സർവ്വീസ് ചാറ്റ്: 
പ്രകൃതി ദുരന്തങ്ങൾ, മോഷണം, കവർച്ച തുടങ്ങിയ നിർഭാഗ്യകരമായ സംഭവങ്ങളിൽ ടൂ വീലറിന് ഉണ്ടാകുന്ന നാശനഷ്ടങ്ങൾ /അല്ലെങ്കിൽ പരിക്കുകൾ മൂലമുണ്ടാകുന്ന സാമ്പത്തിക പ്രശ്നങ്ങളില്‍ നിന്ന് സംരക്ഷിക്കുന്ന അനിവാര്യമായ ഉപാധിയാണ് ടൂ വീലർ ഇൻഷുറൻസ്.
ടൂ വീലർ ഇൻഷുറൻസ് പ്രീമിയം തീരുമാനിക്കുന്ന ഘടകങ്ങൾ എന്തൊക്കെയാണ്?
ഇന്ത്യയിൽ, നിർബന്ധമായും വേണ്ടതാണ് തേർഡ് പാർട്ടി ബൈക്കിനുള്ള ഇൻഷുറൻസ് പോളിസി, IRDAI (Insurance Regulatory and Development Authority of India) ഇതിന് തീരുമാനിക്കുന്ന പ്രീമിയം ഓരോ വർഷവും മാറും.
സമഗ്രമായ ടൂ വീലർ ഇൻഷുറൻസ് പോളിസി IRDAI നിർബന്ധമാക്കിയില്ലെങ്കിലും, പ്രകൃതി ദുരന്തങ്ങൾ /അല്ലെങ്കിൽ അപ്രതീക്ഷിത അപകടങ്ങൾ മൂലം നിങ്ങളുടെ വാഹനം തകരുകയോ/കേടുപാടുകൾ സംഭവിക്കുകയോ ചെയ്താൽ, സാമ്പത്തികമായി കരുതല്‍ ഉണ്ടാകുമെന്നതിനാല്‍ നിങ്ങൾ എടുക്കുന്നത് നല്ലതാണ്.
നിങ്ങളുടെ ബൈക്ക് ഇൻഷുറൻസ് പ്രീമിയം കോംപ്രിഹെൻസീവ് ടു വീലർ ഇൻഷുറൻസിനുള്ളത് താഴെപ്പറയുന്ന ഘടകങ്ങളെ ആശ്രയിച്ചിരിക്കുന്നു:
- ഐഡിവി
- വാഹനത്തിന്‍റെ ക്യൂബിക് കപ്പാസിറ്റി
- വാഹനത്തിന്‍റെ പഴക്കം
- ജിയോഗ്രാഫിക്കൽ സോൺ
- ആഡ്-ഓൺ പരിരക്ഷകൾ (ഓപ്ഷണൽ)
- ആക്സസറീസ് (ഓപ്ഷണൽ)
- മുമ്പത്തെ എൻസിബി റെക്കോർഡുകൾ (എന്തെങ്കിലും ഉണ്ടെങ്കിൽ)
മറ്റെല്ലാ പദങ്ങളും സ്വയം വിശദീകരിക്കുന്നവയാണെങ്കിലും, ഐഡിവി എന്താണ് അർത്ഥമാക്കുന്നത് എന്ന് നമുക്ക് മനസ്സിലാക്കാം.
എന്താണ് ഐഡിവി?
