રિસ્પેક્ટ સિનિયર કેર રાઇડર: 9152007550 (મિસ્ડ કૉલ)

સેલ્સ: 1800-209-0144 સર્વિસ ચૅટ: +91 75072 45858

અંગ્રેજી

Claim Assistance
Get In Touch
Two Separate Car Insurance Policies
17 ઓગસ્ટ, 2022

શું બે અલગ કંપનીઓ પાસેથી બે અલગ કાર ઇન્શ્યોરન્સ પૉલિસીઓ હોવી શક્ય છે?

મોટર વાહન અધિનિયમ મુજબ કાર ઇન્શ્યોરન્સ હોવો ફરજિયાત છે, જે તમને અકસ્માત, ચોરી અને કુદરતી આપત્તિઓને કારણે ઉદ્ભવતા આર્થિક નુકસાન સામે સુરક્ષિત કરે છે. ઇન્શ્યોરન્સ કવર વગર કાર ચલાવવાથી ભારે દંડ થઈ શકે છે અને દંડ થાય તેમ કોઈ ઈચ્છતું નથી. તેથી, દરેક માલિકે ખરીદવું આવશ્યક છે એક કાર ઇન્શ્યોરન્સ પૉલિસી, જે કાયદાના પાલન માટે જરૂરી છે અને તે તેમના વાહનને સુરક્ષિત કરે છે. પરંતુ શું તમે ક્યારેય વિચાર્યું છે, કે જો તમે બે અલગ કાર ઇન્શ્યોરન્સ પ્લાન ખરીદ્યા હોય તો શું થશે? આ લેખમાં ડબલ ઇન્શ્યોરન્સ કવરેજ ખરીદવા અંગેની કાનૂની સમજણ અને સલાહ આપવામાં આવેલ છે. વધુ જાણવા માટે આગળ વાંચો.

બે કાર ઇન્શ્યોરન્સ પ્લાનને સંબંધિત કાનૂની બાબતો

બે કાર ઇન્શ્યોરન્સ પૉલિસીઓ હોવી એ કાયદાની દ્રષ્ટિએ માન્ય છે. પૉલિસીધારક એક કાર માટે બે ઇન્શ્યોરન્સ પ્લાન ન ખરીદી શકે તેવું કોઈ કાયદા હેઠળ જણાવેલ નથી. જો કે, આમ કરવાની સલાહ આપવામાં આવતી નથી. સામાન્ય રીતે, એક જ ઇન્શ્યોરન્સ કંપની એ જ વાહન માટે બીજું ઇન્શ્યોરન્સ કવર પ્રદાન કરતી નથી. આમ કરવાનું તાર્કિક કારણ 'અન્યાયી સંવર્ધન' નો સિદ્ધાંત છે, જેમાં પૉલિસીધારક બે વાર ઇન્શ્યોરન્સ ક્લેઇમ કરવાનો લાભ લઈ શકે છે. બીજી તરફ, કેટલાક ઇન્શ્યોરરની દ્રષ્ટિએ એ જ વાહન માટે કવરેજ ઑફર કરવું કાયદા વિરૂદ્ધનું માનવામાં આવી શકે છે. જો કે, જો તમે એક જ વાહન માટે બીજી વખત કાર ઇન્શ્યોરન્સ પૉલિસી ખરીદવા માંગો છો, તો તમે તેને અલગ ઇન્શ્યોરન્સ કંપની પાસેથી ખરીદી શકો છો. વધુમાં, તમારે આ અન્ય ઇન્શ્યોરન્સ કવર માટે અલગ પ્રીમિયમ ચૂકવવાનું રહેશે. ધ્યાનમાં રાખો કે બે અલગ પ્લાન માટે ચુકવણી મોંઘી સાબિત થઈ શકે છે, તેમજ એક જ વાહન માટે એકંદર વધારે પ્રીમિયમ ચૂકવવાનું રહેશે. * સ્ટાન્ડર્ડ નિયમો અને શરતો લાગુ

શું તમારે એક જ વાહન માટે બે કાર ઇન્શ્યોરન્સ પ્લાન ખરીદવા જોઈએ?

ઉપર ચર્ચા કર્યા મુજબ, બે ઇન્શ્યોરન્સ પૉલિસીઓ ધરાવવી ગેરકાયદેસર નથી, પરંતુ તેમ કરવાની ભલામણ કરવામાં આવતી નથી. તેમ કરવાથી એક અથવા બંને ઇન્શ્યોરન્સ કંપનીઓની શરતોનું ઉલ્લંઘન થઈ શકે છે, જેને કારણે સરવાળે તમારો ક્લેઇમ નકારવામાં પણ આવી શકે છે. જો પ્રથમ ઇન્શ્યોરરને અન્ય ઇન્શ્યોરન્સ કંપની વિશે જાણ થાય છે, તો તેઓ ભવિષ્યના કોઈપણ ક્લેઇમ માટે વળતર ચૂકવવાનું અન્ય ઇન્શ્યોરરને કહી શકે છે. આ રીતે, ઇન્શ્યોરર દ્વારા ક્લેઇમના વળતરની ચુકવણી કરવામાં આવતી નથી અથવા તેમાં નોંધપાત્ર વિલંબ પણ થઈ શકે છે.

