பயன்பாட்டு அடிப்படையிலான மோட்டார் காப்பீடு: நீங்கள் ஓட்டுவதற்கு ஏற்ப பணம்செலுத்தும் பாலிசி

கோவிட்-19 தொற்றுநோய் சிக்கனமாக செலவு செய்ய கற்றுக் கொடுத்துள்ளது. இது நம் வாழ்க்கையின் கிட்டத்தட்ட ஒவ்வொரு அம்சத்திற்கும் பொருந்தும். நமக்கு உடனடியாகத் தேவைப்படாத விஷயங்கள் எதிர்காலத் தேதிக்கு ஒத்திவைக்கப்படுகின்றன. மேலும், செலவழிக்கும் பழக்கம் ஆடம்பரத்தை மையமாகக் கொண்டிருப்பதிலிருந்து மாறி, அத்தியாவசியமானவற்றில் மட்டுமே கவனம் செலுத்துகிறது. எனவே, மோட்டார் காப்பீட்டு பாலிசி வாங்குவது கட்டாயமாகும் மற்றும் இதனை அலட்சியப்படுத்தக்கூடாது. வெளியில் செல்ல வேண்டிய தேவை குறைவாக இருப்பதால், மோட்டார் காப்பீட்டு பாலிசி கூடுதல் செலவு போல் தெரிகிறது. ஆனால் வாகனம் ஒரே இடத்தில் இருந்தாலும் திருட்டு, தீ விபத்து போன்ற ஆபத்துகள் ஏற்படும். அத்தகைய நிச்சயமற்ற நிகழ்வுகளுக்கு எதிராக பாதுகாக்க, ஒரு காப்பீட்டு பாலிசி அவசியமாகும்.   பயன்பாட்டு-அடிப்படையிலான காப்பீடு என்றால் என்ன?  பயன்பாட்டு-அடிப்படையிலான காப்பீடு அல்லது யுபிஐ என்பது ஒரு வகையான குறுகிய கால கார் காப்பீடாகும், இதில் பாலிசிக்கான செலுத்த வேண்டிய பிரீமியம் காப்பீடு செய்யப்பட்ட வாகனம்/தயாரிப்பின் பயன்பாட்டுடன் நேரடியாக இணைக்கப்பட்டுள்ளது. இது டெலிமேட்டிக்ஸ் காப்பீடு என்றும் அழைக்கப்படுகிறது, மேலும் இது ஒழுங்குமுறை சாண்ட்பாக்ஸ் ரூட் மூலம் அறிமுகப்படுத்தப்பட்டுள்ளது.   டெலிமேட்டிக்ஸ் என்றால் என்ன? டெலிமேட்டிக்ஸ் என்பது தொலைத்தொடர்புகள் மற்றும் தகவல்களின் கலவையாகும் - டிரைவிங் தொடர்பான தரவைக் கண்காணிக்கவும், அந்தத் தகவலைச் சேமித்தல் மற்றும் பரிமாற்றம் செய்யவும் இது பயன்படுகிறது. வாகனக் காப்பீட்டுத் துறையில், ஓட்டுநர் நடத்தையைப் புரிந்துகொள்வதற்கும் பொருத்தமான வாகனக் காப்பீட்டு விகிதத்தை அளவிடுவதற்கும் இந்தத் தரவு அவசியமாகும். பயன்பாட்டு-அடிப்படையிலான காப்பீடு வளர்ந்த நாடுகளில் பரவலாக உள்ளது, ஆனால் இப்போது இந்தியாவிலும் அறிமுகப்படுத்தப்பட்டுள்ளது. அறிக்கைகளின்படி, Insurance Regulatory and Development Authority of India (IRDAI) பயன்பாட்டு அடிப்படையிலான மோட்டார் காப்பீட்டு பாலிசியின் யோசனையை ஆதரிக்கிறது. பஜாஜ் அலையன்ஸ் ஜெனரல் இன்சூரன்ஸ் பயனர்களின் தேவைகளை கருத்தில் கொண்டு இதுபோன்ற திட்டங்கள் அறிமுகப்படுத்தப்பட்டுள்ளன.   பயன்பாட்டு-அடிப்படையிலான கார் காப்பீட்டு பாலிசி எவ்வாறு செயல்படுகிறது?  