આંતરરાષ્ટ્રીય નૃત્ય દિવસ – સ્વાસ્થ્ય માટે લાભકારક એવા 7 પ્રકારના નૃત્ય

દર વર્ષે 29 એપ્રિલને આંતરરાષ્ટ્રીય નૃત્ય દિવસ તરીકે ઉજવવામાં આવે છે, 1982 માં આંતરરાષ્ટ્રીય નૃત્ય પરિષદ દ્વારા નૃત્ય દિવસની શરૂઆત કરવામાં આવી હતી. આ દિવસનો મુખ્ય હેતુ ડાન્સને કલાના સ્વરૂપ તરીકે પ્રોત્સાહન આપવાનો છે. નૃત્ય માત્ર એક કલાનો પ્રકાર જ નથી પરંતુ તે આપણાં સ્વાસ્થ્ય માટે પણ ફાયદાકારક છે, 30-મિનિટનું નૃત્ય એ જૉગિંગના સેશન બરાબર છે. તે તમારા હૃદય માટે સારું છે જે તમને મજબૂત બનાવે છે અને સંતુલન અને સમન્વયમાં મદદ કરે છે. આ પ્રસંગે, અમે નૃત્યના કેટલાક સ્વરૂપો સૂચિબદ્ધ કરીએ છીએ જે તમારા સ્વાસ્થ્ય માટે ફાયદાકારક તેમજ આનંદદાયક છે:

1. બૅલે

બૅલેની કસરત તમારા સંપૂર્ણ શરીરમાં શક્તિનો સંચાર કરે છે અને તમારા પગની અંદરના નાના સ્નાયુઓથી લઇને તમારી કમર, નિતંબ અને પિંડીના મોટા સ્નાયુઓ બનાવવામાં મદદ કરે છે. નૃત્યની પ્રકૃતિ અને તેના સ્ટેપ્સને કારણે, તે નિતંબ અને શરીરના નીચેના ભાગોને મજબૂત બનાવે છે. પરંતુ બૅલે ડાન્સ માત્ર લોઅર બોડીને મજબૂત બનાવતો હોવાથી, બૅલે ડાન્સર પાઇલેટ ક્લાસ પસંદ કરે છે, જેમાં ફ્રી-વેઇટ ઊચકવું અને અન્ય મસલ-બિલ્ડિંગ જેવી પ્રવૃત્તિઓ હોય છે, જે તેમના શરીરના ઉપરના ભાગ ટોર્સો, કોર અને અપર લેગને મજબૂત બનાવે છે.

2. સ્વિંગ ડાન્સ

સ્વિંગ એ ઍરોબિક્સનું જ એક વિસ્તૃત અને જોશીલું સ્વરૂપ છે. તે શરીરનું વજન ઊચકીને તમારા હાડકાંને મજબૂત બનાવે છે. સ્વિંગ ડાન્સમાં પ્રતિ સેશન 300 કેલરી જેટલી ખર્ચાઈ શકે છે. આ પ્રકારમાં સંપૂર્ણ શરીરનું વર્કઆઉટ થાય છે.

3. બૅલી ડાન્સ

બૅલી ડાન્સિંગ એ વ્યાયામ કરવાની એક મજેદાર રીત છે, તે શરીર અને સ્નાયુઓને સુડોળ બનાવવાની સાથે તણાવ ઘટાડવામાં પણ મદદ કરે છે. બૅલી ડાન્સર તેમના ધડનો, ડાન્સના અન્ય પ્રકાર કરતાં ઘણો ઉપયોગ કરે છે, જે તેમની કમર અને પીઠના સ્નાયુઓને સમાન રીતે બનાવવામાં મદદ કરે છે. તે તેમના હાથ મજબૂત બનાવે છે કારણ કે તેમના હાથ લાંબા સમય સુધી હવામાં ઉપર રહે છે. ઉપરોક્ત લાભો ઉપરાંત તે પાચનમાં પણ મદદ કરે છે અને બાળકના જન્મ માટે નિતંબના ભાગને તૈયાર કરે છે.

