સર્વિસ ચૅટ: 
ટૂ-વ્હીલર ઇન્શ્યોરન્સ એ એક આવશ્યક સાધન છે જે તમને કુદરતી આપત્તિઓ, ચોરી, ઘરફોડી વગેરે જેવી દુર્ભાગ્યપૂર્ણ ઘટનાઓમાં તમારા ટૂ-વ્હીલરને આકસ્મિક નુકસાન અને/અથવા ઈજાઓને કારણે થતા કોઈપણ આર્થિક અડચણ સામે સુરક્ષિત કરે છે.
ટૂ-વ્હીલર ઇન્શ્યોરન્સ પ્રીમિયમ કયા પરિબળોને આધારે નક્કી કરવામાં આવે છે?
ભારતમાં, તમારી પાસે બાઇક માટે ઇન્શ્યોરન્સ પૉલિસી, કે જે ઓછામાં ઓછું થર્ડ-પાર્ટીને કવર કરે તે હોવી ફરજિયાત છે, જેનું પ્રીમિયમ આઇઆરડીએઆઇ (ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા) દ્વારા નક્કી કરવામાં આવે છે અને જે દર વર્ષે બદલાય છે.
આઇઆરડીએઆઇ દ્વારા કોમ્પ્રિહેન્સિવ ટૂ-વ્હીલર ઇન્શ્યોરન્સ પૉલિસી હોવી ફરજિયાત બનાવવામાં આવેલ નથી, પરંતુ તે ખરીદવાની સલાહ આપવામાં આવે છે, કારણ કે જો કુદરતી આપત્તિ અને/અથવા પહેલાં ન થયો હોય તેવા અકસ્માતને કારણે તમારું વાહન ગુમાવો છો/તેને નુકસાન પહોંચે છે, તો તે તમને આર્થિક સહાય કરી શકે છે.
તમારું બાઇક ઇન્શ્યોરન્સ પ્રીમિયમ તમારા કોમ્પ્રિહેન્સિવ ટૂ-વ્હીલર ઇન્શ્યોરન્સ માટે નીચેના પરિબળો પર આધારિત છે:
- આઇડીવી
- વાહનની ક્યુબિક ક્ષમતા
- વાહનની ઉંમર
- ભૌગોલિક ઝોન
- ઍડ-ઑન કવર (વૈકલ્પિક)
- ઍક્સેસરીઝ (વૈકલ્પિક)
- પાછલા એનસીબી રેકોર્ડ (જો કોઈ હોય તો)
અન્ય તમામ શબ્દો પોતે જ પોતાની સમજૂતી આપે છે, પરંતુ ચાલો આઇડીવીનો અર્થ શું છે તે સમજીએ.
આઇડીવી શું છે?
ઇન્શ્યોરન્સમાં આઇડીવી એટલે ઇન્શ્યોર્ડ ડિકલેર્ડ વેલ્યૂ. તેની ગણતરી તમારા ટૂ-વ્હીલરની એક્સ-શોરૂમ કિંમત પર કરવામાં આવે છે. આઇડીવી ઉત્પાદકની વેચાણ કિંમત પર નક્કી કરવામાં આવે છે, જેમાં રજિસ્ટ્રેશન અને ઇન્શ્યોરન્સ શુલ્ક સિવાયના બિલ મૂલ્ય અને જીએસટીનો સમાવેશ થાય છે. તમારા ટૂ-વ્હીલરની આઇડીવી નીચેના પરિબળો પર આધારિત છે:
- તમારા વાહનનું મેક
- તમારા વાહનનું મોડેલ
- તમારી બાઇકનું સબ-મોડેલ
- રજિસ્ટ્રેશનની તારીખ
આઇડીવીની વધુ અધિકૃત વ્યાખ્યા એ છે કે "ટૂ-વ્હીલર ઇન્શ્યોરન્સ પૉલિસીના હેતુ માટે સમ ઇન્શ્યોર્ડ રકમ, જે ઇન્શ્યોર્ડ વાહનની દરેક પૉલિસી અવધિ શરૂ થવાના સમયે નિર્ધારિત કરવામાં આવે છે".
આઇડીવી એ ઉત્પાદકની વર્તમાન સૂચિબદ્ધ વેચાણ કિંમત પર આધારિત છે, તેથી તેનું મૂલ્ય ઓછું થઈ શકે છે અથવા ઘસારો લાગુ પડી શકે છે. તમારું ટૂ-વ્હીલર કેટલું જૂનું છે તેના આધારે ઘસારાનો દર જાણવા માટે નીચેના ટેબલનો ઉપયોગ કરી શકો છો.
| વાહનની ઉંમર | ઘસારો, % માં |
|---|---|
| 6 મહિનાથી વધુ નથી | 5% |
| 6 મહિનાથી વધુ પરંતુ 1 વર્ષથી વધુ નથી | 5% |
| 1 વર્ષથી વધુ પરંતુ 2 વર્ષથી વધુ નથી | 15% |
| 2 વર્ષથી વધુ પરંતુ 3 વર્ષથી વધુ નથી | 20% |
| 3 વર્ષથી વધુ પરંતુ 4 વર્ષથી વધુ નથી | 40% |
| 4 વર્ષથી વધુ પરંતુ 5 વર્ષથી વધુ નથી | 50% |
5 વર્ષ કરતાં જૂના વાહનોની આઇડીવી તમારા અને તમારા ઇન્શ્યોરર વચ્ચે ચર્ચા અને સંમતિ પછી નક્કી કરવામાં આવે છે.
નવા વાહનો માટે આઇડીવી તેમની એક્સ-શોરૂમ કિંમતના 95% છે. આશા છે કે આઇડીવી વિશેની આ માહિતી તમને તમારી બાઇક/ટૂ-વ્હીલર માટે યોગ્ય ઇન્શ્યોરન્સ પૉલિસી ખરીદવાનો માહિતગાર નિર્ણય લેવામાં મદદ કરે છે. તમે અમારી વેબસાઇટની મુલાકાત લઈને ટૂ-વ્હીલર ઇન્શ્યોરન્સ પૉલિસીની વિશેષતાઓ અને લાભો વિશે વધુ માહિતી મેળવી શકો છો. તમે તમારું પ્રીમિયમ નિર્ધારિત કરવા માટે જુઓ ટૂ-વ્હીલર ઇન્શ્યોરન્સ પ્રીમિયમ કૅલ્ક્યૂલેટર .
જવાબ આપો