കോംപ്രിഹെന്‍സീവ് ഹെല്‍ത്ത് ഇൻഷുറൻസ്: ഹെല്‍ത്ത് കെയര്‍ സുപ്രീം

ക്ലെയിം ബൈ ഡയറക്ട് ക്ലിക്ക് (CDC)

ഹെൽത്ത് ക്ലെയിം ബൈ ഡയറക്ട് ക്ലിക്ക് എന്ന പേരിൽ ആപ്പ് അടിസ്ഥാനമാക്കിയുള്ള ഒരു ക്ലെയിം സമർപ്പിക്കൽ പ്രോസസ് ബജാജ് അലയൻസ് ജനറൽ ഇൻഷുറൻസ് അവതരിപ്പിക്കുന്നു.

രൂ. 20,000 വരെയുള്ള ക്ലെയിമുകൾക്കായി ആപ്പ് വഴി തന്നെ ക്ലെയിം ഡോക്യുമെന്‍റുകൾ രജിസ്റ്റർ ചെയ്യാനും സമർപ്പിക്കാനും ഈ സൗകര്യം നിങ്ങളെ അനുവദിക്കുന്നു.

നിങ്ങൾ എന്താണ് ചെയ്യേണ്ടത്:

• ഇൻഷുറൻസ് വാലറ്റ് ആപ്പിൽ നിങ്ങളുടെ പോളിസിയും കാർഡ് നമ്പറും രജിസ്റ്റർ ചെയ്യുക.
• ആപ്പിൽ നിങ്ങളുടെ പോളിസിയും ഹെൽത്ത് കാർഡ് നമ്പറും രജിസ്റ്റർ ചെയ്യുക.
• ക്ലെയിം രജിസ്റ്റർ ചെയ്യുക.
• ക്ലെയിം ഫോം പൂരിപ്പിച്ച് ആശുപത്രിയുമായി ബന്ധപ്പെട്ട ഡോക്യുമെന്‍റുകൾ ക്രമീകരിക്കുക.
• ആപ്പ് മെനു ഉപയോഗിച്ച് ഡോക്യുമെന്‍റുകൾ അപ്‍ലോഡ് ചെയ്യുക.
• കൂടുതൽ പ്രോസസ്സിംഗിനായി ക്ലെയിമുകൾ സമർപ്പിക്കുക.
• ഏതാനും മണിക്കൂറിനുള്ളിൽ സ്ഥിരീകരണം നേടുക.

ക്യാഷ്‌ലെസ് ക്ലെയിം പ്രോസസ് (നെറ്റ്‌വർക്ക് ആശുപത്രിയിലെ ചികിത്സയ്ക്ക് മാത്രം ബാധകം)

നെറ്റ്‌വർക്ക് ആശുപത്രികളിലെ ക്യാഷ്‌ലെസ് സൗകര്യം വർഷം മുഴുവൻ സേവനത്തിൽ തടസ്സമില്ലാതെ 24x7 ലഭ്യമാണ്. ക്യാഷ്‌ലെസ് സെറ്റിൽമെന്‍റ് ലഭ്യമാക്കാൻ കഴിയുന്ന ആശുപത്രികളുടെ പട്ടിക മാറ്റത്തിനു വിധേയമാണ്, അത് മുന്നറിയിപ്പ് ഇല്ലാതെ മാറ്റാൻ സാധ്യതയുണ്ട്. അഡ്മിറ്റ് ചെയ്യപ്പെടുന്നതിന് മുമ്പ് നിങ്ങൾ ഹോസ്പിറ്റൽ ലിസ്റ്റ് പരിശോധിക്കണം. അപ്ഡേറ്റ് ചെയ്ത ലിസ്റ്റ് ഞങ്ങളുടെ വെബ്സൈറ്റിലും കോൾ സെന്‍ററിലും ലഭ്യമാണ്. ക്യാഷ്‌ലെസ് സൗകര്യം പ്രയോജനപ്പെടുത്തുന്ന സമയത്ത് ബജാജ് അലയൻസ് ഹെൽത്ത് കാർഡും ഒരു ഗവൺമെന്‍റ് ID പ്രൂഫും നിർബന്ധമാണ്.