நீங்கள் இந்த வகையான பாலிசியை வாங்கும்போது, முன்-குறிப்பிட்ட கிலோமீட்டர்களுக்கு நீங்கள் மோட்டார் காப்பீட்டு பிரீமியத்தை செலுத்த வேண்டும். ஒருவேளை நீங்கள் இந்த முன்னரே வரையறுக்கப்பட்ட தொலைவை கடந்தால், நீங்கள் அதை கூடுதல் கிலோமீட்டர்களுடன் புதுப்பிக்கலாம். பயன்பாட்டு அடிப்படையிலான திட்டத்தைப் பெறுவதற்கு, உங்கள் வாகனத்தின் பயன்பாடு அதிகரித்தால், நீங்கள் அடிக்கடி டாப்-அப் செய்ய வேண்டும் என்பதை நீங்கள் நினைவில் கொள்ள வேண்டும்,.   பயன்பாட்டு-அடிப்படையிலான கார் காப்பீட்டின் நன்மைகள் யாவை? ஒரு குறுகிய கால கார் காப்பீடு, ஆக இருப்பதால் இந்த திட்டங்களின் நன்மைகள் பின்வருமாறு-   குறைந்த பிரீமியங்கள்: பாலிசி குறிப்பிட்ட கிலோமீட்டர்களுக்கு மட்டுமே செல்லுபடியாகும் என்பதால், ஓன் டேமேஜ் காப்பீட்டுடன் நிலையான திட்டங்களை விட பிரீமியங்கள் குறைவாக இருக்கும். இந்த வகையான காப்பீட்டு பாலிசிகளைப் பயன்படுத்தி டிரைவர்கள் நிறைய சேமிக்க முடியும். மேலும், தங்கள் வாகனங்களை எப்போதாவது பயன்படுத்துபவர்கள், ஒழுங்குமுறை விதிமுறைகளுக்கு இணங்கும்போது, அத்தகைய குறைந்த பிரீமியங்களைப் பயன்படுத்திக் கொள்ள முடியும்.   சிறந்த சாலை பாதுகாப்பு: டிரைவிங் பழக்கத்தை கண்காணிக்க உதவும் சாதனங்களை டெலிமேட்டிக்ஸ் பயன்படுத்துகிறது. சாதனத்தை நிறுவுவது உங்கள் பாலிசியின் கீழ் சேர்க்கப்பட்டுள்ளது மற்றும் வாகனம் ஓட்டும் பழக்கத்தை கண்காணிக்க காப்பீடு செய்தவருக்கும் காப்பீட்டு நிறுவனத்திற்கும் உதவும். இந்த கண்காணிப்பு கருவிகளைப் பயன்படுத்தி, இது உங்களுக்கும் மற்ற கார்களுக்கும் சாலை பாதுகாப்பை அதிகரிக்க உதவும். மேலும், இந்த தரவைப் பயன்படுத்தி, பயன்பாட்டைப் பொறுத்து விரிவான காப்பீட்டை வழங்கும் சிறந்த திட்டங்களை காப்பீட்டு நிறுவனம் பரிந்துரைக்கலாம்.   கூடுதல் அம்சங்கள்: பயன்பாட்டு-அடிப்படையிலான மோட்டார் காப்பீட்டு பாலிசிகளை தேவையான ஆட்-ஆன்களுடன் மேம்படுத்தலாம். கூடுதல் காப்பீட்டு விருப்பங்களைப் பயன்படுத்துவதன் மூலம், ஒரு பாலிசிதாரர் தங்கள் வாகனத்திற்கான முழுமையான பாதுகாப்பை உறுதி செய்யலாம். முடிவில், பயன்பாட்டு-அடிப்படையிலான மோட்டார் காப்பீட்டு பாலிசி காப்பீட்டுத் துறையில் அடுத்த பெரிய விஷயமாகும். உங்கள் மோட்டார் வாகனத்தின் பயன்பாட்டின் அடிப்படையில் ஒரு விரிவான காப்பீட்டை பராமரிக்கும் போது வாங்குபவர்களுக்கு இது மலிவான விருப்பங்களை வழங்குகிறது.