જીવનમાં કેટલીક ખરીદીઓ કિંમતી અને હૃદયની નજીક હોય છે. ખાસ કરીને તે ખરીદીઓ, જે આપણે પોતાના પૈસાથી કરી હોય. ભલે તે જૂનું અને બિનઉપયોગી બની જાય, તો પણ તેની સાથે જોડાયેલ ભાવનાત્મક જોડાણને કારણે તેને જતું કરવું મુશ્કેલ હોય છે. આપણામાંથી ઘણા લોકો માટે, તે વસ્તુ આપણી પ્રથમ બાઇક અથવા ટૂ-વ્હીલર હોય છે, જેનો આનંદ આપણે જીવનભર માણી શકીએ છીએ. દરેક વ્યક્તિ માટે પોતાની પ્રથમ બાઇકથી અલગ થવું મુશ્કેલ હોય છે, ત્યારે ઘણા લોકો તેને ઘણા લાંબા સમય સુધી સાચવી રાખે છે, કારણ કે જો તેને વેચે, તો તેના માટે ખૂબ જ નજીવી રકમ મળે છે. તેથી, જો તમે તેને લાંબા સમય સુધી રાખવાની યોજના બનાવી રહ્યા છો, તો તેનું ઇન્શ્યોરન્સ કરાવવામાં સમજદારી છે.
જૂના ટૂ-વ્હીલર સંબંધિત નિયમો
દરેક નવા વાહન માટે એક રજિસ્ટ્રેશન સર્ટિફિકેટ ઇશ્યૂ કરવામાં આવે છે, જે 15 વર્ષ માટે માન્ય હોય છે. મોટર વાહન અધિનિયમ મુજબ, તમામ વાહનોએ નવું રજિસ્ટ્રેશન સર્ટિફિકેટ, એટલે કે 15 વર્ષ પછી ફરીથી રજિસ્ટ્રેશન પ્રાપ્ત કરવું જરૂરી છે. આરટીઓ તેને અતિરિક્ત પાંચ વર્ષ માટે રિન્યુ કરે છે, જ્યાં તે જાહેર કરે છે કે વાહન ચલાવવા માટે યોગ્ય અને સુરક્ષિત છે. આ આવશ્યકતાઓ રજિસ્ટ્રેશન સંબંધિત છે, તેવી જ રીતે ઇન્શ્યોરન્સનું અનુપાલન પણ સંપૂર્ણ સમયગાળા માટે કરવું જરૂરી છે. કાયદા મુજબ બાઇક ઇન્શ્યોરન્સ એ ફરજિયાત આવશ્યકતા છે. વિવિધ પ્રકારના ઇન્શ્યોરન્સ પ્લાનમાં,
થર્ડ પાર્ટી બાઇક ઇન્શ્યોરન્સ હોવું એ ન્યૂનતમ આવશ્યકતા છે, અને તમામ ટૂ-વ્હીલર વાહનનું કોઈ ઇન્શ્યોરન્સ કંપની દ્વારા ઇન્શ્યોરન્સ કરાવવું જરૂરી છે.
15 વર્ષ જૂની બાઇક માટે ટૂ-વ્હીલર ઇન્શ્યોરન્સ લેવો શા માટે જરૂરી છે?
આ એક સ્વીકૃત તથ્ય છે કે જેમ મશીન જૂનું થાય છે, તેમ તેમ તેના સુગમ કાર્યને સુનિશ્ચિત કરવા માટે તેની સંભાળ લેવી જરૂરી છે. એન્જિન બાઇકનું હૃદય હોવાથી, જૂના બાઇકને વારંવાર રિપેર કરાવવાની જરૂર પડી શકે છે. આમ, આવી જૂની બાઇક માટે સતત રિન્યુઅલ મેળવવું જરૂરી છે. આ ઉપરાંત, 15 વર્ષથી વધુ જૂની બાઇક માટે ઇન્શ્યોરન્સ પૉલિસી નીચેના પ્રકારના જોખમો સામે સુરક્ષિત રાખવા માટે કાર્ય કરે છે:
- એન્જિનને આગને કારણે નુકસાન અથવા અન્ય હાનિ.
- એન્ટિક વેલ્યૂ માટે ચોરી.
- તૃતીય વ્યક્તિને ઈજા અથવા તેમની સંપત્તિને નુકસાનને કારણે ઉત્પન્ન થતી કાનૂની જવાબદારી.
