ભારતમાં ગણતંત્ર દિવસનું શું મહત્વ છે?

1950 થી, દર વર્ષે 26 જાન્યુઆરીનો દિવસ ભારતમાં ગણતંત્ર દિવસ તરીકે ઉજવવામાં આવે છે. 1950 માં આ દિવસે ભારતીય બંધારણ અસ્તિત્વમાં આવ્યું હતું. નોંધ કરવા જેવી રસપ્રદ બાબત એ છે કે ભારતને બ્રિટિશ શાસનમાંથી 15 ઓગસ્ટ 1947 ના દિવસે આઝાદી મળી હતી, જેને ભારતના સ્વતંત્રતા દિવસ તરીકે ઉજવવામાં આવે છે. જો કે, ભારતીય સંવિધાન સૌ પ્રથમ 26 નવેમ્બર 1949 ના રોજ અપનાવવામાં આવ્યું હતું. પરંતુ આ વિશાળ રાષ્ટ્રનું એકીકરણ અને વિવિધ સંસ્કૃતિઓને એકીકૃત કરવાનું કાર્ય 26 જાન્યુઆરી 1950, એટલે કે, જ્યારે ભારતીય સંવિધાન અમલમાં આવ્યું ત્યાં સુધી ચાલી રહ્યું હતું.

ભારતમાં ગણતંત્ર દિવસનું મહત્વ

ભારતનું બંધારણ એ એક વિશાળ દસ્તાવેજ છે જે ભારત સરકાર અને ભારતીય નાગરિકોની કાર્યપ્રણાલી, સત્તા, ફરજો, મૂળભૂત અધિકારો અને નિર્દેશાત્મક સિદ્ધાંતો દર્શાવે છે. ભારતીય સંવિધાનનો માર્ગદર્શક સિદ્ધાંત એ છે કે “લોકોનું, લોકો માટે અને લોકો દ્વારા છે", જે દર્શાવે છે કે સત્તા ભારતના નાગરિકોના હાથમાં નિહિત છે. ગણતંત્ર દિવસ એ પોતાની સરકાર પસંદ કરવા માટે ભારતીય નાગરિકોના સશક્તિકરણની ઉજવણી છે. ભારતીય સંવિધાનના સ્થાપનાની પ્રક્રિયાને યાદ કરવા માટે અને આદરરૂપે આ એક રાષ્ટ્રીય રજા છે.

ભારતમાં ગણતંત્ર દિવસની ઉજવણી

• ગણતંત્ર દિવસની પરેડ એ આ દિવસનું મુખ્ય આકર્ષણ છે. દિલ્હીના લોકો રાજપથ ખાતે પરેડમાં ભાગ લે છે. ઠંડીના સમયમાં, દિલ્હીના લોકો મોટી સંખ્યામાં એકત્રિત થાય છે અને સુંદર રજૂઆતોનો આનંદ માણે છે.
• ભારતના રાષ્ટ્રપતિ દ્વારા ધ્વજવંદન કરવામાં આવે છે અને તેઓ ભારતના બહાદૂર નાગરિકોને બહાદૂરી માટેના પુરસ્કારો - પરમવીર ચક્ર, વીર ચક્ર, અશોક ચક્ર, કીર્તિ ચક્ર અને બાળકોના રાષ્ટ્રીય વીરતા પુરસ્કાર પ્રદાન કરીને સન્માનિત કરે છે
• ભારતના વડાપ્રધાન દ્વારા, યુદ્ધમાં જીવ ગુમાવનાર શૂરવીરોને શ્રદ્ધાંજલિ અર્પવામાં આવે છે. તેઓ દિલ્હીની અમર જવાન જ્યોતિ ખાતે શહીદ સૈનિકોના સન્માનરૂપે શ્રદ્ધાંજલિ આપે છે.
• ગણતંત્ર દિવસ પરેડનું નેતૃત્વ ભારતીય સશસ્ત્ર દળોના ત્રણ વિભાગો દ્વારા કરવામાં આવે છે - નેવી, એર ફોર્સ અને ભારતીય સેના. આ ઉપરાંત, અનેક સાંસ્કૃતિક ટેબ્લો, કૂચ કરતા સૈનિકો, મિલિટરી બેન્ડની રેલી, એરક્રાફ્ટ શો અને લશ્કરી વાહનો પર અદ્ભુત કૌશલ્ય અને સાહસનું પ્રદર્શન કરવામાં આવે છે.
• આ દિવસે ભારતની શાળાઓમાં રજા હોય છે, પરંતુ વિદ્યાર્થીઓ શાળાએ આવે છે અને ધ્વજવંદન કરીને, નૃત્યો, નાટિકાઓ ભજવીને અને મીઠાઈઓનો આનંદ લઈને આ રાષ્ટ્રીય દિવસની ઉજવણી કરે છે.

ગણતંત્ર દિવસની પરેડ એ વિશ્વની સૌથી અદ્ભુત પરેડમાંથી એક છે. દિલ્હીમાં ગણતંત્ર દિવસના ઉજવણીની ભવ્યતા જોવા માટે આ સમય દરમિયાન વિશ્વના અનેક ખૂણેથી લોકો ખાસ કરીને ભારતની મુલાકાત લે છે. તો શું તમે આ ભવ્ય ઉજવણીને જોવા માટે તમારી ટિકિટ બુક કરાવી લીધી?? તમે જ્યારે તમારી ફ્લાઇટ ટિકિટ બુક કરાવો, ત્યારે પર્યાપ્ત ટ્રાવેલ ઇન્શ્યોરન્સ પ્લાન ખરીદવાનું ભૂલશો નહીં, જેથી કરીને તમારા પરિવાર અને મિત્રો સાથે આ યાદગાર મુસાફરી દરમિયાન તમે આર્થિક રીતે સુરક્ષિત રહી શકો.