેટરનિટી કવરના કયા લાભો છે?

હેલ્થ ઇન્શ્યોરન્સ પ્લાનમાં મેટરનિટી કવર એ એક જોગવાઈ છે, જેમાં બાળજન્મ અને માતા અને તેના નવજાત બાળકના સ્વાસ્થ્યની સંભાળ માટેના ખર્ચને વહન કરવા માટે તૈયાર કરવામાં આવેલ છે.

વધતા ફુગાવાને કારણે દરરોજ માતૃત્વ સંભાળના તબીબી ખર્ચ વધી રહ્યા છે. અને તે જ સમયે પ્રસૂતિના લાભો સાથેનો હેલ્થ ઇન્શ્યોરન્સ મદદમાં આવે છે.

તમે કયા પ્રસૂતિના લાભોની અપેક્ષા રાખી શકો છો?

1) પ્રસૂતિ પહેલા અને પછીનું કવર

ગર્ભવતી માતાને સતત સંભાળની જરૂર પડે છે. પ્રસૂતિ માટે જતા પહેલાં પણ, ઘણી બધી આરોગ્ય તપાસ અને દવાઓની જરૂર પડતી હોય છે. વધુમાં, આ તપાસ અને દવાઓ બાળકના જન્મ બાદ તરત જ બંધ થતી નથી. મેટરનિટી કવર માતા અને બાળક બંને માટે, પ્રસૂતિની સંભવિત તારીખથી 30 દિવસ પહેલાં અને ડિલિવરી પછી 30-60 દિવસના (તમારા હેલ્થ પ્લાનના આધારે) તમામ તબીબી ખર્ચની કાળજી લે છે.

2) ડિલિવરી કવર

અનુભવી ડોકટરોની મદદથી સ્વસ્થ બાળકની ડિલિવરી માટે પૈસાનો ખર્ચ કરવો પડે છે. ડિલિવરીની પદ્ધતિ, સામાન્ય અથવા સિઝેરિયન, અનુસાર ચોક્કસ સબ-લિમિટ સાથે મેટરનિટી કવર દ્વારા આ રકમ ચૂકવવામાં આવશે.

3) નવજાત બાળકનું કવર

જો નવજાતને જન્મજાત રોગો અને અન્ય જટિલતાઓ માટે વિશેષ સંભાળની જરૂર હોય, તો કેટલાક હેલ્થ પ્લાન્સ જન્મથી 90 દિવસ સુધીના ખર્ચને આવરી લે છે.

4) વેક્સિનેશન કવર

તમારા હેલ્થ પ્લાનના આધારે, તમારા પ્રસૂતિ લાભ દ્વારા બાળકના ફરજિયાત રસીકરણને પણ આવરી લેવામાં આવી શકે છે. સામાન્ય રીતે 1st જન્મ વર્ષ માટે પોલિયો માટે રસીકરણ, ટિટનસ, ડિફ્થેરિયા, વ્હુપિંગ કફ, ઓરી અને હેપેટાઇટિસ માટેના રસીકરણના ખર્ચને આવરી લેવામાં આવે છે.

મેટરનિટી કવર બાળકના જીવનના પ્રથમ વર્ષ માટે પ્રસૂતિ પહેલા અને પછીની સંભાળ અને નવજાતના તબીબી ખર્ચ સંબંધિત અન્ય ખર્ચને પણ આવરી લે છે. તમારા હેલ્થ પ્લાનમાં મેટરનિટી કવર હોવાથી તમે મનની શાંતિ જાળવી શકો છો અને માતૃત્વનો સંપૂર્ણપણે આનંદ માણી શકો છો.

વધુ જુઓ હેલ્થ ઇન્શ્યોરન્સની વિશેષતાઓ