4. ઝુમ્બા

ઝુમ્બા એ ઍરોબિક્સનું વધુ અને ઓછી તીવ્રતા ધરાવતું સ્વરૂપ છે જે મુખ્યત્વે શરીરના મધ્ય ભાગ પર અસર કરે છે. કોર ઉપરાંત તે હાથ, પગ અને નિતંબ પણ મજબૂત બનાવે છે. 60-મિનિટના ઝુમ્બા સેશનમાં સરેરાશ 369 કેલરી ખર્ચ થાય છે. આ લેટિન અસર ધરાવતું નૃત્ય સ્વરૂપ વિશ્વભરમાં સૌથી લોકપ્રિય પ્રકારની કસરતોમાંથી એક છે. ઝુમ્બામાં પણ ઍક્વા ઝુમ્બા તેમજ વજનનો ઉપયોગ કરતાં ઝુમ્બા જેવી વિવિધતાઓ છે. બાળકો માટે પણ ઝુમ્બાનો પ્રકાર ઉપલબ્ધ છે.

5. સાલસા

સાલ્સા હૃદય સહિતના લગભગ દરેક મુખ્ય સ્નાયુઓ પર ધ્યાન કેન્દ્રિત કરે છે. આ ડાન્સ ફોર્મમાં કોઈપણ પગલાં લેવા માટે હેમસ્ટ્રિંગ્સ, નિતંબ, પિંડી અને શરીરના મધ્ય ભાગનો અત્યંત ઉપયોગ કરવામાં આવે છે. હ્રદયના સ્નાયુઓમાં રક્ત અને ઑક્સિજન પ્રવાહમાં સુધારો કરીને ઝેરી પદાર્થો દૂર કરવાની સાથે સાથે નૃત્યનું આ સ્વરૂપ ફ્લેક્સિબિલિટીમાં પણ વૃદ્ધિ કરે છે. 30-મિનિટના સાલ્સા સેશનમાં 175-250 કેલરી ખર્ચ થાય છે.

6. ભરતનાટ્યમ

ભારતીય શાસ્ત્રીય નૃત્યનું આ સ્વરૂપ શારીરિક ક્ષમતા, ફ્લેક્સિબિલિટી અને સંતુલનમાં વૃદ્ધિ કરવાની સાથે સાથે સહનશક્તિમાં પણ વૃદ્ધિ કરે છે. નૃત્યનો આ પ્રકાર ઍરોબિક્સના સેશનના તમામ લાભો ધરાવે છે, તે તમારા રક્ત પરિભ્રમણને વધારે છે જે તમારા હૃદયને તંદુરસ્ત બનાવે છે. જટિલ મૂવમેન્ટ્સને કારણે, તે તમારા વજનને પણ નિયંત્રિત કરે છે. તે તમારા શરીરના નીચલા હિસ્સા, ખાસ કરીને જાંઘ અને પિંડીના સ્નાયુઓને મજબૂત બનાવે છે.

7. ઓડિસી

શાસ્ત્રીય નૃત્યોના સૌથી જટિલ સ્વરૂપોમાંથી એક એવું ઓડિસી વિવિધ શરીરના ભાગોનો સુમેળ જાળવી રાખે છે. આ નૃત્યમાં શરીરના તમામ ભાગોનો ઉપયોગ કરવામાં આવે છે, તેથી તે માત્ર કસરત જ નહીં, પરંતુ ચહેરા માટે એક પ્રકારનો યોગ પણ છે, કારણ કે આ નૃત્ય ચહેરાની અભિવ્યક્તિ વિના અપૂર્ણ છે. તે તમારા શરીરના સમગ્ર સહનશીલતા અને ફ્લેક્સિબિલિટીમાં સુધારો કરે છે, કારણ કે પ્રત્યેક પગલું તમને ભારતીય શિલ્પની અનુભૂતિ કરાવે છે. તમારા નૃત્યની પ્રત્યેક બીટનો આનંદ માણતાં માણતાં તમે તમારા શરીરને સ્વસ્થ બનાવો છો, ત્યારે તેની સાથે તમારો ઇન્શ્યોરન્સ ખરીદવો ભૂલશો નહીં, જે કટોકટીના સમયમાં તમને હેલ્થ ઇન્શ્યોરન્સ રૂપે મદદરૂપ નિવડી શકે છે અને કોઈપણ આર્થિક સંકટ સામે તમને સુરક્ષા પૂરી પાડે છે.