നിങ്ങൾ ക്യാഷ്‌ലെസ് ക്ലെയിമുകൾ തിരഞ്ഞെടുക്കുമ്പോൾ, താഴെപ്പറയുന്ന ഘട്ടങ്ങൾ പിന്തുടരുക:

• ചികിത്സിക്കുന്ന ഡോക്ടർ/ആശുപത്രി പൂരിപ്പിച്ച് ഒപ്പിടുകയും അംഗം/രോഗി ഒപ്പിടുകയും ചെയ്ത പ്രീ-ഓതറൈസേഷൻ അപേക്ഷാ ഫോം ആശുപത്രിയുടെ ഇൻഷുറൻസ് ഡെസ്കിൽ നിന്ന് നേടുക.
• നെറ്റ്‌വർക്ക് ഹോസ്പിറ്റൽ ഹെൽത്ത് അഡ്മിനിസ്ട്രേഷൻ ടീമിലേക്ക് (HAT) അപേക്ഷ ഫാക്സ് ചെയ്യും.
• HAT ഡോക്ടർമാർ പ്രീ-ഓതറൈസേഷൻ അപേക്ഷാ ഫോം പരിശോധിക്കുകയും പോളിസി മാർഗ്ഗനിർദ്ദേശങ്ങൾ അനുസരിച്ച് ക്യാഷ്‌ലെസ് ലഭ്യത തീരുമാനിക്കുകയും ചെയ്യും.
• പ്ലാനിനെയും അതിന്‍റെ ആനുകൂല്യങ്ങളെയും ആശ്രയിച്ച് 3 മണിക്കൂറിനുള്ളിൽ അംഗീകരിച്ചുകൊണ്ടുള്ള കത്ത് (AL)/നിരാകരണ കത്ത്/അധികമായവ ആവശ്യപ്പെട്ടുകൊണ്ടുള്ള കത്ത് അയയ്ക്കുന്നതാണ്.
• ഡിസ്ചാർജ് ചെയ്യുന്ന സമയത്ത്, ഹോസ്പിറ്റൽ അന്തിമ ബിൽ, ഡിസ്ചാർജ് വിവരങ്ങൾ എന്നിവ HAT ന് നൽകുകയും അവരുടെ വിലയിരുത്തലിനെ അടിസ്ഥാനമാക്കി അന്തിമ സെറ്റിൽമെന്‍റ് പ്രോസസ് ചെയ്യുന്നതുമാണ്.