*સ્ટાન્ડર્ડ નિયમો અને શરતો લાગુ
15 વર્ષની બાઇક માટે ટૂ-વ્હીલર ઇન્શ્યોરન્સને રિન્યુ કરતી વખતે ધ્યાનમાં રાખવાની બાબતો
ખાસ કરીને જ્યારે 15 વર્ષથી વધુ જૂની બાઇકનો ઇન્શ્યોરન્સ લેવામાં આવે ત્યારે ધ્યાનમાં રાખવાની કેટલીક બાબતો અહીં છે:
1. બાઇકનો ઉપયોગ
જૂની બાઇક માટે
બાઇક ઇન્શ્યોરન્સ રિન્યુઅલ વખતે ધ્યાનમાં રાખવાની સૌ પ્રથમ બાબત એ છે કે વાહનની ઉપયોગિતા. જ્યારે વાહન જૂનું થઈ જાય, ત્યારે તમે તેને લાંબા પ્રવાસ માટે ઉપયોગ કરવા માંગતા નથી. તેના બદલે, તે તમારી શહેરની અંદર મુસાફરી કરવાની બાઇક હોય શકે છે. તેથી, તેના ઉપયોગને ધ્યાનમાં રાખીને યોગ્ય ઇન્શ્યોરન્સ પૉલિસી પસંદ કરવી મહત્વપૂર્ણ છે.
2. પસંદ કરવા માટે ઇન્શ્યોરન્સ પૉલિસીનો પ્રકાર
એકવાર તમારી પાસે વપરાશ વિશે સ્પષ્ટતા હોય, તો પૉલિસી માટે યોગ્ય પસંદગી કરવી મહત્વપૂર્ણ બની જાય છે. થર્ડ-પાર્ટી પ્લાન અને કોમ્પ્રિહેન્સિવ પૉલિસીઓ બે પ્રકારના ઇન્શ્યોરન્સ કવર છે જેમાંથી પસંદગી કરવાની છે. થર્ડ-પાર્ટી પ્લાન કાનૂની જવાબદારીઓ માટે મર્યાદિત કવરેજ પ્રદાન કરે છે, જ્યારે કોમ્પ્રિહેન્સિવ પ્લાન રિપેર સહિત નુકસાન માટે કોમ્પ્રિહેન્સિવ કવરેજ પ્રદાન કરે છે.
3. યોગ્ય આઇડીવી પસંદ કરવી
જો તમે 15 વર્ષ પછી કોમ્પ્રિહેન્સિવ બાઇક ઇન્શ્યોરન્સ પસંદ કરો છો, તો તમારે યોગ્ય ઇન્શ્યોર્ડ ડિકલેર્ડ વેલ્યૂ (આઇડીવી) સેટ કરવી જરૂરી છે. આ તમારી બાઇકની વર્તમાન વેલ્યૂ છે અને સંપૂર્ણ નુકસાનની સ્થિતિમાં ઇન્શ્યોરર દ્વારા તેનું વળતર આપવામાં આવે છે. વધુમાં, ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા (આઇઆરડીએઆઇ) દ્વારા માત્ર પાંચ વર્ષ સુધી જ આ આઇડીવી નક્કી કરવા માટે ઘસારાના દરો નિર્દિષ્ટ કરવામાં આવે છે, ત્યારબાદ તમારે ઇન્શ્યોરન્સ કંપની સાથે મળીને પરસ્પર નિર્ણય લેવાનો રહે છે. આમ, આવી જૂની બાઇક માટે યોગ્ય આઇડીવી રકમ સેટ કરવાથી બાઇકને નુકસાનના કિસ્સામાં વળતર મેળવવામાં મદદ મળે છે.
4. પૉલિસીની શરતોને સંપૂર્ણપણે જાણવી
તમારા ઇન્શ્યોરન્સ પ્લાનમાં ફાઇન પ્રિન્ટ વાંચવાની સલાહ આપવામાં આવે છે કારણ કે તે તમને
બાઇક ઇન્શ્યોરન્સ પૉલિસી ની વિશિષ્ટતાઓને વિગતવાર સમજવામાં મદદ કરે છે, જેમાં તમારે ક્લેઇમ સમયે ચુકવણી કરવાની હોય તેવી કોઈપણ રકમનો સમાવેશ થાય છે. 15 વર્ષની બાઇક માટે ટૂ-વ્હીલર ઇન્શ્યોરન્સ પ્લાન કેવી રીતે પસંદ કરવો તે વિશેની આ વિવિધ ટિપ્સ સાથે, તમે તમારી બાઇક માટે કાનૂની તેમજ નાણાંકીય સુરક્ષાની ખાતરી કરી શકો છો.
ઇન્શ્યોરન્સ એ આગ્રહની વિષયવસ્તુ છે. લાભો, બાકાત, મર્યાદાઓ, નિયમો અને શરતો વિશે વધુ વિગતો માટે, કૃપા કરીને ખરીદતાં પહેલાં સેલ્સ બ્રોશર/પૉલિસી નિયમાવલીને કાળજીપૂર્વક વાંચો.
સર્વિસ ચૅટ: 
જવાબ આપો