ડબલ ઇન્શ્યોરન્સ કવર ખરીદવાના નુકસાન શું છે?

  • બે ઇન્શ્યોરન્સ કવરની ખરીદી, ભલે પછી તે કોમ્પ્રિહેન્સિવ કે થર્ડ પાર્ટી કાર ઇન્શ્યોરન્સહોય, તેના કારણે ક્લેઇમના સેટલમેન્ટમાં વિલંબ થઈ શકે છે.
  • બે ઇન્શ્યોરન્સ કવર ખરીદવાથી નુકસાન માટે વધારાનું વળતર પ્રદાન કરવામાં આવતું નથી, કારણ કે તેમ કરવું એ પૉલિસીધારકને અયોગ્ય રીતે લાભ કરાવે છે. આમ, માત્ર એક જ ઇન્શ્યોરન્સ કવર નુકસાન માટે વળતર આપે છે.
  • બે ઇન્શ્યોરન્સ પ્લાનને કારણે માત્ર પ્રીમિયમની રકમમાં વધારો થાય છે અને અતિરિક્ત કોઈ વાસ્તવિક લાભ મળતો નથી.
* સ્ટાન્ડર્ડ નિયમો અને શરતો લાગુ

બે ઇન્શ્યોરન્સ પૉલિસીઓ તમને ક્યારે લાભ આપી શકે છે?

જ્યારે તમે અલગ ઇન્શ્યોરન્સ પ્લાનને તેના કવરેજમાં ઓવરલૅપ વગર ખરીદો છો, ત્યારે જ તમે લાભ મેળવી શકો છો. ઉદાહરણ તરીકે, તમે એક ઇન્શ્યોરરનો થર્ડ-પાર્ટી કાર ઇન્શ્યોરન્સ પ્લાન ધરાવો છો. તેનો વ્યાપ વિસ્તૃત કરવા માટે, તમે તે જ અથવા અન્ય ઇન્શ્યોરન્સ કંપની પાસેથી સ્ટેન્ડઅલોન ઓન ડેમેજ કવર ખરીદો છો. આ પરિસ્થિતિમાં, આ બંને ઇન્શ્યોરન્સ કવર અલગ-અલગ લાભ આપે છે, જે અલગ પરિસ્થિતિઓમાં પ્રાપ્ત થાય છે. થર્ડ પાર્ટીને થયેલા નુકસાન અને ઈજાઓની કાળજી થર્ડ પાર્ટી પ્લાન હેઠળ કવર કરી લેવામાં આવે છે, જ્યારે તમારી કાર માટે જરૂરી રિપેરને ઓન ડેમેજ કવર હેઠળ કવર કરી લેવામાં આવે છે. * સ્ટાન્ડર્ડ નિયમો અને શરતો લાગુ સારાંશ એ છે કે, એક જ વાહન માટે એક સમાન કવરેજ આપતું ડબલ ઇન્શ્યોરન્સ કવર ખરીદવું ગેરકાયદેસર નથી, પરંતુ તે ક્લેઇમના સેટલમેન્ટમાં માત્ર મૂંઝવણ અને બિનજરૂરી વિલંબમાં પરિણમે છે. તેથી, તેને ટાળવું જોઈએ. વિવિધ પૉલિસીઓ પસંદ કરતી વખતે, તેની ખરીદીને અંતિમ સ્વરૂપ આપતા પહેલાં પ્રીમિયમની રકમ જાણવા માટે કાર ઇન્શ્યોરન્સ પ્રીમિયમ કૅલ્ક્યૂલેટર તમને મદદરૂપ થઈ શકે છે. ઇન્શ્યોરન્સ એ વિનંતીનો વિષય છે. લાભો, બાકાત, મર્યાદાઓ, નિયમો અને શરતો વિશે વધુ વિગતો માટે, કૃપા કરીને વેચાણ પૂર્ણ કરતા પહેલાં સેલ બ્રોશર/પૉલિસી નિયમાવલીને કાળજીપૂર્વક વાંચો.  

શું આ લેખ ઉપયોગી હતો? તેને રેટિંગ આપો

સરેરાશ રેટિંગ 5 / 5. વોટની સંખ્યા: 1

હજુ સુધી કોઈ વોટ મળેલ નથી! આ પોસ્ટને સૌ પ્રથમ રેટિંગ તમે આપો.

શું આ લેખ પસંદ આવ્યો?? તેને તમારા મિત્રો સાથે શેર કરો!

તમારા વિચારો શેર કરો. નીચે કોમેન્ટ લખો!

જવાબ આપો

તમારું ઇમેઇલ ઍડ્રેસ પ્રકાશિત કરવામાં આવશે નહીં. તમામ ફિલ્ડ ભરવા જરૂરી છે