ശ്രദ്ധിക്കേണ്ട പ്രധാന കാര്യങ്ങൾ

• മുൻകൂട്ടി പ്ലാൻ ചെയ്ത് ആശുപത്രിയിൽ പ്രവേശിക്കുന്ന സാഹചര്യത്തിൽ, പ്രവേശനത്തിനായുള്ള നെറ്റ്‌വർക്ക് ആശുപത്രിയുടെ നടപടിക്രമം അനുസരിച്ച് നിങ്ങളുടെ പ്രവേശനം രജിസ്റ്റർ/റിസർവ്വ് ചെയ്യുക.
• നെറ്റ്‌വർക്ക് ആശുപത്രിയിൽ പ്രവേശനം ലഭിക്കുന്നത് കിടക്കയുടെ ലഭ്യത അനുസരിച്ചാണ്.
• ക്യാഷ്‌ലെസ് സൗകര്യം എപ്പോഴും നിങ്ങളുടെ പോളിസിയുടെ നിബന്ധനകൾക്കും വ്യവസ്ഥകൾക്കും വിധേയമാണ്.
• പോളിസിയിൽ ഇനിപ്പറയുന്നവ ഉൾപ്പെടുന്നില്ല : ടെലിഫോൺ ബന്ധുക്കൾക്കുള്ള ഭക്ഷണവും പാനീയങ്ങളും ടോയ്‌ലറ്ററീസ് മേല്‍പ്പറഞ്ഞ സേവനങ്ങളുടെ ചെലവ് നിങ്ങള്‍ വഹിക്കുകയും ഡിസ്‍ചാര്‍ജ്ജ് ചെയ്യുന്നതിന് മുമ്പ് നേരിട്ട് ആശുപത്രിയില്‍ അടയ്ക്കുകയും വേണം.
• മേല്‍പ്പറഞ്ഞ സേവനങ്ങളുടെ ചെലവ് നിങ്ങള്‍ വഹിക്കുകയും ഡിസ്‍ചാര്‍ജ്ജ് ചെയ്യുന്നതിന് മുമ്പ് നേരിട്ട് ആശുപത്രിയില്‍ അടയ്ക്കുകയും വേണം.
• ഇൻ-റൂം റെന്‍റ് നഴ്സിംഗ് നിരക്കുകൾ ഉൾപ്പെടുന്നു. എന്നിരുന്നാലും, ഉയർന്ന ചെലവുള്ള മുറി ഉപയോഗിക്കുകയാണെങ്കിൽ കൂടുതലായ നിരക്കുകൾ നിങ്ങൾ വഹിക്കേണ്ടതാണ്.
• പോളിസി നിബന്ധനകളും വ്യവസ്ഥകളും അനുസരിച്ച് പരിരക്ഷിക്കപ്പെടാത്ത ചികിത്സയാണെങ്കിൽ, നിങ്ങളുടെ ക്യാഷ്‌ലെസ് അല്ലെങ്കിൽ റീഇംബേഴ്സ്മെന്‍റ് ക്ലെയിം നിരസിക്കുന്നതാണ്.
• മെഡിക്കൽ വിവരങ്ങൾ അപര്യാപ്തമാണെങ്കിൽ, ക്യാഷ്‌ലെസ് ക്ലെയിമിനുള്ള പ്രീ-ഓതറൈസേഷൻ നിരസിച്ചേക്കാം.
• ക്യാഷ്‌ലെസ് സൗകര്യം നിരസിക്കുക എന്നാൽ ചികിത്സ നിരസിക്കുന്നു എന്ന് അര്‍ത്ഥമില്ല, അത് ആവശ്യമായ മെഡിക്കല്‍ ശ്രദ്ധയോ ഹോസ്പിറ്റലൈസേഷനോ ലഭിക്കുന്നതിൽ നിന്ന് നിങ്ങളെ തടയുന്നില്ല.

ഹോസ്പിറ്റലൈസേഷന് മുമ്പ്/ശേഷമുള്ള ചെലവുകളുടെ റീഇമ്പേഴ്സ്മെന്‍റ്

ആശുപത്രിയിൽ പ്രവേശിപ്പിക്കുന്നതിന് മുമ്പും ഡിസ്ചാർജ് ചെയ്തതിന് ശേഷവും ഉണ്ടാകുന്ന ബന്ധപ്പെട്ട മെഡിക്കൽ ചെലവുകൾ ഈ പോളിസി പ്രകാരം റീഇമ്പേഴ്സ് ചെയ്യുന്നതാണ്. അത്തരം സേവനങ്ങളുടെ പ്രിസ്ക്രിപ്ഷനുകളും ബില്ലുകളും/രസീതുകളും ബജാജ് അലയൻസ് ജനറൽ ഇൻഷുറൻസിലേക്ക് കൃത്യമായി ഒപ്പിട്ട ക്ലെയിം ഫോമിനൊപ്പം സമർപ്പിക്കണം.