ഇൻഷുറൻസിലെ ഐഡിവി എന്നാൽ ഇൻഷ്വേര്‍ഡ് വ്യക്തിയുടെ പ്രഖ്യാപിത മൂല്യം എന്നാണ് അർത്ഥമാക്കുന്നത്. ഇത് ടൂ വീലറിന്‍റെ എക്സ്-ഷോറൂം വിലയിൽ കണക്കാക്കുന്നു. രജിസ്ട്രേഷൻ, ഇൻഷുറൻസ് നിരക്കുകൾ ഒഴികെയുള്ള ഇൻവോയ്സ് മൂല്യവും ജിഎസ്‍ടിയും ഉൾപ്പെടുന്ന നിർമ്മാതാവിന്‍റെ വിൽപ്പന വിലയിൽ ഐഡിവി നിശ്ചയിച്ചിരിക്കുന്നു. ടൂ വീലറിന്‍റെ ഐഡിവി താഴെപ്പറയുന്ന ഘടകങ്ങളെ ആശ്രയിച്ചിരിക്കുന്നു:
- നിങ്ങളുടെ വാഹനത്തിന്‍റെ നിർമ്മിതി
- നിങ്ങളുടെ വാഹനത്തിന്‍റെ മോഡൽ
- നിങ്ങളുടെ ബൈക്കിന്‍റെ സബ്-മോഡൽ
- രജിസ്ട്രേഷന്‍ തീയതി
ഐഡിവിയുടെ കൂടുതല്‍ ഔദ്യോഗികമായ നിർവചനം "ഇൻഷുർ ചെയ്ത വാഹനത്തിനായി ഓരോ പോളിസി കാലാവധിയുടെ പ്രാരംഭത്തിൽ നിശ്ചിതമായ ടൂ വീലർ ഇൻഷുറൻസ് പോളിസിയുടെ ഉദ്ദേശ്യത്തിനായുള്ള ഇൻഷ്വേർഡ് തുക" എന്നാണ്.
നിർമ്മാതാവിന്‍റെ നിലവിലെ ലിസ്റ്റ് ചെയ്ത വിൽപ്പന വിലയെ അടിസ്ഥാനമാക്കിയുള്ളതിനാൽ, ഐഡിവി താഴുകയോ കുറയുകയോ ചെയ്യുന്നതാണ്. നിങ്ങളുടെ ടൂ വീലറിന്‍റെ പഴക്കം അടിസ്ഥാനമാക്കി ഡിപ്രീസിയേഷൻ നിരക്ക് അറിയാൻ താഴെപ്പറയുന്ന പട്ടിക ഉപയോഗിക്കാം.
| വാഹനത്തിന്‍റെ പഴക്കം | % ഡിപ്രീസിയേഷൻ |
|---|---|
| 6 മാസം കവിയാത്തത് | 5% |
| 6 മാസം കവിയുന്നു, എന്നാൽ 1 വർഷത്തിൽ കവിയാത്തത് | 5% |
| 1 വർഷം കവിയുന്നു, എന്നാൽ 2 വർഷത്തിൽ കവിയാത്തത് | 15% |
| 2 വർഷം കവിയുന്നു, എന്നാൽ 3 വർഷത്തിൽ കൂടുതൽ അല്ല | 20% |
| 3 വർഷം കവിയുന്നു, എന്നാൽ 4 വർഷത്തിൽ കൂടുതൽ അല്ല | 40% |
| 4 വർഷം കവിയുന്നു, എന്നാൽ 5 വർഷത്തിൽ കൂടുതൽ അല്ല | 50% |
5 വർഷത്തിൽ കൂടുതൽ പഴക്കമുള്ള വാഹനങ്ങൾക്കുള്ള ഐഡിവി നിങ്ങളും ഇൻഷുററും തമ്മിലുള്ള ചർച്ചയ്ക്കും എഗ്രിമെന്‍റിന് ശേഷമാണ് തീരുമാനിക്കുക.
പുതിയ വാഹനങ്ങൾക്കുള്ള ഐഡിവി അവയുടെ എക്സ്-ഷോറൂം വിലയുടെ 95% ആണ്. ബൈക്ക്/ടൂ വീലറിനായി ശരിയായ ഇൻഷുറൻസ് പോളിസി വാങ്ങാൻ അറിവോടെയുള്ള തീരുമാനം എടുക്കാൻ ഐഡിവി സംബന്ധിച്ച ഈ വിവരങ്ങൾ സഹായിക്കുമെന്ന് പ്രതീക്ഷിക്കുന്നു. ഞങ്ങളുടെ വെബ്സൈറ്റ് സന്ദർശിച്ച് ടൂ വീലർ ഇൻഷുറൻസ് പോളിസിയുടെ സവിശേഷതകളും ആനുകൂല്യങ്ങളും സംബന്ധിച്ച് കൂടുതൽ വിവരങ്ങൾ ലഭിക്കും. നിങ്ങൾക്ക് നിങ്ങളുടെ പ്രീമിയം നിർണ്ണയിക്കാം ടു വീലർ ഇൻഷുറൻസ് പ്രീമിയം കാൽക്കുലേറ്റർ .
ഒരു മറുപടി നൽകുക