റീഇംബേഴ്സ്മെന്‍റ് ക്ലെയിം പ്രോസസ്

• ഹോസ്പിറ്റലൈസേഷനെക്കുറിച്ച് ബജാജ് അലയൻസ് ജനറൽ ഇൻഷുറൻസിൻ്റെ HAT നെ അറിയിക്കുക. നിങ്ങളുടെ ക്ലെയിം ഓൺലൈനിൽ രജിസ്റ്റർ ചെയ്യാൻ ക്ലിക്ക്‌ ചെയ്യൂ നിങ്ങളുടെ ക്ലെയിം ഓഫ്‌ലൈനിൽ രജിസ്റ്റർ ചെയ്യാൻ, ദയവായി ഞങ്ങളുടെ ടോൾ-ഫ്രീ നമ്പറിൽ വിളിക്കുക: 1800-209-5858.
• ഡിസ്ചാർജ്ജ് ചെയ്തതിന് ശേഷം 30 ദിവസത്തിനുള്ളിൽ നിങ്ങൾ താഴെപ്പറയുന്ന ഡോക്യുമെന്‍റുകൾ HAT ന് സമർപ്പിക്കണം: കൃത്യമായി പൂരിപ്പിച്ച് ഒപ്പിട്ട ക്ലെയിം ഫോം, മൊബൈൽ നമ്പറും ഇമെയിൽ IDയും സഹിതം ഒറിജിനൽ ഹോസ്പിറ്റൽ ബിൽ, പേമെന്‍റ് രസീത്. അന്വേഷണ റിപ്പോർട്ട് ഡിസ്ചാർജ് കാർഡ് പ്രിസ്ക്രിപ്ഷനുകൾ മരുന്നുകളുടെയും ശസ്ത്രക്രിയാ സാധനങ്ങളുടെയും ബില്ലുകൾ ഹോസ്പിറ്റലൈസേഷന് മുമ്പുള്ള ചെലവുകളുടെ വിശദാംശങ്ങൾ (എന്തെങ്കിലും ഉണ്ടെങ്കിൽ) ഇൻ-പേഷ്യന്‍റ് പേപ്പറുകൾ, ആവശ്യമെങ്കിൽ.
• കൂടുതൽ പ്രോസസ്സിംഗിനായി എല്ലാ ഡോക്യുമെൻ്റും HAT ലേക്ക് അയയ്ക്കേണ്ടതാണ്, തുടർന്ന് മൂല്യനിർണ്ണയത്തിന്‍റെ അടിസ്ഥാനത്തിൽ 10 പ്രവൃത്തി ദിവസത്തിനുള്ളിൽ അന്തിമ സെറ്റിൽമെന്‍റ് നടത്തുന്നതാണ്.
• ഹോസ്പിറ്റലൈസേഷന് ശേഷമുള്ള ചെലവിൻ്റെ ക്ലെയിം ഡോക്യുമെന്‍റുകൾ ഡിസ്ചാർജ് ചെയ്ത തീയതി മുതൽ 90 ദിവസത്തിനുള്ളിൽ അയയ്ക്കണം.

റീഇംബേഴ്സ്മെന്‍റ് ക്ലെയിമിന് ആവശ്യമായ ഡോക്യുമെന്‍റുകൾ

• ശരിയാംവണ്ണം സീൽ ചെയ്തതും ഒപ്പിട്ടതുമായ ഒറിജിനൽ പ്രീ-നമ്പേർഡ് ഹോസ്പിറ്റൽ പേമെന്‍റ് രസീത്.
• ഒറിജിനൽ പ്രിസ്ക്രിപ്ഷനുകളും ഫാർമസി ബില്ലുകളും.
• ഒറിജിനൽ കൺസൾട്ടേഷൻ പേപ്പറുകൾ (എന്തെങ്കിലും ഉണ്ടെങ്കിൽ).
• ഒറിജിനൽ അന്വേഷണ റിപ്പോർട്ടും രോഗനിർണ്ണയ റിപ്പോർട്ടും, ഒപ്പം, ആശുപത്രിക്ക് ഉള്ളിലും പുറത്തും നടത്തിയ അന്വേഷണത്തിൻ്റെ ഒറിജിനൽ ബില്ലുകളും പേമെന്‍റ് രസീതുകളും.
• നിങ്ങൾ ഒരു ക്യാഷ്‌ലെസ് ക്ലെയിം നേടിയെങ്കിലും അത് ഉപയോഗിച്ചില്ലെങ്കിൽ അത് സൂചിപ്പിക്കുന്ന ആശുപത്രിയിൽ നിന്നുള്ള ഒരു കത്ത്.
• ചികിത്സിക്കുന്ന ഡോക്ടറിൽ നിന്ന് സംഭവം വിവരിക്കുന്ന ഒരു കത്ത് (അപകടം സംഭവിക്കുന്ന സാഹചര്യത്തിൽ).
• ലെറ്റർഹെഡിൽ ഹോസ്പിറ്റൽ രജിസ്ട്രേഷൻ സർട്ടിഫിക്കറ്റും ഹോസ്പിറ്റൽ ഇൻഫ്രാസ്ട്രക്ചറും.
• നിങ്ങളുടെ പേരും ബാങ്കിന്‍റെ IFSC കോഡും ഉള്ള ക്യാൻസൽ ചെയ്ത ചെക്ക്.
• വിശദമായ മെഡിക്കല്‍ ചരിത്രവും ഡോക്ടറുടെ കുറിപ്പുകളും ഊഷ്മാവ്, നാഡീസ്‌പന്ദനം, ശ്വാസോച്ഛ്വാസം എന്നിവയുടെ ചാര്‍ട്ടുകളും സഹിതം, പ്രവേശിപ്പിച്ച തീയതി മുതല്‍ ഡിസ്ചാര്‍ജ്ജ് ചെയ്ത തീയതി വരെയുള്ള ആശുപത്രിയില്‍ നിന്ന് സാക്ഷ്യപ്പെടുത്തിയ ഇന്‍ഡോര്‍ കേസ് പേപ്പറിന്‍റെ കോപ്പി.
• എക്സ്-റേ (ഒടിവ് ഉണ്ടാകുന്ന സാഹചര്യത്തിൽ).
• ചികിത്സിക്കുന്ന ഡോക്ടറിൽ നിന്നുള്ള പ്രസവചികിത്സാ സംബന്ധിയായ ചരിത്രം (പ്രസവ കേസുകളിൽ).
• FIR ന്‍റെ കോപ്പി (അപകടം ഉണ്ടായാല്‍).
• ചില പ്രത്യേക കേസുകളിൽ അധികമായി ആവശ്യമുള്ളവ: തിമിര ശസ്ത്രക്രിയ നടത്തുന്ന സാഹചര്യത്തിൽ, ലെൻസിൻ്റെ സ്റ്റിക്കറും ബില്ലിൻ്റെ കോപ്പിയും. ശസ്ത്രക്രിയയുടെ കാര്യത്തിൽ, ഇംപ്ലാന്‍റ് സ്റ്റിക്കറും ബില്ലിൻ്റെ കോപ്പിയും. ഹൃദയ സംബന്ധമായ ചികിത്സയുടെ കാര്യത്തിൽ, സ്റ്റെന്‍റ് സ്റ്റിക്കറും ബില്ലിൻ്റെ കോപ്പിയും.

സമർപ്പിക്കേണ്ട ഡോക്യുമെന്‍റുകൾ:

ക്രിട്ടിക്കൽ ഇൽനെസ് ക്ലെയിം:

• ഇൻഷുർ ചെയ്തയാൾ ഒപ്പിട്ട കൃത്യമായി പൂരിപ്പിച്ച ഒരു ക്ലെയിം ഫോം.
• ഡിസ്ചാർജ് സംഗ്രഹം/ഡിസ്ചാർജ് സർട്ടിഫിക്കറ്റിന്‍റെ ഒരു കോപ്പി.
• അന്തിമ ആശുപത്രി ബില്ലിന്‍റെ ഒരു പകർപ്പ്.
• പോളിസി ഡോക്യുമെന്‍റുകളുടെ ഒരു കോപ്പി.
• രോഗത്തിനുള്ള ആദ്യ കൺസൾട്ടേഷൻ ലെറ്റർ.
• രോഗ കാലയളവ് കാണിക്കുന്ന മെഡിക്കൽ സർട്ടിഫിക്കറ്റ് (ആവശ്യമെങ്കിൽ).
• രോഗം അനുസരിച്ച് ആവശ്യമായ എല്ലാ അന്വേഷണ റിപ്പോർട്ടുകളും (ആവശ്യമെങ്കിൽ).
• ജോലിയുടെ തരം വ്യക്തമാക്കുന്ന തൊഴിലുടമയുടെ കത്ത്.
• നിങ്ങളുടെ ആധാർ കാർഡ് അല്ലെങ്കിൽ മറ്റേതെങ്കിലും ഗവൺമെന്‍റ് ഫോട്ടോ ഐഡി, പാൻ കാർഡ് എന്നിവയുടെ ഒരു പകർപ്പ്. നിങ്ങളുടെ ഐഡി കാർഡ് നൽകുമ്പോൾ അല്ലെങ്കിൽ മുൻ ക്ലെയിമിൽ പോളിസിയുമായി ലിങ്ക് ചെയ്തിട്ടുണ്ടെങ്കിൽ ഇത് നിർബന്ധമല്ല.

ഡെത്ത് ക്ലെയിം:

• അവകാശി ഒപ്പിട്ട കൃത്യമായി പൂർത്തിയാക്കിയ ക്ലെയിം ഫോം.
• ഡെത്ത് സർട്ടിഫിക്കറ്റിന്‍റെ സാക്ഷ്യപ്പെടുത്തിയ പകർപ്പ്.
• പോസ്റ്റ്-മോർട്ടം റിപ്പോർട്ടിന്‍റെ സാക്ഷ്യപ്പെടുത്തിയ പകർപ്പ്, നടത്തിയെങ്കിൽ.
• ആന്തരാവയവങ്ങളുടെ/കെമിക്കൽ അനാലിസിസ് റിപ്പോർട്ടിന്‍റെ സാക്ഷ്യപ്പെടുത്തിയ പകർപ്പ് (ആന്തരാവയവങ്ങൾ സംരക്ഷിച്ചിട്ടുണെങ്കിൽ).
• മുങ്ങിമരണം സംഭവിക്കുന്ന സാഹചര്യത്തിൽ ഫോറൻസിക് ലാബിൽ നിന്നുള്ള ഡയറ്റംസ് റിപ്പോർട്ട് (സാമ്പിൾ സംരക്ഷിച്ചിട്ടുണ്ടെങ്കിൽ).
• സാക്ഷി മൊഴിയുടെ സാക്ഷ്യപ്പെടുത്തിയ പകർപ്പ് (എന്തെങ്കിലും ഉണ്ടെങ്കിൽ).
• ശവസംസ്കാരത്തിൻ്റെ സർട്ടിഫിക്കറ്റ് (ബാധകമാകുന്നിടത്ത്).
• ക്ലെയിം പ്രോസസ് ചെയ്യുന്നതിന് എല്ലാ നിയമാനുസൃത അവകാശികളും കൃത്യമായി ഒപ്പുവെച്ചതും നോട്ടറി സാക്ഷ്യപ്പെടുത്തിയതുമായ നിയമപരമായ സത്യവാങ്‌മൂലം, ഇൻഡംനിറ്റി ബോണ്ട് എന്നിവ ഉൾപ്പെടുന്ന ലീഗൽ ഹെയർ സർട്ടിഫിക്കറ്റ് നിർബന്ധമാണ്.
• ഇൻഷുർ ചെയ്ത വ്യക്തിയുടെ/ക്ലെയിമന്‍റിന്‍റെ ഫോട്ടോ-ഐഡന്‍റിറ്റി പ്രൂഫ്.
• ഇൻഷുർ ചെയ്ത വ്യക്തിയുടെ/ക്ലെയിമന്‍റിന്‍റെ അഡ്രസ് പ്രൂഫ്.
• ക്ലെയിം പ്രോസസ് ചെയ്യാൻ ബജാജ് അലയൻസ് ജനറൽ ഇൻഷുറൻസിന് ആവശ്യമായ മറ്റ് ഡോക്യുമെന്‍റുകൾ.
• നിങ്ങളുടെ ആധാർ കാർഡ് അല്ലെങ്കിൽ മറ്റേതെങ്കിലും ഗവൺമെന്‍റ് ഫോട്ടോ ഐഡി, പാൻ കാർഡ് എന്നിവയുടെ ഒരു പകർപ്പ്. നിങ്ങളുടെ ഐഡി കാർഡ് നൽകുമ്പോൾ അല്ലെങ്കിൽ മുൻ ക്ലെയിമിൽ പോളിസിയുമായി ലിങ്ക് ചെയ്തിട്ടുണ്ടെങ്കിൽ ഇത് നിർബന്ധമല്ല.

PTD, PPD, TTD ക്ലെയിം:

• അവകാശി ഒപ്പിട്ട കൃത്യമായി പൂർത്തിയാക്കിയ ക്ലെയിം ഫോം.
• എഫ്ഐആർ/പഞ്ചനാമ/ഇൻക്വസ്റ്റ് പഞ്ചനാമയുടെ സാക്ഷ്യപ്പെടുത്തിയ പകർപ്പ്.
• മെഡിക്കോ ലീഗൽ സർട്ടിഫിക്കറ്റിന്‍റെ ഒരു കോപ്പി.
• പരിക്കേറ്റ ശേഷം തല്‍ക്ഷണം അഡ്മിറ്റ് ചെയ്ത ആശുപത്രിയിൽ നിന്നുള്ള ഡിസ്ചാര്‍ജ്ജ് സംഗ്രഹത്തിന്‍റെ ഒരു കോപ്പി.
• രോഗനിർണ്ണയത്തെ പിന്തുണയ്ക്കുന്ന എക്സ്-റേ ഫിലിമുകൾ/അന്വേഷണ റിപ്പോർട്ടുകൾ.
• ഇൻഷുർ ചെയ്ത വ്യക്തിയുടെ വൈകല്യം സാക്ഷ്യപ്പെടുത്തുന്ന ഒരു ഗവൺമെന്‍റ് അതോറിറ്റിയിൽ നിന്നുള്ള വൈകല്യ സർട്ടിഫിക്കറ്റ്.
• ക്ലെയിം പ്രോസസ് ചെയ്യാൻ ബജാജ് അലയൻസ് ജനറൽ ഇൻഷുറൻസിന് ആവശ്യമായ മറ്റ് ഡോക്യുമെന്‍റുകൾ.
• തൊഴിൽ ദാതാവിൽ നിന്നുള്ള അവധി സർട്ടിഫിക്കറ്റ്.
• നിങ്ങളുടെ ആധാർ കാർഡ് അല്ലെങ്കിൽ മറ്റേതെങ്കിലും ഗവൺമെന്‍റ് ഫോട്ടോ ഐഡി, പാൻ കാർഡ് എന്നിവയുടെ ഒരു പകർപ്പ്. നിങ്ങളുടെ ഐഡി കാർഡ് നൽകുമ്പോൾ അല്ലെങ്കിൽ മുൻ ക്ലെയിമിൽ പോളിസിയുമായി ലിങ്ക് ചെയ്തിട്ടുണ്ടെങ്കിൽ ഇത് നിർബന്ധമല്ല.

എല്ലാ യഥാർത്ഥ ഡോക്യുമെന്‍റുകളും താഴെപ്പറയുന്ന വിലാസത്തിൽ സമർപ്പിക്കേണ്ടതുണ്ട്:

ഹെൽത്ത് അഡ്മിനിസ്ട്രേഷൻ ടീം

ബജാജ് അലയൻസ് ഹൗസ്, എയർപോർട്ട് റോഡ്, യെർവാഡ, പൂനെ-411006

നിങ്ങളുടെ പോളിസി നമ്പർ, ഹെൽത്ത് കാർഡ് നമ്പർ, മൊബൈൽ നമ്പർ എന്നിവ കവറിന്‍റെ പുറത്ത് വ്യക്തമായി കാണിച്ചിരിക്കണം.

കുറിപ്പ്: ഡോക്യുമെൻ്റുകളുടെ ഓരോ ഫോട്ടോകോപ്പിയും കൊറിയറിൻ്റെ റഫറൻസ് നമ്പറും നിങ്ങളുടെ റെക്കോർഡിൽ സൂക്ഷിച്ചുവെക്കുക.